呢幾日屋企經歷好多野確實係令到個人比較鬱結， 我知道要present 亦要著suit但耐何我離開屋企太匆忙實在無時間再執任何野，所以係親戚屋企借左套suit同 對鞋。（唔講都唔知對鞋姨丈10年前結完婚著完一次封印到而家都無再著過
）而最後對鞋擺得太耐爛埋，就好似今日咁。我知道嘅然個班友唔知我呢幾日發生過咩你笑我又吹你唔脹，所以就算我嬲到出左門口我冷靜返我都控制返自己，換對鞋咪入返去pre，無所謂。去到夜晚我女朋友上嚟呢度見到個post知道左之後喊曬口同我講叫我唔好再讀，我知道佢緊張我怕我見到個post加上呢幾日嘅事怕會刺激到我做傻事。其實我比你地笑下無咩所謂，男人老狗拎得起我實放得低，但去到令我女朋友緊張驚到落淚又不停打比我希望我聽電話，我個刻心情確實難受，邊個男人會想見到自己女朋友咁？
我打咁多嘢上嚟只係希望我女朋友可以安心，唔好再擔心我會做傻事或者其他嘢。而今後無論你地食飽無嘢做或者唔開心時不妨拎隻爛鞋相出嚟睇睇，可以令你開心嘅話我又唔介意，畢竟人越大可以令你開心嘅嘢亦都越少了
呀最後我最對唔住係姨丈，為咗我個present 陪葬埋你對咁有記念價值嘅鞋，sorry
加油
