（真人真事。你問我答。）八十後。出走德國去讀書。

【80後出走德國去讀書系列】

第二回：行之有效既垃圾分類

一、係德國,每個家庭都會做垃圾分類,（並非強制性，但人地細細個學校就教環保有幾重要。早係九十年代，德國人出街已經自備購物袋，又會自發做垃圾分類。）唔似得香港咁將所有垃圾都放埋一齊。

德國的垃圾分類有紙張, 塑膠, 廚餘, 玻璃同埋其他。大廈會有唔同顏色的箱去放置垃圾, 紙張係藍色, 塑膠係黃色, 廚餘係啡或者綠色, 其他係黑色。

二、另外係德國買膠樽或者玻璃飲品要額外比一種叫Einwegpfand (簡稱Pfand)的按金,目的係想大眾回收膠樽同玻璃。買膠樽或者玻璃飲品個陣要比多0.25歐(膠樽)或者0.08歐(玻璃),飲完之後大眾可以拎番去超市退回按金。

（呢樣野係挪威都一樣有，仲擴展到飲品鋁罐。當地超級市場有部自動回收機，你放空樽、空罐入去，佢會自動scan個barcode，然後會印返相應金額既現金卷畀你係超市消費。千祈不要學香港的阿婆，走去踩扁鋁罐，部回收機掃不到barcode是不會退回按金。另外，不要嘗試帶洋垃圾到挪威變現，因barcode不同，回收機是會拒收來自香港的樽和罐。）

反觀香港，垃圾分類完全依賴大量低下層在社區進行。在經濟誘因之下，有變賣價值的垃圾（例如紙張、金屬）才會被分揀出來再回收。沒變賣價值的垃圾，（例如膠、玻璃）因市民缺乏環保意識、又沒有政府主動介入，往往沒有人要而倒入堆填區。

#移民 #出走 #德國

（圖一：我屋企樓下的回收箱）



（圖二：每買一支就要比0.25歐）

同步連載：

http://www.facebook.com/WestRiceGoo

http://www.instagram.com/westricegoo

係咪一定要識德文

老實講我見到嚟呢邊讀啲香港人十個有七個都唔識，反而大陸人識德文既比例仲高

雖然大陸人啲德文口音真係好撚難聽, 同香港NDS既英文口音如出一轍
咁耐喺嗰邊只係見過兩至三個大陸人德文係堅掂
一個喺C2 course預到，喺本身大陸讀德文中學去到讀Deutsch als Fremdsprache (German as a foreign language)
一個係讀教育碩士
一個最癲，喺大陸讀完德文學士，去到由law bachelor讀起，再上law master，讀咗勁撚多年書
利申德文唔鹹唔淡，不過起碼德國人同我傾計未至於會唔耐煩想轉channel

德國法學博士翻支那可以直接入研究院，所以支那好多法學教授都係德國/日本讀書

十一月的德國。室外氣溫4度。

如果過德國Phd/msc駛唔駛有paper係手/first hon

姓英？

巴打，德國文化係點? 有咩要注意?

如果過德國Phd/msc駛唔駛有paper係手/first hon

同問

我呢到成間大學得5個香港人, 大陸人應該都唔多於100個
但間大學都算世界知名, 德國頂尖大學之一
通常知名大學都應該亞洲人周圍都係, 但呢到都算係一反常態

巴打係邊間？

第三回：黎到德國，第一樣要習慣既係…

黎到德國，第一樣要習慣的唔係陌生環境，唔係語言不通，而係無太陽，尤其係冬季。

係冬天，一日可能只得六七個鐘有太陽，仲要祈求無雲無落雨無落雪。上午九點先日出，下午四點太陽就已經落山。咁短的日照好容易令人情緒低落（有研究話富裕兼福利好既北歐，自殺率一樣高企，係因為日照時間短）。

人呢，永遠都失去左先學懂珍惜。以前係香港就只有返工放工，白晝留係丁方幾尺大既partition裡面，出面就算幾好太陽都見唔到。如要OT，仲唔會見到日落，夕陽幾靚都唔關你事。而家黎到德國生活，冬天見到太陽係會令我開心。

同一個太陽，係唔同地方睇，心情唔同，感覺都不一樣。



（圖：太陽伯伯同法國公務員一樣，工時只有6個鐘，很想要吧？）

第四回：第二樣要習慣既事：咪行錯路！

係德國，出街記得唔好行錯邊，因為好多都係一條路畀單車同行人一齊共用。（有別香港，路分兩條，行人路係磚路、單車路係柏油路，中間仲會用大量鐵欄、鐵柱分隔。）為左安全，路邊都會有標示，指出邊一邊係比單車用，亦都會以唔同顏色既地磚、或者以一條地磚砌成既直線以作區分。

係香港，行人唔單止老奉行單車路，佢地連馬路都照行，呢d「小事」大家都習慣亂咁黎。但係德國人重視規距，行人行錯邊，或者企係單車路上面，輕則會比路過既單車「叮」你，重則會比人粗口問候，同時，會暴露你唔係本地人身份。


（圖：路分兩邊。識得行，一定行內則果邊！）

第五回：德國既自來水（das Leitungswasser）

行德國既超級市場，你會發現有好多唔同種類既水賣：由礦泉水到梳打水，由無汽到有汽，由阿爾卑斯山到斐濟，五花八門既牌子，林林總總既種類。總之，一整條走廊，兩邊貨架，都剩係擺放樽裝水。平時，唔難聽見有人開有汽既水，所發出的嘶嘶聲。

係德國，自來水屬於硬水，含有大量礦物質。水煲長期煲硬水既話，個金屬煲底會積聚一攤攤黃黃啡啡既沉澱物，極難刮得走。

當地水喉水，可以唔使煲就飲得，但好多當地人飲用同煮食都唔會直接用水喉水，佢地至少都會裝返個過濾器。唔少人甚至會長期去超市/士多買樽裝水。出外用膳，就算顧客要求，都唔會免費畀杯水佢，只會畀樽裝水（當然要畀錢啦）。（因為呢個飲食文化，我有個係德國土生土長既親戚，黎到香港都一樣只會飲樽裝水，佢話香港水喉水有陣怪味tim。）

雖然水中礦物質對人體無害，但有傳聞話飲太硬的水會易甩頭髮，亦有外地黎既同學塊面出紅點，聽當地醫生建議唔飲水喉水，轉飲樽裝水之後好番。但我呢d窮學生，慳得一蚊得一蚊，一於無理，直接係水龍頭裝水飲。


（圖：其實成個西歐既自來水都可以放心直接飲用既。）

德國人歧視亞洲人常唔常見？

我就覺得無澳洲咁常見