[獨留陽陰] 獨遊山陽山陰八日温泉之旅 (多圖多字)

坐船有兩間公司，JR船公司pass包唔洗再比錢

到步

去酒店check in先，都成5點 (有本格蘭飯店)

間房，呢間係咁多日最舒適，夠大夠光，因為唔包晚餐所以出去食



當日既滿潮同干潮時間，等21:05潮退


當時下就5點，所有鋪頭都收曬，全島得返2、3間開夜晚，見到呢間開就入，再諗就收鬼埋都似(因為有間寫7點收，行多個圏6點反去話收了)

炸蠔set 幾好，5分滿分有3.4分，￥2050


食完飯未夠鐘退潮，行返酒店浸個温泉先，晏D再出去烏居

日落既鳥居，好靚呀


(上網拎) 浸緊温泉同個伯伯傾計黎，傾下大家既行程，原來佢住神戶，黎宮島廣島2日1夜，仲傾左好多有咩好食，香港同日本返工既野，吹左大半個鐘


21:05分係潮退左，但係退唔曬呢，好灰，都係落唔到去，飲住支發泡50 周圍行下

去左島上唯一一間Cafe&Bar食宵夜 收零晨一點，同鹿仔傾下計就反去浸多轉温泉沖埋涼上房訓

li

落唔到去真係灰.

pish 更新未?

巴打成日要搵locker擺行李會唔會好煩?

落唔到去真係灰.

果陣時有諗過照行下落去，我估浸到膝頭哥左右

pish 更新未?

晏小小食午前，打緊好快

巴打成日要搵locker擺行李會唔會好煩?

因為我hand carry 細喼，所以比較會易揾到locker，相對我覺得容易唔記得拎多過難塭。

有陣時真係好易會唔記得就走左

留名

留名遲D去參考下

Day 4
嚴島神社> 鳥居> 倉敷> 米子 皆生温泉 (皆生鶴屋酒店).

一早食第一輪7點半，食完再去浸一浸就走。食緊早餐果時諗，烏居定弥山，我決定如果潮退落到去就唔上弥山(因為我覺得落去重要過上弥山)，味道幾好，食到好飽，5分滿分有3.6分


原本諗住上弥山，但因為唔心息無得落大鳥居，所以放棄弥山(下次再去啦唯有)，朝早9:13再次潮退，就去嚴島神社同大鳥居



媽，落到去啦今次，開心到我唔記左自己，真係好靚，好特別





去左島上最出名 牡蠣屋，9:45等10點開門，我亦都高度推薦大家去呢間餐廳品嚐，叫左2隻燒蠔￥800，3隻炸蠔￥1620，手掌咁大隻，5分滿分有3.9分，




Coffee shop 好好飲，買左幾包粉返香港，如果經過一定去試杯


坐11點半坐船> 宮島口轉JR> 廣島新幹線> 岡山JR> 13:55倉敷

live 左 支持

正呀⋯⋯
留名炒考

到倉敷，倉敷美觀地區，江戶時代保留至今既建築同環境，幾特別，河兩邊好多商店，全部都係白色建築物




由於一陣要坐特急やくも17号去米子，所以係倉敷逗留時間唔係太多
行完之後就坐15:15特急やくも17 去米子(月台好長，唔知原來停係咁前)


到左米子駅，之後站出面直接轉巴士去皆生温泉

都係照舊上巴士拎飛先，落車對返數字版比錢


到左皆生温泉，check in 先 (皆生鶴屋酒店)


間房原先我係book呢間，單人床，得廁所無沖涼，要去大浴場沖(上網拎)

到我入房先知原來佢upgrade左我和室10畳訓榻榻米，太好了
好大，有浴室(不過我都係冇係房沖涼，因為我次次都去大浴場沖)

由於都係唔包晚餐，所以又係要出去食
揾左間居酒屋北海，叫左拉麵、串燒、啤酒(味就一般啦，5分滿分得2.6分，冇得要求咁高)，老闆問我一個人嗎，做咩黎呢度，我話呢度酒店平過市區，又有温泉，好抵



食完之後就返去酒店浸温泉同早d訓 (官網拎)




現實係你諗得太多

正呀⋯⋯
留名抄考

仲有好多靚景都想去，不過交通無咁方便
島根県 嫁ケ島日落 日御碕 石見銀山 立久恵峡
鳥取県 倉吉白壁土蔵群 鳥取二十世紀梨記念館 白兎神社
岡山県 蒜山酪農農協乳製品工場 備中松山城

正呀⋯⋯
留名抄考

仲有好多靚景都想去，不過交通無咁方便
島根県 嫁ケ島日落 日御碕 石見銀山 立久恵峡
鳥取県 倉吉白壁土蔵群 鳥取二十世紀梨記念館 白兎神社
岡山県 蒜山酪農農協乳製品工場 備中松山城

