圖係詳細版入面 真係比人剪到成隻河童咁
簡單版
我去個間JP HOUSE剪頭髮
剪到成個河童咁 後面仲有舊嘢咁
行路成把掃把咁fing下fing下
今日咪翻去睇下有無得剪左舊嘢佢
之後店內員工態度極差
甚至講埋粗口 似想撩我打交咁
各位巴絲記住唔好貪平同快
去依間髮型屋剪頭髮
上網搵唔到公司電話 連page都無
如果唔係一定投訴個兩個職員
詳細版
是咁的 琴日趕時間同女朋友睇戲
咁我就求其搵左間髮型屋剪頭髮
一個金啡色頭髮既女人問我點剪
我同佢講跟翻個型剪短翻啲就得
佢剪剪下我都覺得奇怪嫁喇
剪同一個頭幾年個個剪法都差唔多
得佢一個不停用佢把鉸剪係我頭頂到不停撩
剪到一半我成塊面都係頭髮
當我見到前面比人剪到無乜頭髮咁我就知今次仆街喇
到佢同我講剪完個陣佢已經即刻幫我除左件袍
叫緊下一個人上前比錢開始剪
我諗住算啦 過翻一排又生翻出嚟
點知我女朋友一見到我就指住我嚟笑
問我做乜剪到個頭成個河童咁
剪前
剪後
入戲肉喇
今日翻到去個間髮型屋 琴日幫我剪個個女人唔見左
不過琴日都係到既伯伯係到 仲有多個廢中
個伯伯幫人剪緊我就同第二個廢中講翻個情況
我唔該前唔該後 問佢可唔可以幫我修一修翻好
佢掛住睇電視唔理我
我再問多句佢話佢唔知 唔關佢事
仲好唔耐煩同我講一係你買多張飛囉
我就話我個頭比你個同事剪到成個河童咁
你仲好意思叫我買多張飛
佢話唔通我幫你白做？你咁唔滿意咪去消費者告我地囉
個伯伯終於開口喇 話聽日佢會開工叫我搵翻佢剪
你老味我比佢剪到咁樣仲比佢幫我修翻好？
個廢中唔耐煩開始講粗口喇 你無撚嘢啊嘛？
聽到之後我愈嚟愈炆 你翻緊工講晒粗口去屌個客？
我女朋友拉住我走同我講算啦
個廢中仲要攞尾彩行出個門口問我點撚樣呀
翻到屋企諗諗下條氣愈嚟愈唔順
