但就完全無清酒嘅討論
我就唔信Lihkg無人飲清酒
https://www.youtube.com/watch?v=HWUJq2vqyKA
應該係第一首同清酒有關既廣東歌
我覺得呢首歌同清酒個FEEL都好似
淡然閒適，第一口未必有好強烈感覺，但就好岩慢慢呷
或者好多巴絲對清酒好奇想試下但又怕中伏
咁係度打少少極唔專業嘅Q&A先
Q: 其實點先算係日本清酒？
A: 清酒同紅白酒一樣，都係釀造酒，酒精濃度多數係15-20%左右。主要原材料係水、磨左既米(精米)、麴(特別既霉菌)同酵母，有時會加入釀酒用既酒精提升酒香。
Q: 清酒係咪多數好嗆喉好辣，得啲酒精味？
A: 我答係既話應該唔會開post
其實一支清酒除非超劣質，否則應該係順喉滑喉，可以有D辣但多數都會有米香味。如果再高階啲既話，有時仲會飲到蜜瓜/香蕉/熱帶果實/柑橘一類既味道
呢兩三年仲開始興起一種「新派」清酒，呢種清酒好多時無汽但係有微氣泡碳酸既口感
同時酸度偏高，有時會以為自己飲緊白酒/果酒Q: 如果想入門又唔識揀點算好？
A: 最方便既做法當然係搵個飲開既朋友帶住你飲啦
如果身邊無人飲清酒，都可以去酒鋪或者中高檔既超市揀(百佳惠康阿信屋就可免則免喇)，同Sales講要甘口d、Balance或辛口(乾)、budget幾多等。清酒唔一定愈貴愈好，好多時$180-300已經有質素唔錯既選擇 ，甚至好過唔少$500以上既款式
如果信唔過Sales，有幾個牌子既酒都唔錯，比較易搵，勝在平衡，果味米香順滑樣樣都有啲，價錢全部$300以下(有巴打有建議不妨加落黎)：
獺祭50同39，出羽櫻 櫻花吟釀，勝山 獻，出羽鶴 飛翔之舞
紀土，天狗舞，楯野川，花陽浴 八反錦
清酒唔似紅白酒威士忌，好講求新鮮，所以見到製造日期長過4-6個月既，盡量唔好買啦 
過左期既死酒經常會有陣鹹魚同鹹芝士味
我覺得品質相對上係穩定啲，但酒廠、釀酒既米同水影響可能仲大
但因為微生物仲係酒入面起緊作用，所以唔放得耐，而且必需長期冷藏，買左最好盡快飲
