Day 23 - 22 Dec 2017
今日全日海上航行, 由福克蘭去South Georgia
相就冇咩影, 因為成日都陰天, 所以都係飲飲食食
不過就可以講下19世紀末20世紀初o既南極探險英雄時代
船上因為要分上岸o既次序, 所以分o左4組, 亦都係英雄時代o既出名人物
Shackleton – 最傳奇o既人物, 第一次同Scott同另一個探險家走入南極, 雖然依然差南極點好遠, 亦都差唔多全滅o既狀況下, 佢地都走o左當時南極人類離南極點最近距離, 之後因意見不合, 所以同Scott分道揚鑣, 第二次佢就走o左上次超過兩倍距離
雖然之後Amundson同Scott先後到達南極點, 佢有個更大o既目標, 就係經過南極點橫越南極洲, 可惜英雄故事好快變左求生故事, 佢架船Endurance o係南極海被冰封, 要o係冰上過第一個冬天, 架船連埋D冰漂流去西邊, 之後夏天又黎, 架船又被冰收o左皮, 佢地迫不得意要坐冇頂o既救生船去象島, 之後o係象島當然冇救援, 所以Shacxkleton就選o左5個船員, 同佢一齊坐住一架改裝過o既救生艇去1000海哩外o既South Georgia求救, 想像下冬天, 和凍, 南極痴線o既風浪, 奇蹟地佢地到達South Georgia, 不過故事仲未完, 佢地仲要o係冬天跨過South Georgia 幾千米o既雪山先可以去到捕鯨站求救, 最後佢地奇蹟地安全到達, 仲搵到援手救晒象島上o既同伴, 經歷咁多災難, Endurance上竟然全員生還, 一個好精彩o既故事
不過第四次探險, 未出發Shackleton就因心臟病死o係South Georgia
Frank Wild - 由第二次開始就跟Shackleton去南極探險, 係Shackleton最信任o既同伴
Scott - 第二次去南極就成功到達南極點, 可惜遲過Amundson一個月, 而且回程途中凍死o係南極
Amundson - 因為準備充足, 成功成為第一個到達南極點o既人
上面o既Shackleton, 同之後去o既South Georgia好有關係
