咁都係咁二講下啲入門知識啦，巿面上嘅品牌同款式多到數唔晒，有啲品牌性價比超群，有啲整到個樣靚靚仔仔但俾個垃圾芯你又賣你六七千(好多星期五嗰個牌子
)。所以買前除咗睇樣之外做功課係需要嘅，話明入門，有幾個名詞同類別要係咁二講下嘅: 1. 機械錶
機械錶係指上緊發條，之後由發條系統釋放動力從而令到手錶開始發動。當中仲有分自動上鏈同手動上鏈嘅機械錶。
2. 石英錶
石英依種物質當通電嗰陣會發出有規律嘅震動，石英錶就係透過依種震動嚟達到計時嘅效果。
3. 太陽能錶
石英錶一種，透過太陽能面版嚟叉電。
4. 人動能錶
垃圾嚟，可以無視。
5. Bph/vph
全寫係beats per hour/ vibrations per hour，係指機械錶嘅秒針每小時嘅震動次數，理論上數值愈大，走時愈準。
============
由於石英類別都係睇款睇價錢居多，而且當中型號多到我都唔識分，所以個別討論會較好，咁依家簡介下大家比較上接觸到嘅機械錶。
喺巿面上嘅機械錶嘅機芯主要係依幾個來源:
1. 瑞士
2. 日本
3. 德國
4. 蘇聯
5. 中國
當然仲有啲小眾嘅獨立製錶師
，但依度都占咗巿面上九成半以上嘅機芯。先講瑞士，瑞士係鐘錶業嘅大國，就算你無玩開錶都知瑞士錶好出名，而如果你係想搵平價瑞士芯，第一個聽嘅名一定係ETA，佢係swatch集團旗下嘅一間公司，專出通用機芯，平至幾千貴至幾萬都可以搵到佢嘅身影，咁依度係咁二講下佢嘅三寶: 2824-2,2892-a2同7750
1. ETA2824-2
最最最基本嘅大三針機芯，穩定可靠易維修，有唔少大廠會買佢嚟進行改裝。
2. ETA2892-A2
Eta嘅皇牌通用機芯，薄、穩定、耐用，稍加調較就可以去到天文台級數，喺無附加組件嘅情況下可以實現日期𣊬跳，無論齒輪咬合定分離嘅都可以調較日子，而且延展性極強，稍加改裝就可以有gmt、月相、power reserve等等，通常喺啲較高級別鐘錶都會見到佢身影。
3. ETA7750
前身係Valjoux 7750，Valjoux係一間好出名嘅機芯製造商，Rolex嘅舊裝daytona都係用佢嘅72型機芯，所以佢嘅可靠程度都無乜好質疑
隨住專利期過咗，亦都開始有唔少細廠開始生產佢地自己嘅eta機芯，例如sellita嘅sw200同soprod嘅a10，但依啲唔係度詳述。跟住落黎介紹日本嘅代表
