話嚟就嚟 話走就走 好正常
兩個人嘅愛情其實只不過係人體化學反應
讓人感覺到開心
其實 冇咩咁特別
拍拖分手 其實好正常
如果唔分手 咁不如一開始就結婚？
拍拖 係一個瞭解彼此嘅程序
既然唔合 咁冇必要強求
咪放生對方囉
要留 我唔趕走
因為佢點都趕唔走
要走 我唔會留
因為佢點都會走
茫茫人海中 搵到真正嘅嗰個人 好難
但正係因為咁 搵到後先可貴
至於戴綠帽 劈腿 見異思遷
咁都冇必要自己一個人再難過
因為人哋已經早就唔記得咗你
人哋同第二個開開心心
你一個人日日頹廢
為乜
失戀咪失戀
人生除感情以外 原來仲有好多事情要做
我明白
當你曾經當一個人係你個世界嘅時候
然後個人離開咗你 你會生不如死
日日失眠 做咩都冇心機
生活都冇咗色彩
日日好痛苦
陷入自責 難過 後悔嘅漩渦當中
但係到最後
無論分手係咩藉口 咩原因
最終講分手嘅人
都係得一個真正理由
「佢唔愛你」
如果真心好愛你 又點會捨得離開你
讓你難過？
各位巴打 絲打
我都經歷緊 我都有故事 唔係太特別
自己眼看已經四五個月
自己一直搵方法逃避事實都已經好耐
三個星期前
知道對方早就有新歡
嗰一晚我繼續失眠
係好痛 可能個心仲以為 大家仲有機會
但係人哋一早就唔記得嗮自己
跟咗另一個
自己冇辦法行出 係辛苦
日日都會諗起以前
不過 一段感情嘅完結
肯定大家都有問題㗎
咁咪要正視自己問題
然後去改囉
我唔知睇緊篇嘢嘅你係點
但我自己嘅問題就係
軟弱 冇主見 優柔寡斷
簡單講就係一個女仔性格嘅男仔
分手後我日日喊
從正常純近視眼
喊到重度散光
係咪好似女仔性格咧？
甚至仲廢過女仔添
都多謝其他人
提醒我 鬧我
讓我明白自己嘅缺點
三個星期
自己都已經有改變唔少
至少 覺得自己堅強咗
唔係又日日喊
各位巴打絲打
你哋都一樣
分手 失戀 已經係事實
心會痛 係真
但係更加重要係要改變自己
改變自己之後 都要有自己生活
讀書嘅讀書
返工嘅返工
做好自己 對自己好啲
孝敬屋企人 照顧屋企人
人生唔係一定要愛情㗎！
仲有好多事情要你去守護 珍惜
世界上所有嘢都會變
唯一可以控制嘅
就係自己
失戀唔緊要
但要有所改變
