傾到悶
不如傾下大家心路歷程啦
我供左三年，想五年儲到40萬，
又唔洗用腦，比同年齡人易儲錢
平日供完先洗錢所以一定唔洗多
最終目標都係上車
供左一年，本身想儲錢嫁人同去外國讀書，整整下目標變左想派息夠比學費，
跟住變左想基本財自(有排)。
呢一年變化好大，由原來諗住每個月供一部份變成將自己份糧比完洗費後有咁多揸咁多出黎，用既野開始揀平得黎可以接受既野。(最簡單就係化妝護膚品轉開架，唔會再一中意就買野，同埋自己買餸煮飯帶飯)
暫時打到去第2關夠比學費，希望比多幾年我打到第3關大boss
可否分享下每月月供幾多同供邊隻？
月供五位數(sorry 答左好似無答)，睇啱價有錢又一手手入，都係大家供嗰啲大路野，有半個倉都係823。
其實幾快可以財自有數得計，
例如你一個月搵一皮儲到一半，
即是一年最基本要洗6萬，用返4%rule 大約百五萬本金就夠基本。
聽落好似5000蚊一個月有排先百五萬，
但中間仲會有股價增長同股息收入，
想再快啲又可以留意潛力股或用最簡單既股息再投入滾存，個本金愈來愈大其實會滾得愈來愈易。
其實我供得一年都好新手乜都唔識
823
條數未計通脹同非經常性開支
話明"最基本財自"嘛，大概有個目標咋。
同埋都無諗過唔返工
所以月供股票唔會發達，但絕對係項適合唔識投資嘅懶人嘅投資
好冇癮