今日冬至，中國傳統冬大過年，不少市民早已訂枱一家大細外出食晚飯。不過青衣一間酒樓卻懷疑出現超額訂枱的情況，大批已訂枱的食客於晚上8時許到酒樓做冬過節，卻被拒諸門外，未能取得訂枱內進用膳。酒樓門外一度塞爆約80名客人，不少客人一家大細站在門外，苦等多時仍未能入座，不禁鼓譟。部份客人一肚氣最終等不到枱離開，結果今年冬至飯泡湯！
現場是位於青衣長康邨商場1期2樓的喜悅皇宮，讀者范小姐指舊有酒樓早前結業，該酒樓屬新開張經營，疑今年第一年做冬至飯，以致超額接受訂枱，最終因食客太多爆棚未能入座。
原來范小姐早於一個月前已向該酒樓訂枱食冬至飯，今晚8時許她與家人一行6人到酒樓做冬，未料一度未能取得訂枱入座，酒樓外有其他已訂枱的食客一樣大排長龍；加上即場到酒樓惠顧的客人，一度約有80人塞爆酒樓門外，場面非常混亂。
范小姐一肚氣說：「訂咗枱亦係攞張枱號飛，一齊喺門口等，好多訂咗大枱嘅客人，一家大細到嚟都等唔到，有老人家有小朋友，企咗成粒鐘。」其後她等45分鐘，因為人數較少終獲安排入席，惟事件續有餘波，原本訂的6人枱卻變了4人枱。
除了酒樓門外擠滿食客，酒樓內亦一片混亂，范小姐續指，「裏面冇員工幫客人埋單，入到去枱又未執，每張枱唔夠櫈，啲客要自己擔櫈，好多嘢冇得食，好似海鮮今晚都話無。」而稍後菜式上枱，范小姐亦發覺貨不對辦，更在其中一碗翅中，發現一條懷疑洗碗布的線頭，大感嘔心。
不少客人最後苦等無果，決定離開。范小姐指其間酒樓同意退訂，但她亦替其他食客不值：「退返訂但咁嘅鐘數，搵唔到第二間食啦！」至晚上約10時，酒樓人流漸減，部份等候的客人亦相繼人座，酒樓門外人龍始消散。
《蘋果》記者到現場了解，酒樓姓盧經理解釋，事件是因為海鮮供應商突然延遲來貨，由原訂於下午2時半送海鮮到酒樓，延至傍晚約6時才送來海鮮，以致酒樓要一律順延客人訂枱的入座時間，以便可以向客人提供海鮮菜式。他直指對客人造成不便感抱歉，但強調事件中酒樓沒有貨不對辦，「客人訂嘅海鮮菜式，全部都有供應到！」https://hk.news.appledaily.com/breaking/realtime/article/20171222/57615991
on9先會正日食
