有肺部結節，想搵醫生問意見，胸肺定腫瘤科？

屋企人做檢查時發現有1cm以下肺結節，驚會惡化成肺癌，想搵私家醫生開問下意見好唔好做手術割左佢，想請問應該搵

1. 胸肺科定
2. 腫瘤科？

唔該巴打

胸肺科，不過通常都唔會叫你切，結節好常見，切前佢通常會叫你照磁力共振先

去左醫院做電腦掃描，想知下一步如果想切左佢，風險有幾大，所以想搵醫生問問 唔該巴打

1. 首先你屋企人有無任何病徵 例如氣促 抖氣唔順 多痰 血痰 聲沙 發燒 發冷 體重驟降 食慾不振等等，咩年紀，有無食煙，以前有無肺結核(肺朥)或者有無接觸肺結核患者，工作環境有無塵埃或化學物，家族有無人有肺癌
全部都無旣話七成唔係惡性野
2. 因咩事做檢查，做咗咩檢查，有無比醫生聽肺，點搵到個結節，有幾多粒同生响邊度，係做氣管鏡定電腦掃描見到，有無抽組織樣本，有無做任何抽血化驗
3. 唔知你屋企人expect點切，一兩粒結節係切唔到亦無必要逐粒切，要手術就係切肺葉或肺分葉成個攞走 (即係1/5個肺或者1/10個肺)，肺唔識重生破壞不可逆轉，如果目前個樣似良性野係完全無必要做任何侵入性檢查或療程，睇醫生都只會係每年覆診照X光觀察 電腦掃描都未必係必要
4. 有任何1.列出旣癥狀，緊急就去睇急症記得攞齊所有報告，輕微就排胸肺科(宜家好似大概等2年) 視乎情況

睇私家，政府等死

睇私家，政府等死

我打咁大段野其實就係想話你知有好多野無必要晒錢做 而有無必要就視乎臨床徵狀同檢查結果
因為私家為咗賺錢一定會所有野都屈到你一定要做
宜家根據你有限旣資料我唔認為係個結節係惡性，除咗每年照普通X光外其他野都唔划算

因為屋企人年紀大 而且有其他長期病，所以要好小心呢粒結節，應該都會3個月後再做檢查睇下有無病變 唔該巴打