能仁專上學院

係連登發現有好多po 關於能仁專上學院。大部份都係負皮。其實細佬係香港地轆左咁多年又真係冇乜聽過呢間院校。一時興起想黎個大起底。（其實都只不過係想多 d 了解一下呢間院校順便同各位巴絲打分享下）

第一時間係去維基/YouTube 搵料。發現佢其實歷史悠久。多年前曾開辦多個學士至研究院程度課程。可惜一直不獲香港政府認可。近年積極投放資源於開辦香港政府認可專上課程。現時已經獲政府根據香港專上學院條例開辦數個資歷架構第五級（即學士學位）課程。

我第一個感興趣既問題係來自連登巴絲打既提問。呢間院校既老師仲多過學生。點樣生存？呢個問題直到近期一篇新聞報導先開始有點頭緒。

「該校校長黃景波向《香港01》表示，據初步統計所得的數據，2016/17年度該校約有118名全日際學生，另有1,339名兼讀或短期課程學生，合計約有591萬元學費收入，連同約250萬元捐款，合計約有841萬元收入，扣除逾2,670萬元的營運開支，虧損逾1,800萬元。」

根據呢篇報導，似乎能仁並非只有翏翏數十名（根據維基）學生報讀。而係另外仲有千多名兼讀或短期課程學生。

另外，除辦學團體水喉之外，還有中資（民生教育）注資。

由此可見院校生存方面似乎不大問題。起碼冇即時死亡既風險。但長遠睇黎就笨唔係辦法。

個人認為能仁最大問題係院校定位。香港文史哲科學士學位根本就多的是。應該發展其他學科方為上策。大家要明白而家香港既教育情況係有別於幾十年前。而家香港專上教育根本就唔係唔夠位而係太多位。仲要開咁多文史哲科搵鬼讀咩！如果能仁真係想為香港專上教育出一分力，應該要注意現今香港教育究竟最需要係乜。唔好只顧自high 咁去開 d 小貓幾隻一班既課程。對學生生活，老師，院校本身似乎都唔係好事。

牛逼，此帖必🔥

同埋我想同一班能仁學生講：上連登勿太認真。班友仔用個虛構網名唔洗負責任就緊係亂九咁講架啦！好多人網上打飛機亂咁講，事實係佢講果 d 都未必係佢真心相信果套。只不過唔講得誇張刻薄 d 就冇人理佢。

總之就咪咁上心

呢間嘢上年收唔到DSE生
https://www.cspe.edu.hk/resources/pdf/en/admission_score/201718/IF_adm_score_2017_BUD01.pdf

上連登勿認真，入能仁有信心

好慘喎

Yes. 都係收到讀 top up degree 既學生 only.

大家試想想, 如果 dse 有廿二分或以上，當然會選擇八大。

如果係十六或以上而又想讀文史哲科既同學其實大把選擇（樹仁，珠海，公大）間間硬件，知名道都贏能仁。

如果dse （中文，英文必修）都只係得十二至十六分，咁某程度上証明你其實唔多適合讀呢 d 文法科目。咁又點會再去報個中文學士課程黎讀多四年呀？（真係連登仔話齋：挽”玩”野咩？）

哈哈，其實我初初都唔明乜野係牛逼。google 完又學多樣野

大陸定香港都歡迎過黎圍爐