自己都唔知自己想點，唔想浪費女友時間

一直都以為自己對愛可以付出好多，但同女朋友一齊左先幾個月，已經有好多問題出現，頭一個月熱戀期關係好好成日見，之後就嘈過一次差d就分手係我挽回番，直到理兩個星期，我發現其實同佢有好多價值觀都好唔同，而且佢脾氣都唔好，間唔中都會發脾氣，頭幾次我都會哄番，但之後慢慢我都開始頂唔順發番佢脾氣，直到理幾日我地關係麻麻，wtp又淡，佢應該知道有啲野所以打左篇文黎哄我，但我自己都唔識比反應佢了。我已經唔知自己係咪仲鐘意佢，成日都嘈我都攰了，生活上都好多野煩，拍拖仲要咁多問題，雖然我知道佢係好愛我，對我好著緊，但同時間好多野都唔夾真係好辛苦。本身嘅我就係一個一個人都冇問題嘅人，我唔想我嘅生活有咁多煩惱，我係咪應該要放手，唔好再浪費佢嘅時間？咁岩聽緊麥浚龍首有人，難得有人待我這麼好，但咁樣情況係咪唔好再害佢？

其實一早未開始既時候已經要睇清一個人係點既樣先好開始追求喇...

如果你地係以朋友關係相處既時候，佢又任性，又唔獨立，成日返學又遲到，功課又交唔齊，好睇得到佢係個咩人同埋啱唔啱自己啦，點解要一齊左先去了解佢呢？

咪分囉咁多嗲

岩，的確係，我地識左個令月就一齊左，但果時我都比愛沖昏左頭腦

唉，衰在有嘅問題有講過，大家都知道，但佢係冇改而係變左要我接受。

樓主我同你有點似
唔夾嘈得多真係會好快攰
覺得 好似都無想像中咁鐘意對方

其實好正常，有時太了解個人就好易變左朋友
唔太了解，反而會容易啲開始

其實講到底只係2個唔成熟嘅人走埋一齊先會有今日嘅局面

你女朋友姓余?

盡快拎出嚟傾清楚，話佢知你想點，聽佢講佢想點
如果盡力試過係唔得嘅，咁都冇辦法
但唔好留遺憾，未盡力就放棄
個人覺得冇天生一對，只係睇肯唔肯磨合
可能你就係唔夠愛先想就咁算，但都有可能只係雙方都唔識諗/未諗通，諗通就或者就可以幸幸福福咁過呢？
所以盡力試試啦，唔好俾機會自己後悔依家因為未識諗、timing唔好本身多野煩等等，而錯失一段或者本身可以好好嘅關係
加油呀！