駁改BLOCK人功能建議：畫地自限無助解決問題

(原文：https://lihkg.com/thread/537309/page/1)

睇之前不妨聽下歌先 ：https://www.youtube.com/watch?v=2QQmtx02A5c

原post樓主建議將BLOCK功能由遮蔽唔鍾意嘅會員開post/reply變為令唔鍾意嘅會員無得睇自己開post/reply，從而令對方達成真正嘅單機上連登。

但係我覺得呢個做法起碼有兩種問題

1. Block人有上限
雖然我少用block人 ，但係之前睇其他建議改善block功能嘅貼，大概係1000個名額左右就冇得再block(VIP又好似多啲? )

當多方面嘅反方打手帳號數目啱啱好1002，又或者啱啱好過上限多四個，咁又點樣做到單機?


2. 單機有乜好處?
原post樓主原意係令會員post內儘可能趕走打手，甚至五毛。但係連登作為一個討論區本身提供一定程度上嘅開post自由，你有你開post block人，五毛都可以開post繼續散播歪論，甚至可以加埋其他媒體對外偽造呢度嘅主流。就算自己過濾，CD-ROM一入https://lihkg.com，依然會見到打手。

咁有乜弊處?五毛唔洗入你個post破壞討論，你自己已經限咗範圍，失去討論區嘅功能。
一言堂好難得到新嘅，無論強定弱嘅觀點，說服唔到相對中立嘅CD-ROM/潛水會員。
五毛加埋有傾向嘅傳媒照讓繼續單方面傳揚連登負面思想，令大眾唔睇甚至反感連登。

十個救火嘅少年，有三個本來就意見不合注定反面，三個因大眾目光/私人問題決定放棄，一個見救火人數一半都冇就打算著草，最後三個好有理想，好有志氣，結果救唔到火，最後死咗，仲要俾其他人爭住笑佢掙扎時嘅醜態，失敗告終。

好明顯，得兩三個人本身就好難去救火，點解唔試下拉攏返嗰三個中途放棄，甚至場外嘅更多人幫手，而係避而不談走去送死呢?

同樣，係唔係將討論空間越縮越細就解決問題?
你覺得係五毛訊息，你可以無視佢，downvote佢，甚至駁佢，繼而令佢嘅訊息傳唔開，而唔係做一隻鴕鳥。

香港作為地方資源有限，但連登理論上資源無限大，鎖住自己嘅討論空間只係俾五毛言論茁壯成長。

邊個話?
成日熱門洗版,放假消息假新聞,
放仇日仇台仇澳仇美踩港言論,
咁先會比5毛成長。

原post建議嘅Block功能阻止唔到五毛圍爐推仇己仇人post上熱門，第1010個會員依然可以喺熱門post洗版

面對呢啲假新聞，原post做法唔係去駁斥，而係冇眼屎乾淨盲，由得CD-ROM繼續接受五毛消息，令連登變content farm

好似reddit咁如果downvote過多就hide，只有主動unhide先睇到啲言論?

根據你嘅邏輯 連登本身就唔應該比5毛申請到帳號 而唔係唔比申請到帳號嘅人講野

即係唔應該將香港身份證發比班新移民 而唔係唔比福利持有香港身份證嘅人

點阻止五毛開AC
移民要宣誓效忠，都照樣出華裔間諜啦

我覺得依然要提供選擇俾user自己揀

如果憎到見名就醒起條友係仆街，咁自然唔會手痕click
如果一個喺某台做開打手又忽然有一啲文高質到熱門upvote，佢要唔要睇都應該俾個掣佢決定。

而對CD-ROM嚟講，hide可以令佢喺「呢個post/reply唔啱呢度部分會員嘅立場」為前提下考慮睇唔睇個reply，無礙佢對小眾甚至負面reply嘅認同

有咩講啱講錯希望reply下，呢到討論區嚟

我係你唔會浪費時間去研究嘅啲無謂嘢

要翻工, 不了

食飯時間啫

push

出左呢個功能我第一個就BLOCK格蘭希爾

原post個方法?
我登出照樣睇到你出post，用第二個潛水ac連加密都睇到
你唱衰我唔俾我留言，我同樣唱衰你唔俾你留言
原post樓主認為呢樣嘢可以對付撕裂，對付五毛?
明明佢主動撕裂緊討論區，亦任由真正嘅五毛block正常user後散佈負面嘢

linux 都唔敢用

你應該開去內務台

好似膠登/新登咁

冇人上咪唔上

冇個肯拉大隊走

明明有齊佢哋想要嘅嘢

sorry, 站務台先啱

呢句話同原post個樓主講咗先

原post都係放時事台，係我以為放同一個台會有同一班人嚟討論啫
仲係咁靜嘅我都冇計