究竟IQ 140以上巴絲平時會諗乜

各位 iq140 巴絲，可唔可以入去lihkgbiz 個post 幫創業巴絲做智團 ？建議受助的將最少1%收入做善事，當然係冇約束，好似wht bill gats n warren buffett did. wht do u think ?

可唔可以講下咁巴打們你地做緊咩?利申:都幾葡萄你地可以成日諗野 因為我成日唔諗野 或者可能我唔識點諗野啦

有巴打講既特徵，但上網玩過d game得110左右[sosad

記性超好，以前同鐘意既女仔做過咩都記得好清楚，細緻到佢既細微動作，用邊隻手邊一個面掂過我邊到，所有細緻都記得，背野背得好快，平時壞學生上堂唔聽書，會考前兩日背左兩本書拎C，可以記得上兩個禮拜每日食過咩，不過而家冇咁好。

3D圖像能力超好，中學第一堂接觸計立體，落堂要做練習個個唔掂，我十幾秒已經計到一題。之後讀商要學畫少少3D，要求畫件簡單電器，我一日成間房畫埋出黎，電器d線點樣走都畫埋。到而家我既事業都係好多靠我3D處理能力。

觀察力分析力好，有咩問題好快發現到，特別d好細緻既問題。

邏輯思考，發現到問題，個腦好快就會係已知既知識中例晒所有可能性，跟住就會列組邊個最有可能去解決，有時又會天馬行空，再邏輯諗可唔可行

突然既反應好快，例如係唔知既情況下，有個波飛埋黎飛到好近，我係即時避到，如果已知情況就冇咁快，例如玩反應game

學習快，學新野學一個月已經係人地學成年，特別係運動，例如游水，我係水底睇人游，自學兩個晏就學識自游式，之後果個禮拜學識蛙碟

太多講唔晒，不過仲有一樣好神奇，例如行山明明身體上好累，之後我諗住唔累就真係唔累，仲可以行得更快，同miss講過佢話我個腦比出黎既信息好強所以咁，有次好深刻，暑期工做倉搬汽水，本身8點收工，但7點果陣仲有好多，預計要10點先收得工，大家都好累，我就一路搬一路講笑，比個同事叫我正經d，成個人爆左seed咁，見到同事係前面搬緊，但太慢唔理直情推佢走唔，結果8點準時收工，個腦空白左一陣

巴打有140？ 我有你嗰啲特徵 但應該無140 只係120左右

成日諗嘢 思考人生 觀察人

思考人生乃狗公港女本能
係高智商就應該思考人性,
從而諗下點樣利用人性作出對自己有利的行為

唔中意同其他人講野/交流
因為要降低自己先溝通到 所以朋友好小
同自己傾計係最開心
你會好享受果種孤獨，但有時都想人關心

個腦不停轉唔停
訓教最小要半個鐘先入睡到 除非真係好攰
起身第一秒無空白 直接思考

學習能力超快 之前做過sales
做左1個月已經講得好過哂學幾年果d
個老闆係好串唔撚出聲一出聲就串鳩人
聽完我做drill 拍哂手掌讚我 d同事話未見過咁
呢個睇過書係關元認知能力事
姐係對自己思考過程既認知同理解好清晰
會好清楚點解自己會思考呢個問題同埋知道咩方法令自己學得最快
而且好清楚點樣學 學咩先 由邊個位打好個基礎
唔明可以自己再查

換位思考 會經常幻想係人地角度出發會點
例如講野會代入埋人地聽果個
究竟佢想聽咩先 點樣講會容易明白 所以同人傾計耐就會好攰唔出聲

會經常思考人性 例如出街見到人讓坐 都會諗
究竟佢點解會讓 係出於道德定從心想讓抑或怕比人批鬥而讓....之後會再諗如果出於道德先讓就唔係出自真心，但道德又會令社會好多人好虛偽咁對人好，咁道德呢樣野究竟係好定壞etc....

我行我素（唔知關唔關智商事）讀大學讀左3個月覺得學唔到野直接quit 左
無人逼到我做我唔中意做既野（包括我父母）

不過我覺得智商係先天，人無得選擇
反而一個人善良定做壞人係有得選擇
所以如果你係選擇做有良知既人已經好值得欣賞