得！你黎做下,
好做就唔駛咁多人唔撈攪到依行「咁多工作機會」,
我同自己講第日D仔女要做護士既話真係擰甩佢條頸.
大學咁多科讀完只有一科會出黎抆屎,
依科就係nursing,
除左打包同幫全個病房40-60人逐個抆屎執屎片之外,
抽痰同洗傷口（有時仲有蟲添）都算係依行既極品,
做急症室仲有D交通意外呀跳樓呀我都唔想講落去.
依行要輪班好多人都知,
但係輪班背後意味著咩野就唔係人人都知,
佢意味著人既體能同容貎極速衰老,
同埋約人跟本十個有九個就唔到你既時間之後就會斷六親,
日日攰到除左番工同訓覺之外做唔到其他野.
依行個名叫做護士但係做既野叫賓賓,
D病人同屋企人駛你覺得係天經地義唔在講,
D醫生同senior都會因為你係junior唔俾面你,
又要睇老細鐘意做D對病人冇咩好處既文件工作,
而且有威都係關醫生事唔關姑娘事,
同一句話d病人就係唔聽你講剩係聽醫生講.
返工連D老人痴呆既老人家同食K仔食懵左既看都看唔住,
跟住你又要小心D白粉佬偷隔離既手提電話同食煙仲有走佬,
仲有D行唔穩又要自己行（仲要係屋企人話你做咩唔比佢行）然後跌斷腳,
跟住又有個病人情況危殆要搓人.
當你搓完人之後成個散晒仲未幫病人打針派藥個陣,
你可能就發現廁所有個生cancer既掛臘鴨死左,
咁梗係關你事啦個病人係你架嘛佢死左唔關你事闗邊個事,
但係冇人會體諒一個姑娘日頭要看16個病人夜晚看20個病人,
之後你仲要寫埋份statement先收得工.
做姑娘做錯野會死人,
除左寫statement仲要法庭見然後釘牌byebye.
讀咁多年書就咁冇左連大學既學費都冇錢還,
最重要既係因為自己害死左人仲食唔食得落飯訓唔訓到教.
仲有依個醫療錯誤同病人權益高企既年代,
永遠只有我地錯冇病人錯,
我遇過有個精神病既大條道理大聲講,
「我係痴線架我係摸你呀告我丫我痴線既你告都告唔入吹咩」,
佢講得一d都冇錯.
除左比人非禮無聲出之外,
仲有可能比病人或者家屬發爛老屈話我地對佢地唔好,
萬一邊個突然發神經搵刀就捅過黎,
咁好彩咪安葬浩園上下報紙有雞碎咁多錢比番老豆老母,
唔好彩殘廢左成世或者負傷之後都要番黎做分咁辛苦既工,
你可以告邊個搵邊個賠;
分分鐘仲比上頭潤你:
「係你處理依件事既態度唔好先激親人發生依件事」.
依行都唔係真係咁唔好既,
就人工同佢既工作意義黎講佢係相當好既一份工,
弊就弊在太多不為外人道既野,
令到各位白衣天使既愛心磨滅殆盡,
結果一係為左屋企班化骨龍要死頂落去,
一係為左尋回失落既人性同健康而唔撈.
總之依行入行既條件係無盡既愛心,
咁樣入到黎就可以慢慢磨都唔會磨晒."
上網睇到依段野之後都覺得各位想讀nursing嘅朋友要三思
）
