加多話說有人建議我換連登表情重post
咁就一於試試佢啦
不過真心唔好意思啊姐我與時代脫節左好耐
好努力融入連登架啦得閒教下我規矩
其實好多字我自己都冇心機睇番
主要想發洩 然後r水吹
—————————我是分隔線————————
憤怒姐姐我堅嬲囉
強烈建議大家唔好去中環間adidas
呢間野連照打我憤怒姐個名都打錯真心勁離譜
不過呢樣都好小事我憤怒姐唔太在意佢
好啦真正入正題啦
事源啊姐我好好肯定我年半前已經填好VIP form
（肯肯定當時係2016年6月既事）
當時中環adid既員工係話張卡ok就會call啊姐去拎
然後事隔3個月左右啦都冇反應
打過去既人都知中環adid電話係永世都唔會有人聽
唔排除係啊姐我唔好彩打親都冇人聽
有見及此唯有踩上去問啦（當年9月）
唔問唔知原來係內部系統出現問題資料過唔到機
於是叫我填多次資料收埋我買野啲單話做記錄
咁都ok既啊姐我填多次冇問題既
填好咁當時緊係都係話會call我拎卡啦
然後當然都一直都冇call我
咁都唔排除係憤怒姐我失誤miss左個電話
直到早兩日我經開中環諗住話都年幾咩卡都整好啦
（我都衰既一直只係打電話冇親身上過去問）
就諗住順路去問下拎得未啦
當然有啲員工態度好既啊姐又唔會是非不分到咁既
但有個唔知係咪經理既物體佢就問我幾時申請
當時我記唔得太清就話年零兩年到(自問語氣好好)
然後佢一句車埋黎：吓我地開左兩年炸喎
佢咁肯定開左年半我都疑惑係咪真係我記錯
明明啊姐入會前好幾個月都成日去行
咁當然事後check番email各樣肯肯定唔止年半
可能見我著住對2年前出既ultra boost兼又殘又舊
所以就大啊姐我啦以為我去中環發難渣
咁唔通啊姐對ultra boost粗著去邊到都好
行山行沙灘BBQ甚至旅行都好著到殘曬又話佢知咩
唔通屋企幾對Yeezy又話佢知咩
外加啊姐我個樣又真係生得好蝦把聲又唔夠厚
（原來係缺點黎
）仲同我講：其實你報電話一樣有折唔洗卡
其實啊姐我夠知你啊媽係女人啦
係咪覺得我買唔起adid野所以唔知報電話有折
你搵都唔搵同我講唔洗用卡咁我去幫襯Nike好冇？
行過都特登入黎問下拎得未最後同我講啲咁既野...
點都好最後咪又係死死地入去搵番隔張卡俾我
我係客我真係大曬架
不過張卡上既VIP no.
同之前我去銅鑼灣check既唔一樣
我甚至懷疑連啊姐我個名都錯埋
中間發生咩事真係一個迷
難怪我抽親佢啲鞋都唔中仲以為自己命差冇運
下下食炒價真係李家誠都唔掂啦下話
不過錢就事小 我感覺到成件事我被眇視了
失去了的尊嚴如何賠償我
大家認為應唔應該搞大件事投訴佢老味？
定係問清楚VIP no.同名就息事寧人算呢？
（我老人家眼同手都唔太好 如有錯別字敬請見諒）