唔好講啦
越講越想去啦

正呀⋯⋯
留名抄考

仲有好多靚景都想去，不過交通無咁方便
島根県 嫁ケ島日落 日御碕 石見銀山 立久恵峡
鳥取県 倉吉白壁土蔵群 鳥取二十世紀梨記念館 白兎神社
岡山県 蒜山酪農農協乳製品工場 備中松山城

唔好講啦
越講越想去啦

正呀⋯⋯
留名抄考

仲有好多靚景都想去，不過交通無咁方便
島根県 嫁ケ島日落 日御碕 石見銀山 立久恵峡
鳥取県 倉吉白壁土蔵群 鳥取二十世紀梨記念館 白兎神社
岡山県 蒜山酪農農協乳製品工場 備中松山城

日御碕我去個日極好天



二十世紀梨記念館入左去半個鐘就走左

我都book 咗 下年去米子住鶴
想問巴打覺得溫泉點？
同埋好唔好住

Day 5
30/9 皆生温泉> 米子> サンライズ出雲> 出雲大社> 松江城> 鳥取 (Superhotel)

訓醒，好精神

一訓醒又係食最早既7點半，早餐比起琴日早餐既真係好一般，但比出面都巳經好豐富嫁啦，食完當然浸多次先走啦(5分滿分有3分)

去到車站等車出反米子啦，見到有對香港情侶係度嘈交，聽曬佢地講咩，係咁嘈個行程點，又去唔到呢度果度


去到米子駅，望一望個車牌，見到有得坐寢台特急サンライズ出雲，之後就去綠色窗口問下可唔可以換坐寢車直接去出雲 啦(原本諗住去左松江先，因為想食出名喬麥麵先 八雲庵) ，pass包埋，因為係全車指定席，所以唔洗補錢，但只可以坐最普通車指定席（ノビノビ座席）


9:03車到了，一上車好豪華，原來我係B個室寝台1人用（シングル）等呢卡車，呢D車卡要補錢坐，(叧外係有買沖涼巻去沖涼)

有兩層

緊係啦那有錢


揾呀揾、揾呀揾，揾到我個位，訓下格，都幾好，夠長訓直個人同夠位放個21吋喼，但好硬同冇枕頭




Hea下上下網，途中有景睇，係宍道湖


都要坐差唔多50分鐘，到左出雲駅，個個落車都去車頭，影呀影，我都影
(Sunrise出雲列車一日得2班往復，我坐呢班係琴晩東京站過出雲站)


出閘後照舊睇左巴士幾點有車去出雲大社先



我無係出雲大社正門前落車，去左大社連絡所落，由尾行返轉頭，先經過千家國造館


然後就係大家成日見到既出雲大社既{神楽殿}，出雲大社係 二拜四拍手一拜，同其他唔同


神樂殿重達5噸既巨型注連繩，依家加左個網包住，唔比人再丟硬幣上去，據說能成功不掉下來便會帶來好運



之後係隔離既御本殿


御仮殿


沿路行返去正門見到牛同馬，唔知點解個個都摸，同頭牛馬面呢D野唔知關唔關事



繼續行去到大國主呀，見到大國主(國津神)梗係要誠心d啦



之後就係兔仔(因幡之白兔)，出雲其實都出名兔仔

向前行就係入口正門


係正門對面就係好出名既出雲stakebuck，，直去到遠d有個大鳥居

有間賣兔仔野，D擺設好靚




去坐一畑電車去松江宍道湖溫泉總站落


由於好趕，去到松江宍道湖溫泉駅巳經13:17，趕住去食八雲庵(佢開10點收3點，賣曬就收工)，我選擇左快步行過去好過


行左15分鐘左右到左，yes好彩仲有得食


間餐廳好靚，中間有個庭園有水池，有一邊係vip房



行到身水身汗叫支啤酒先，唔理咁多，一飲落去，頂，原來叫錯左無酒精啤酒，不過健康d諗啦


叫左最出名既天婦羅蕎麥麵餐，出雲既蕎麥麵係日本數一數二



佢有4個盒，第一層係配料，係蔥同紫菜果D
第二至四層係冷蕎麥麵，而且有一碗熱湯同凍汁，有兩種食法，一種係將麵浸去熱湯沾黎食，另一種係將凍汁倒落d麵度加配料食，推薦大家黎開一定要過黎食(5分滿分有4.3分)

食多個甜品

食飽之後2點左右，聽到佢話天婦羅賣曬，得返麵賣，走人果時睇下會唔會有d手信買，或麵條反去自己煮，原來冇。

出返門口2點15分左右，見有職員出黎收鋪，見有其他客人趕到門口冇得食，所以如果去大家早d去

我都book 咗 下年去米子住鶴屋
想問巴打覺得溫泉點？
同埋好唔好住

我覺得咁既價錢都巳經唔錯，我個plan無包晚餐，所以要出去食(無咩好野食，建議包埋費事周圍揾)。

温泉都係分開男女，個場都好大，係室外温泉無景睇。另外旅館大堂中間有個花園幾靚。

當然相對其他温泉旅館佢係比較普通，但勝在價錢平好易去，體驗下都幾好。