我諗樓主個問題應該係明明eps果啲咪又係debit card點解唔可以好似外國咁用visa/mastercard既模式
因為你而加eps真係得香港可以用 仲要"好似"真係有啲地方唔收eps...
有人話對銀行無著數 但銀行多左流動資金(短期都好)唔係就已經係一個巨大既優勢咩?
唔好玩啦,有幾多人會為開張visa/master debit card將自己d錢轉去另一間銀行呀,(响香港)我唔好簡單d去果間銀行出張credit card然後由自己用開果間銀行autopay
點解講咗咁多頁都仲係有人唔明點解香港市場唔會興visa/master debit card仲係不斷問點解d銀行唔肯提供visa/master debit
易辦事(香港)有限公司(簡稱「易辦事公司」)於1984年成立,現時由20間持牌銀行聯合組成。其宗旨是廣泛推行電子支付服務,讓顧客及商戶更感方便。
易辦事公司於1985年率先推出簡便安全的零售支付系統-EPS,為商戶及顧客提供另一方便而具成本效益之付款方法。目前EPS已廣受大眾歡迎,在香港、澳門、深圳三地有超過三萬個銷售點接受EPS付款。
易辦事公司一直致力向用戶提供創新的電子支付服務。1993年聯同Hong Kong Telecommunications (HKT) Limited推出繳費靈電話服務,並於1999年將繳費靈擴展至互聯網,讓顧客隨時隨地繳付賬單。
易辦事公司的電子支付服務在香港居領導地位,每天處理超過三十萬宗交易,總值達港幣五億元,並承諾繼續致力提升各項服務及開發新產品。
eps平均收唔夠1%, 當1%每日都淨袋500萬,仲要係d銀行左手右手自己分
visa/master平均收緊又係唔夠1%甚至更少(你班人唔係真係以為visa/master debit無transaction fee嘛?),實際銀行真係落到袋嘅你估有幾多?
再加上香港用左eps咁多年再加埋pps,已經深根締固,你見佢年年繼續搵林狗阿sa拍廣告就知無諗過放棄啦
要銀行肯同你visa/master合作推debit card就即係要佢哋放棄自己利益,你話佢哋睬唔睬你?除非visa/master肯燒錢打入嚟啫?否則邊間銀行會咁傻呀,除非香港人個個都走去銀行話我要用visa/master debit咁啫!但係個個香港人都有visa/master credit card嘅情況下要用visa/master買野從來都唔係問題,可想而知visa/master debit個需求係好細
好明顯係香港市場連visa/master自己都知道debit card係無位入,加上credit transaction對佢哋同銀行利益更大嘅情況下,佢哋都寧願力谷credit card啦,如果唔係點會香港咁易出卡同特別多碌卡優惠呀。
我唔反對巴打你講既野 因為呢個對而加既香港黎講係一個事實
但當如果一樣野同另一樣野有直接既對比時就會有討論既空間
eps好明顯已經喺香港成功咁創造左一個生態出黎 呢個係一個好事
但問題在於呢一樣野除左香港之外全世界(英國果啲)係無一個地方係通行
喺呢個網絡發達交通方便既年代 香港人如果想喺其他國家消費(包括網上購物)除左現金就係信用卡
啫係話人人都要信用卡 所以而加市面上好似巴打所講有極大量唔同既簽卡優惠去吸引人
點解外國會無一個好似eps咁既野而大部份都係visa/master既debit card?
其實無人知 可能係eps喺香港一早食左頭啖湯以monopoly既形式控制住
但一個咁封閉既市上喺呢個網絡同交通都極度發達既年代遲早係一定會出現缺口
返返去巴打第一句講既"唔好玩啦,有幾多人會為開張visa/master debit card將自己d錢轉去另一間銀行呀,(响香港)我唔好簡單d去果間銀行出張credit card然後由自己用開果間銀行autopay"
呢一個係生態既問題 當如果外國銀行有推動visa/master debit card既時候好明顯係有佢地一定既價值
我自己喺外國住 我可以同你講無人會"為開張visa/master debit card將自己d錢轉去另一間銀行" 因為張卡係你開銀行戶口果陣就會比埋你 唔洗申請
呢張visa/master debit card可以比你買野用debit型式比錢 又或者係有啲credit型式比錢都得 同時佢都係一張銀行卡可以提款
而你開得銀行戶口就多數會放錢入去 你一放錢入去銀行就多左流動資金
到你比錢買野既時候因為你戶口一定要有錢所以你通常會keep住自己個戶口有一筆大數目
呢個係一個生態系統 當然成件事要咁smooth係因為個生態夠完善 你喺外國要搵到一個唔收visa/master debit card既地方係非常之難 (唔計果啲亞洲人開唔想比稅果啲)
呢個方式對銀行黎講佢地可以肯定佢地會有足夠既資金
而巴打所講出張credit card然後由自己用開果間銀行autopay理論上就算你銀行唔夠錢只要你張卡夠limit都係可以簽
某程上銀行既壓力係比visa/master debit card大
而香港人好多時既消費都係會"洗大左" 對一個社會如果每個人平均受緊咁大既經濟壓力實在唔係好事
咁當然...人地銀行高層決定得既點都有佢地既考慮 可能佢地覺得要推翻一個生態再重新打做另一個新既生態唔著數