https://lihkg.com/thread/456715/page/1
咁上星期六就真係去左，點知遇到D咁的事。
我地上山果時都係3點幾左右，諗住行2個幾鐘都去到，因為沿海行快D。
開始行仲見到好多MK仔MK妹影相自拍咁，但越行越入就開始小人，間唔中會有一兩個行山客。
到了4點半，其實天還未黑，但路卻越來越黑。因為周圍的樹很高，那時我們已經需要用到電筒照明才看到路。
繼續行，5點半左右。電話開始無訊號，路越來越窄大約只有50cm的沙路，開始崎嶇難行，camman都小了話題。當時路已經是全黑，能見度好低，即使開住電筒，都只係睇到約10米路。
因為地下好多不同大小的石仔，過程都係低著頭照著地下走路。
正當我抬頭一照，突然有一位老人在我們前面！
我嚇左一嚇，停底左，身後的camman都收制不及撞一撞我。
老人：你地去邊呀？
我：我去鎖羅盆。
老人：咁夜去好危險架！
呢位老人著住白色背心，棕色短褲，下巴留著白鬍鬚，左手拎住一支又樹枝整成的杖。
老人：走啦！快D落山，就落雨啦，咁夜好危險架！唔好去呀！
老人一邊講，一邊用由樹枝整成的杖揮動，看似身體語言，但更看似趕我走。
camman：我地行前小小影完相就走架啦！唔該你。
老人：影完好走啦，好危險架。
講完我地繼續前進，而老人都向下山方向走去。
我再高舉電筒前進，係WO！電筒！個老人無拎電筒！條路咁黑，無電筒點行呀！我立刻轉身睇下老人係用咩，但我用電筒周圍照都唔見果位老人。
我諗深一層，雖然我過程都係低著頭照著地下走路，但都無理由突然有人出現我都唔知。當時向前照又睇唔到有人。
我同camman停底左，諗應唔應該繼續行，而我又見到電話收到訊號，當時我影左呢張相上連登。
大家睇下當時係幾暗，唔用電筒根本無可能睇到條路。
我見咁多回覆，唯有硬著頭皮行。
點知行多陣，開始有小小雨，我記返起剛才的老人講：「走啦！快D落山，就落雨啦，咁夜好危險架！唔好去呀！」
佢都有講過就落雨！
因為落雨路開始濕滑，而且仲係沙石路，camman一聲哎呀就仆左街。
咬左柴⋯⋯
基於安全問題，決定落山。沿路落山都無見到呢位老人。
沿路上山有個好殘舊的拜神位，我搵返當時拍的片見到
伯德如山重，公恩似海深。
伯德姐係土地公，而土地公都係拎住一枝用樹枝整成的杖。同剛剛的老人不謀而合。
我相信我地係遇到土地公，叫我地唔好上山。
----------------------------------------------------------------------------------------btw小弟facebook page
https://www.facebook.com/lunlunhahaha/
下星期再去過。
但都唔知係咪真係土地公
