公屋仔見家長係咪一定死得

一齊已經錯

老老柒柒，公屋妹係咪都會咁既下場？

唔會，你大住肚就入到門，記得引私樓仔播種

總之女就係大晒

成日都覺得男方家長會鄙視公屋妹

又未必嘅，我個ex都係住公屋但識做人，屋企人都話人品好就得住邊都無所謂

我係
第三次就見十幾人
實會問住邊 放心

是

女人就冇咩所謂，男人就當然唔得

我27歲，公屋仔，月入不足15k，中五畢業
呢家連識女仔都唔敢呀

今晚去見
我會醒醒定定

巴打加油啦！ 其實我都覺得有時呢D野好煩。特別係女方家長思想守舊，成日話要嫁個有錢人總之係女既都要嫁到有錢既。

好似我女朋咁拍左拖幾年女方一直唔知我家底，雖然話成日一齊食飯都無俾說話我聽。但女朋友成日講佢屋企人叫佢搵個有錢既男仔啦！而問題佢屋企都係無乜錢同埋學歷都唔高做緊基層。 所以話做男仔係現今世代都幾慘。

後來女朋友忍唔住同佢地講我住私樓同有幾層樓收租先收聲 之後轉呔轉得超快，而家成日問我女朋友我幾時娶佢係到催婚

SORRY有感而發..BTW 好多時都要睇對方家長修養同思想守唔守舊。最緊要俾佢見到你擺脫現況，咁伯母都可能會夾隻雞脾你食既 加油啦！巴打

睇吓對方係真有錢，定只係有少少錢
真有錢好多都唔會點介意 個女鐘意就得

將心比己，無人想自己個女嫁比窮撚，起碼要衣食住行都搞得掂先安心交個女俾你啦，不過有啲真係睇低你，個啲你點努力都係白費，希望你條女屋企唔係咁啦。。。

男朋友住公屋，冇問題
準備結婚

睇到個post已經個心沉左沉
男友公屋仔 平時對我好度縮小家 一蚊幾毫已經計住數 大時大節無慶祝無禮物
但我都唔敢有怨言 廢事俾佢覺得我係拜金
阿媽眼見咁都叫我分手 話唔會見呢個男仔 未結婚對個女咁 唔會期望佢結左婚會對我好

Sales ? 地產AA?

咁你呀媽又講得無錯喎

公屋仔 公屋女 完全冇問題

未結婚都咁。結埋就好難想像會點

留名

題外話，我覺得除咗擔心背景外，言行舉止先會影響人地對你嘅印象
下面篇文係隔離一位巴打post寫嘅，可以參考下




「大家學生，最緊要似返個學生唔好扮老積
講到自己幾有事業心，幾咁上進，打算娶個女咁款就仆街
人地成熟聽上黎只會覺得呢個細路未見過世面，就好似嗰個急不及待好想玩玩了個痴線佬一樣

之後如果出去食飯要埋單，胡亂爭住請又係on9，記住你係學生，在情在理唔到你俾，對面家長俾你請反而冇面
但如果食飯係得你，你條女，對方父母，全枱三至四個人，雖然照道理唔應機你俾，但你作狀都要爭下埋單，俾機會人地勸退你話第時你做野搵到錢再請uncle auntie, 你有風度，對家有面，大家好落台

但如果對家成家黎哂，有細佬細妹阿姨乜乜柒柒五至十個人，照道理對方長輩會主動埋單，你可以提出不如你都夾返份，等對方開價，唔好自己計人頭，唔好用提問方式問自己駛唔駛夾，直接用「不如」提出你都想夾，而照計對家父母應該都會叫你收埋

至於上門食飯，除非女家有工人，搬手開飯搬餸裝飯收飯是常識吧，通常對家父母都會叫你坐低，但呢啲小事位可以堅持下，話自己屋企做開，除非對家好堅持話唔駛，如果唔係都應該要參與。如果你有份幫手收飯，可以問伯母多句駛唔駛幫手洗，通常伯母都會勸退，呢啲位無謂爭，但你已經留左個好印象。至於餐桌禮儀同要讚伯母手勢呢啲基本野，我就唔多講，但提提你可以食飯時先讚一次，臨走再讚一次，真誠度up

最後送禮編，身為學生都要送，尤其就過年，同你女朋友傾下送乜夠得體窩心，但唔好太名貴，記住你係學生，送名貴禮品例如人參之類太作狀。諗唔到嘅話而上門探訪可以送果籃，大方好睇，買盤貴少少，食落好食但貴左都唔知。至於出去食飯，最盡送平啲嘅即食燕窩，最緊要便攜大方，比較少人唔食，同唔係真係好名貴

在職人士見家長最緊要闊綽，去豪華餐廳，食貴野唔好計住計住，一定要搶到埋單，送名貴禮物。但你係學生，做返一個學生應有嘅身分，青澀謙虛，但要不失風度同體面，呢個平衡要自己小心啲拿捏，祝你好運」

莫欺少年窮
有無料 有無前境 好易睇得出

我話你知，死撚硬 ，除非你屋企大陸有樓。



利申:A0

拍左拖半年就見家長
老豆啊媽勁鍾意男朋友
覺得佢成熟 穩重 好錫我
上星期啊媽仲夾左舊雞脾比男朋友食

其實我返工搵得仲少個我男朋友
返埋啲垃圾工無前途
相反一直都好以男朋友為傲我覺得佢好叻

如果要由一個人既住處而決定佢既價值、人品真係好on9

我愛你啊男朋友

唔會呀
我女朋友屋企千萬私樓
老豆開廠做老闆
但從來都無比過說話我聽
大家都好客氣
成日都請我食飯
真係有d唔好意思

不過可能因為佢地
本身都係白手興家

巴打 加油呀
人窮志不窮就得

利申 拍左四年半拖

睇埋你自己有冇料到啦

問心如果你有個女，你會唔會想佢同個家境比自己差既人一齊去挨先


不過如果個女仔屋企係唔憂做既反而少D介意，係到你唔好意思