[耳機撚]討論下各大耳機店及耳機(47)

回返之前個post

借player, 但借唔到歌呢。最後都係用手機試多

而且係肥花，出二手動鐵唔見幾千係常識。

因為耳機個聲音可以變化好大。反而player個聲變化無甘大。

你咁講借player借唔到歌，咁你試player一樣試唔真，一樣無意義。

但事實你可以帶sd卡去試player同耳機
就算唔用自己歌，用返人地啲歌，比較同一首，都可以有分別。

而如果你要唔買耳機住，淨試player先，咁你又要用咩耳機黎試呢？用earpod 試？直接用vega、xelento、ie800 呢啲貴價動圈黎試？
當隻耳機唔啱口味(例如太多bass、太尖、人聲太後)，咁你又點試到邊部player先最啱你？
真係淨係揀樣揀ui揀cd cover show 得夠唔夠大同清?

動鐵二手會跌價，難道動圈同player就唔會？靜電唔會平板唔會？你呢句野嘅重點係邊度？
tg334 呢啲又要等又多人買嘅都唔見跌得好多價
vega, dita呢啲要係咁減先有人要。

耳機聲音變化大，唔通你買咗貴player先，你之後再買嘅耳機變化會細咗？
定係直情tera player直推earpod就算？唔買耳機？因為耳機變化大可能唔會變咗唔啱聽？

耳機呢啲換能器(或者喇叭都係)相比其他器材黎講失真最大，影響聲音最多。
如果講成個系統嘅聲音，唔計口味配搭，我睇法係會被最差嘅一個環節拖累/拉低的，以入耳式黎講，如果你唔係用特別難推嘅耳機嘅話，一般最拖累嘅都唔太係player吧。

玩耳機玩音響一向都係一個過程，要時間學習，比較，認識自己，認識器材，無話一步到位。
你聽嘅歌會改變，口味會改變，對好聲嘅認知會改變。而家又唔係限死你一生人只可以有一隻耳機。你要玩難推難玩嘅耳機？一般都唔會特別推新手玩佢吧，而家player唔夾，咪將來尋找吓配搭之道囉？
一定要一開波就買隻"最佳"嘅player?係咪真係咩耳機都推到夾到先？係咪買完永世唔會換先？

你敢講你人生買嘅第一部player就買到最佳？夾到你以後買/試/玩嘅耳機？唔使換同無諗過換？

回返之前個post

借player, 但借唔到歌呢。最後都係用手機試多

而且係肥花，出二手動鐵唔見幾千係常識。

因為耳機個聲音可以變化好大。反而player個聲變化無甘大。