最有效止賺止蝕既方法

要知最有效既做法，首先你要問自己3個問題：
1）你既投資目標係乜，你想一年賺幾多？（時間隨你而定）
2）買邊類股票？
3）成功達成目標的機會率有幾高？

好多人跟本連呢3個問題既答案都無就開始炒股炒期，大多數人最後會係輸多贏少，或者無咩表現。我假設你想透過炒股一年將本金賺一倍，無問題既，你做一個小測驗，過去1年升1倍既股票佔全港股票有幾多先？如果比例很少，大概知道自己成功既機會未必同當初諗既一樣。相反如果比例大，就搵下果批股票既特徵，集中炒果批股票。

要知道止蝕止賺位係邊前，你要接受一個事實，就係你無可能知道將來個價格係點走，即係話無論你點定個止蝕止賺位都有機會沽左就爆升，炒股炒期都離不開呢個事實。股票最大特徵升少少跌多多，就算長期係升，回調都好易過3-4成。一般人會話設定10%止蝕/追蹤止蝕咪得囉，對一些波動細既股票係合理，但一些平常波動2-30%，10%止蝕就會好易撞離場，令到miss左個升浪。最理想係跟據返隻股票既平常波動去判斷止蝕，最簡單做法係用過去1個月最高減最低搵出個波動，複雜少少可以用Average True Range (ATR) 去搵都得。咁做係可以減低你提早離場既機會，同埋沽出就爆升既機會。

如果再諗遠少少，你會諗到其他問題：
1）咁走左幾時入返隻股票？
2）買幾多股先最合理？
3）買幾多隻股票先合理？

大家有興趣我先再同大家討論下。

lm

師兄可否講多些你既「唔對路」係咩意思？

day trade 期貨
每日波動 大起大落
用追縱止賺止蝕 好似無乜效?

day trade 期貨
每日波動 大起大落
用追縱止賺止蝕 好似無乜效?

講多d操作聽下
我自己就全手動

仲有好重要唔好淨係睇價
要睇埋成交量
好多時陰跌其實都係散戶等唔切離開
成交好低冇咩意義

所有止賺止蝕追蹤止蝕方法只要做到止賺同止蝕既效作就係有效，唔係咩？

你係唔係混淆左，賺得多唔多同你用咩方法止賺止蝕係兩回事。你入到700，用咩追蹤止蝕都係賺架啦。賺唔賺到係睇你個選股策略係乜，係得既話，你個組合自然會有700呢隻股票，不過選股呢方面遲下有機會再講。

未必，一定要常保持住市場係大哂呢個心態，因為將來個市點行只有天知，可能陰跌之後大升，只要價格未跌穿追蹤止蝕都唔好離場，跟足自己計劃既交易方法就可以。

及早離去？ 邊方面先？
只要有投資/機呢個動作，就一定會有機會輸，唔理你係炒股炒期做生意儲蓄債券....呢4隻字似乎無取勝既意思。

「過去1年升1倍既股票佔全港股票有幾多先？如果比例很少，大概知道自己成功既機會未必同當初諗既一樣。相反如果比例大，就搵下果批股票既特徵，集中炒果批股票。」

由搵特徴到失效，
由用咩方法去搵，到面對連環失效的操作，
都唔係level 1的課題

我識既方法只係level 1。
我所用既特徵只係用價格，指標都唔太識用。
面對連環失效，你賭細d就可以。

願聞其詳

避免誤會，必須要同意一點，交易股票呢個遊戲玩法係要keep住有股票，然後當遇到大跌既時候，比大部分人輸得少，認同先好睇落去。

賺唔錢到錢跟本係個市場話事，但輸幾多就由我話事，因大跌我仲可以離場觀望，賭幾大都係由我話事。而個市唔升我奈佢唔何，但市升一定要有股票，然後等佢自己升飽佢先會有錢袋。

如果想係呢個市場做贏家，首先要有個交易框架，完整既交易框架包括左選股方法，買邊類型股票，幾時買/沽，買幾多數量，幾時止賺蝕。換句話講，只要跟足個框架去行，輸會輸得比人少，贏會贏得比人多，久而久之自然會做贏家。

唔理你選股既方法係用價值投資定技術分析，話之你用天氣好壞來做你買入條件，如果交易框架缺左任何一樣，交易既表現都有輸獲金既機會，咁就會減低自己做贏家既機會。

我夠膽講，一個長期既股市贏家係一定有屬於佢自己既交易框架。倒轉講，一個輸家既特徵，都同樣係無交易框架。

LM

「過去1年升1倍既股票佔全港股票有幾多先？如果比例很少，大概知道自己成功既機會未必同當初諗既一樣。相反如果比例大，就搵下果批股票既特徵，集中炒果批股票。」

由搵特徴到失效，
由用咩方法去搵，到面對連環失效的操作，
都唔係level 1的課題

我識既方法只係level 1。
我所用既特徵只係用價格，指標都唔太識用。
面對連環失效，你賭細d就可以。

願聞其詳

避免誤會，必須要同意一點，交易股票呢個遊戲玩法係要keep住有股票，然後當遇到大跌既時候，比大部分人輸得少，認同先好睇落去。

賺唔錢到錢跟本係個市場話事，但輸幾多就由我話事，因大跌我仲可以離場觀望，賭幾大都係由我話事。而個市唔升我奈佢唔何，但市升一定要有股票，然後等佢自己升飽佢先會有錢袋。

如果想係呢個市場做贏家，首先要有個交易框架，完整既交易框架包括左選股方法，買邊類型股票，幾時買/沽，買幾多數量，幾時止賺蝕。換句話講，只要跟足個框架去行，輸會輸得比人少，贏會贏得比人多，久而久之自然會做贏家。

唔理你選股既方法係用價值投資定技術分析，話之你用天氣好壞來做你買入條件，如果交易框架缺左任何一樣，交易既表現都有輸獲金既機會，咁就會減低自己做贏家既機會。

我夠膽講，一個長期既股市贏家係一定有屬於佢自己既交易框架。倒轉講，一個輸家既特徵，都同樣係無交易框架。

股票唔同期貨, 交易成本都好高,
係唔係少trade先可以克服?

我買大期的，自從上年輸獲金之後，定左止賺止蝕方法，profit : loss ratio 好大，超過10:1，故此我雖然經常止蝕，但我一個月贏一次已經足夠
找出自己止賺自蝕的方法好重要
以往我買期後要成日睇住個市訓又訓唔好，找出方法後輕鬆好多

我買大期的，自從上年輸獲金之後，定左止賺止蝕方法，profit : loss ratio 好大，超過10:1，故此我雖然經常止蝕，但我一個月贏一次已經足夠
找出自己止賺自蝕的方法好重要
以往我買期後要成日睇住個市訓又訓唔好，找出方法後輕鬆好多

daytrade 定會過夜？

當然愈少交易，手續費都會少些。股票來講，正正常常幾個月先做一兩次交易，跟本手續費成本影響有限。反而如果隻股票跌到止蝕位既時候，輸錢呢個成本先係影響最大，所以買既數量係非常重要，無人可以有100%命中率，分配資金一定係減低成本既主要方法。

炒期不同炒股，因為有槓桿，止賺蝕比股票重要得多。股票止蝕位可以係無都得，因為無槓桿，真係坐夠耐升返都得，無時間限制，但期貨輸一獲金就玩完。

返轉頭, 點先可以有效搵呢批成功股票的特徵呢?