我地夜晚就擺低左狗仔，個肥佬話無事小事架咋，第二日就會比醫生check下，到時會即刻同我地聯絡番，然後佢話狗仔會送去老闆屋企，有工人24小時睇住，所以就算我想黎探佢，都要同佢夾時間。但我走左之後，一直好擔心，上網睇到好多人話佢地只會擺啲狗係黑蚊蚊既地方，無人理佢地，我即刻whatsapp佢話我地第二日要接番佢走，我地自己搵獸醫睇，但佢話唔得，如果驗左有事就一定要等佢好番先可以接，佢話法例規定。我話我想自己湊番佢，佢死都話唔得。
後來佢帶狗仔睇完醫生，同我講狗仔係呼吸道感染同傷風，話係細狗成日都有既病，醫生開左一個禮拜藥，叫我擺低一個禮拜再睇下點。我問佢可唔可以send狗仔而家住既環境我睇，因為我好怕佢將狗仔同其他病狗擺一齊交差感染，但佢無覆。第二日我再問我幾時可以黎探佢，但佢依然無答我。我同男朋友決定接番黎，之後打電話比佢話我地要即刻帶狗仔走，個肥佬話佢有病唔帶得走，一係我退番錢比你等你安心D，佢好番我再搵你，就算狗仔到時真係有事，我亦會換隻狗比你。佢咁講，我仲擔心，係咪狗仔有大病但佢無講？我一定要接番佢。
夜晚落到去，個員工一直hea走我地，話聽日等老細答你。我地無辦法，之後走果陣見到佢對面間鋪著左燈（呢間鋪有兩個鋪位），但拉左四分之三閘，我地趴低左望，見到入面有幾隻狗，眼見入面有兩隻大狗同一隻細狗，我好肯定佢就係我隻狗。之後佢有員工見到我地徘徊係果到，就即刻出黎拉埋個閘。我果刻正係知我一定要帶佢走，入面環境差又同其他狗一齊，佢個樣又好攰好無精神，兩隻大狗個籠都有毛巾同水，我隻狗就乜都無，連條毛巾都無！之後個員工突然叫我地入去，原來個當日賣狗比我既肥佬打電話黎，一聽佢就係咁鬧，話我地搞到佢好麻煩，我當時已經嬲到喊哂，即刻係電話同佢嘈，我關心我隻狗有咩問題，你地當佢係貨，我當佢係寶呀大佬，我想拎番我隻狗有咩問題？
最後我報警。結果警察都係話狗仔有病，佢可以唔比番隻狗我。我話我要知佢而家究竟係咪係對面間鋪，我要知佢而家究竟係點，但警察無權入去check，個女人亦唔會認，最後佢地叫警察同我地講，退番錢比我地，如果狗仔好番就會通知我。
但你比番錢我做乜？我係要番我隻狗，搞咁多野我都只係想知佢到底而家係身處緊咩環境，我要帶佢睇醫生，但警察只係叫我首先拎番錢，因為狗仔好大機會拎唔番，無論而家你退唔退錢，你都無得拎番隻狗。我好唔明，點解我想帶佢去醫都唔得？我想見下佢都唔得？你地都唔會醫佢點解唔比番我？我眼見佢就係對面間鋪但我都無得接番佢。而最後亦只可以退番錢。
到而家我都唔知狗仔到底係咩病，而我亦都唔知可以點做。我番到屋企望住佢啲玩具毛巾，我都好撚心痛好，每日都諗佢而家究竟點。
同時，我永遠都唔撚會信寵物店，我應該一早就要知寵物店係咁撚賤唔當狗仔係一條命。
政府一直冇好好去管制狗場嘅飼養同衛生情況，寵物店亦無檢查店內嘅環境同衛生情況。先唔講領養同定買，點解政府唔可以從源頭上面去根治問題，好好咁重視監管狗場同寵物店嘅情況，重視番動物嘅性命。
就係呢間勝利道16號，叫victory pet shop，認住呢兩公婆！另一張相就係我見到我狗仔係對面鋪！
你仲敢買
屌你老母你比得錢買佢就係一件貨，寶你老母，就係你呢啲人咪可以開到周街都係黑點，可憐啲狗仔