男朋友話我唔識溝通

因為唔識溝通呢個問題嘈過好多次，每次一講認真話題我就啞咗，唔識講嘢，從來唔講自己嘅諗法，男朋友覺得好無助，但係好包容我。不過佢都係人，講得多大家都有脾氣，我又會覺得佢為我負出太多，加上好唔鍾意因為咁哎交，所以成日傾傾下就想走，其實係想逃避。
男朋友真係好錫我好愛我，已經因為呢件事嘈過好多次，佢都攰，但冇放棄我。但我好自責，好想做好d，如果唔係根本係消費緊佢嘅耐性，我唔想咁，好憎自己咁自私，但我應該點做，點去學，我唔知道第一步應該點做。
講到1999唔好意思，認真想學點同人溝通，我好愛我男朋友，好想知道點樣做人女朋友，唔想成日令到佢唔開心。一齊咗年幾，頭大半年真係好開心，但呢幾個月不斷因為呢個問題嘈，好想挽回呢段感情

從來唔講自己既諗法
係冇諗法定收埋

直接將你打既啲段嘢俾你男朋友睇

從來唔講自己既諗法
係冇諗法定收埋

男朋友問我嘅時候，我真係好努力去諗，但就諗唔到，唔知點解會好驚佢話我，咁都諗唔到，話我on9，但佢其實唔會。
過一排，諗一陣，就會有答案，不過都唔知係自己諗法，定只係為咗答男朋友

從來唔講自己既諗法
係冇諗法定收埋

男朋友問我嘅時候，我真係好努力去諗，但就諗唔到，唔知點解會好驚佢話我，咁都諗唔到，話我on9，但佢其實唔會。
過一排，諗一陣，就會有答案，不過都唔知係自己諗法，定只係為咗答男朋友

有冇例子

從來唔講自己既諗法
係冇諗法定收埋

男朋友問我嘅時候，我真係好努力去諗，但就諗唔到，唔知點解會好驚佢話我，咁都諗唔到，話我on9，但佢其實唔會。
過一排，諗一陣，就會有答案，不過都唔知係自己諗法，定只係為咗答男朋友

係咪因為鍾意佢，太介意佢點睇，先搞到個腦lag機
好似平時講野冇問題 一考oral就變弱智咁

你分享唔到自己嘅想法佢就嬲？
我自己就認為你哋應該好好溝通咗大家嘅相處模式，例如你另一半鐘意分享自己嘅事，而你鐘意聽人哋講，做默默聞個位。大家唔同性格會做嘅野唔同，我唔知樓主係咪上面我嘅例子咁，但我覺得溝通要從性格去考慮先，同對方講完，再互相交流，如果真係有一方接受唔到再睇下要唔要改
最後一句，慢慢磨合，一定可以

或者你男友太可以依賴 令你覺得自己乜都唔使諗 靠佢就得 所以一痴埋佢到就腦退化

係咪覺得對住佢好大壓力?

我都係咁 想知點樣改善

唯有睇多啲戲 睇多啲書 平時諗多啲野 深入，全面啲去諗

唔知work唔work，雖然我都係比唔到實際建議我男朋友，但至少我會慢慢幫佢分析

你同我女友一樣樣
話咩唔可以一路諗野一路覆
次次嗌親交我想傾番個問題佢都係一粒聲都唔出
我而家都唔想同佢講自己打機好過

唔好拍啦 都冇人明你

絲打你太在乎男友對你嘅諗法

每個人對每件事嘅諗法都唔同
你男友都可能係想接受下多啲唔想嘅睇法
再獨立嘅人都會有嘢諗唔通嘅

其實又唔係考試, 大家討論下, 冇標準答案架喎
當佢問你嘢嗰陣, 你當下諗到咩咪答咩囉

咩認真話題？嗌交定純傾計

例子都無 講經咩

做肉便器咪算，諗咁多做乜啫

I know that feel bro
好似講緊自己咁
可能真係大在意對方點諗 結果表達唔到自己最真實既一面 同其他人講又好正常
我都努力緊

你唔開個頭,佢又點知你有野唔講比佢知?
係咪有D野講D唔講D,收埋收埋要佢估.咁個男真係會好辛苦.
你唔想煩到佢,一開始就應該唔好講.佢比你知有野隱瞞,佢會亂諗野.

例子都無 講經咩

咁咪就已經係例子...你睇佢打咁大篇嘢都8~9成係感受，冇其他實質內容

簡單嚟講可能真係做咁多年人都好少用個腦諗嘢所以傾乜都講唔出啲咩
不過其實好多女人都係咁，差在而家係樓主另一半追求嘅係一個會用腦嘅女友

我以前同男朋友都係咁，因為好驚佢覺得我on9,而咩都唔講。 但而家同現任一齊，佢令我好放心講自己諗法，完全唔驚比佢覺得自己7, 所以對方其實都好重要

咁你同自己既屋企人/朋友溝唔溝通到？
如果淨係同男友溝通唔到
你要諗下會唔會因為你地係兩種好唔同既人
我同第一個女朋友都溝通唔到
佢講親野我都覺得佢1999 九唔搭八 好蠢
我地都好努力溝通 但我地完全係兩個世界既人
之後第二個女朋友就唔溝都通
超夾 興趣超似 完全心靈相通
唔會驚無話題
當然唔係話唔夾就分手既⋯
你地要諗到一套相處方法囉