貓貓死都唔肯飲水點算好？

我隻七歲，頭三年尿道炎過兩三次
轉左食處方糧之後無翻發過

定係買倉鼠個隻比佢試下？

依家處方糧加水+一餐濕糧咁餵住先，但都好難餵到240ml水

佢飲水多唔多

自從中過一次招後冇再日日比濕糧佢餵 大約1星期3次最多 佢叫就比d零食就係 乾糧冇話特別揀邊隻糧 佢鍾意食就買個隻 而家食緊royal 之後都冇病冇痛 係有次比隔離屋隻貓咬到條尾差唔多斷 好在之後都冇咩事

之前肝唔好有黃疸打過皮下水

Btw草你老母，儲呀

點解反而唔比濕罐？我個隻係餵乾糧+唔飲水出事

唔係唔比 係比少好多 都冇得解 事實係之後真係冇咩事 係成日瘋狂大叫你比野佢食姐

祝你貓貓好運 啱啱先喺FB見到人地隻貓食處方糧食到生石，無得溶要開刀，鄉土寵物板都見過有人分享食左6年處方開在4次刀拎翻啲石

其實點發現佢有病徵？

我記得之前有個貓糧post 樓主可以去望望

以後轉食主食罐

貓糧post樓主肥美絲打都係到
我係睇左貓糧post揀左wellness core食，但佢因為飲太少水所以有結晶，依家食處方糧溶晒佢先，食完包糧都應該轉全濕糧lu, 包wellness食左一半睇下加水食佢制唔制先

如果我用湯包/零食糊溝大量水，咁做有冇問題

之前已經一星期食三日主食罐，依家決定加碼

btw, 我想問下用針筒餵既你地，係咪每個鐘餵10ml水？我怕貓貓一下子飲太多水會嘔，同埋頂胃(佢食量少)

以前隻貓都係唔飲水, 後尾腎衰竭走得好快...

所以飲水好重要, 唔係到時佢想飲都飲唔到

後來上網睇到, 貓係鐘意飲流動水, 因為佢地本身野外易搵到流水, 容易吸引佢地

但住家就一般都被忽略

樓主可以上網搵吓一D流動水裝置

平日真係要多留意佢習慣

溝水好似係d味出d吸引佢食？ 我自己就冇咁做 佢餓就點都會食野

買湯包佢食，慢慢轉
之前買CIAO肉醬溝大量水俾佢，好鐘意食
有次試下就咁乾糧浸水睇下食唔食
點知食咗 之此食乾一定落水蓋過面
次次都食哂
間唔中俾甜頭，落啲雞肉，等佢繼續上當

有獸醫都係叫人咁做 唔飲無味水唯有飲有味啦，始終好過乜水都無

甚至用唔同器皿裝水放喺不同地方都有啲用

蒸雞比佢食 加多啲水落個碗到變雞汁
啲貓好鍾意

又或者煲雞湯

應該有instruction, 4kg 可能食2-3罐，咁夾埋應該夠240ml 水

之前睇話買個
流動水既野
整d水會郁佢地就飲

其實係咪你大廈D 水唔乾淨/重氯氣味?
有時D 貓狗可能聞到D 味係我地聞唔到，所以唔鍾意
去超市買執支蒸餾水/礦泉水買來到落水機試下?

睇晒大家既留言但我逐個應會太煩膠，所以一次過

買左mon petit d湯包比佢，雖然成份差但呃到條友飲大量水

我隻貓好細食，所以佢飲飽水會食唔落，我唔敢比太多水
不過用零食浸水都幾有用

依家乾糧浸水+濕糧+零食浸水+早晚一粒尿道保健肉粒，我諗都有120ml水，但點都係唔夠
繼續努力緊

尿球幾大為止合格？

btw, d處方糧可能太垃圾，我貓貓本身係肌肉貓，依家瘦左