如果經唔起寵物離世，真係唔好養

養

我仲記得兩年前嗰刻嘅心情。記得嗰日早上聽到我個仔（貓）係咁大叫，見到佢下半身癱咗。嗰陣早上五點無咩醫生開，最後勉強揾到間立即飛的入去睇。一聽到醫生建議安樂針，成個人立即崩潰喊到口水鼻涕都懶理，佢對我嚟講好重要好重要，佢可以話係我嘅精神支柱。我同醫生講你醫住佢先，至少去到夜晚。佢入咗玻璃寵，望住我，佢半身癱都用力猛撞玻璃，我又立即喊。我應承過有我就有佢，我一定會畀更多好日子佢，我要帶佢嚟度去嗰度去…諗返好多好多回憶，但嗰一刻就似一下被粉碎。去到夜晚直情轉診所，建議都係畀佢舒服啲走。我同醫生講話畀佢留醫多一晚，一晚可能會有奇蹟呢？其實我係想呃自己，但個護士話佢好有可能當晚會吊住鹽水上彩虹橋，不如趁仲陪到佢，陪住佢打針走啦，我又喊。最後坐到間診所就快關門，我決定同佢簽紙畀佢走得舒服，我去櫃臺嗰刻佢竟然坐起身叫，我嗰刻百感交集，我埋去同佢講好快唔會痛喇，你撐咗成日好勇敢，一定好辛苦，乖！我哋一定會再見㗎！啺佢一啖頭仔就畀醫生帶佢入房打針。醫生問我你入唔入去陪佢走最後一段路？我嗰刻無膽，唔知自己會點失控法，我唔想接受，我開頭拒絕入去。但後來鼓起勇氣都入咗去，摸住佢頭，醫生落針後同我講佢走咗喇！我立即喊（打到呢度我眼濕濕，我真係好掛住佢，真係 ）最後返屋企無咗個家人咁，成個人無咗一大忽咁。之後持續成年都會喊。

我無養寵物都睇到有少少眼濕濕

養龜
可能佢都會同你一樣咁諗

我隻寶貝狗仔琴日係屋企走左了。。。
自有腹水而黎都撐左一個幾月，已經好叻
知道佢唔洗再日日食十幾粒藥、個個星期抽腹水、頂住成公斤腹水企唔隱，就好安慰
我知佢已經好努力了
但係真係好唔捨得佢，好想再摸下佢，再抱下佢，再叫下佢
琴日一路摸住佢身體，愈黎愈凍，愈黎愈硬
個心真係好痛。。。
唔知佢依家做緊咩呢？
佢好嗲好痴人，依家自己一個定好驚好唔憤

寶貝女呀，我真係好掛住你

我都唔知點安慰你好，因為就快過咗兩年我都無辦法忘記佢

加油。佢比你養到已經好開心

保重

多謝
老狗離開我上左天堂超過三十日，
每日只能睇佢既相/片，
望住佢既骨灰罈，
覺得生命真係好化學

以前養咗隻哥基，後來有癌症
最後趕唔到見佢最後一面
到宜家都好內疚

唔駛內疚，呢d係天意，我等凡人無可能預知佢地幾時離開

呢個post睇到我淚流滿面⋯
我隻兔今年五歲，想像唔到佢走左我點算，可能我會傷心一年以上。
雖然有時夜晚佢抓地嘈到我訓唔到，但有時聽到佢飲水聲就會好安心好快訓著。我寧願晚晚俾佢嘈，都唔想有一日佢無法再嘈我。

家有三犬
三隻都慢慢變老人家
其中一隻淋巴癌

樓上個d死老豆老母可能會跳樓

之不過係畜生 養過隻lo

( Show Blocked User - 唔好抄我ID )

( Show Blocked User - 蕭瑟的巨龍 )

我都經唔起...



但後來我老母又帶一隻返黎

尋日帶隻狗睇醫生（小病）
等緊個時對面有對母子湊住隻史立莎
隻狗已經十三歳，眼都睇唔到咁濟，
驗到有粒瘤，黎同醫生討論做唔做手術，我同佢地傾，大家都笑住口，
但feel 到成泡眼淚想湧住湧住。

我隻狗今日頭七
呢一個星期真係好難過
一諗就喊 頭幾日好似成個世界唔同哂
佢前一晚仲好乖 叫我同佢玩
一到凌晨就咳得好勁
第二晏就就走左
走得太快 完全接受唔到 個天好似塌左落黎...
十歲都未到
呢一星期真係好難挨...

加油，唯有時間等心靈復原

睇到個post 啲眼淚係咁流
屋企有2個主人，一個15歲一個19歲
2隻都係由我讀幼稚園陪到我大個，我親佢2個多過我老豆老母

15歲個位4年前去左彩虹橋
個陣我哋發覺佢有問題就已經即刻帶佢去睇醫生，醫生同我哋講要留院觀察，我哋行出診所無耐護士就打過嚟話佢情況有變，嗰下當堂淆晒底，一去到就見到佢全身無力咁訓左係到，呼吸都好辛苦，嗰下成個人崩潰，所有情緒都爆晒出嚟 ，醫生叫我哋幫佢打針等佢舒服啲，我都想佢走得舒舒服服，點同時又好矛盾咁想留係佢身邊多一陣，最後我老母叫醫生幫佢打針，點知針都未攞佢就離開左，我嗰陣個心好痛都好後悔，後悔點解自己唔細心啲留意佢，後悔自己點解唔多啲珍惜同佢一齊嘅時光。到宜家都仲好似月經咁回憶返佢，之後就眼濕濕。

到今日，19歲個位發現有腎衰竭，我聽到個下唯一嘅反應就係喊，宜家吊緊鹽水，嚟緊幾日非常重要，雖然我知道今次佢大步攬過的話日後嘅日子都唔會再好似以前咁舒服，但人係自私，我好希望佢可以繼續陪住我。

2個都陪咗我10年以上，離開嘅個種痛真係無野可以比較比，呢啲生離死別真係唔想再經歷


Sor for 1999(打緊段字嗰陣啲眼淚唔識停咁

最後，希望主子今次可以大步攬過 ，各位嘅主子都健健康康

洋蔥post...
我都有兩隻主人，成日都覺得自己俾唔到最好嘅野佢...所以touch wood 萬一，兩隻有咩事...真係唔想再養
成日覺得，自己命格同動物無緣

養緊隻7歲唐狗，雖然唔係由BB開始養到大，但佢呢幾年陪我經歷左好多野

被屋企人背叛，同女朋友結婚搬出黎住，到呢排同老婆分居離婚......父母，老婆都會離我而去，但隻傻狗一路好忠心咁跟住我。佢走果日我應該會喊到癲。

一度睇一度喊到仆街
自己好鐘意貓狗 但就係呢個原因無養
樓上咁多位其實好幸福 有buddy同你地渡過開心同傷心嘅日子

要好好咁愛錫佢啊巴打