問題係
Admin 點知係唔係劇透
執法上有啲問題喎
樓主有方法解決呢個問題？
具體啲講比admin 參考呀嘛
唔理係劇透內容係真定假
總知出post者動機係劇透就應該做野
劇透post就移去黑洞
另外可以參考hkmovie咁，整個spoiler警告
一有劇透成份既野hide左佢要user自己撳先睇到
第一我想問 點先為止動機係劇透?
跟住另一個問題
例如如果有人睇完十年呢套戲
開post標題：點解中共唔請人殺議員黎加速推行國安法？
或者另一個post：2012剩返生存既人冇哂資源點樣建設社會
咁又應該點樣定義？
如果ban左/hide左呢d想討論既會員同post
咁係咪就變相縮窄左討論區既自由同討論空間
處理劇透唔同處理ban圖
ban圖本身一向有好清晰既準則(露點，驚嚇)
但劇透唔能夠好清楚咁界定係劇透定討論
法例（或討論區條例啦）唔能夠一個人話係就係話唔係就唔係
有d人可能覺得係 亦有d人覺得唔係
呢樣係法治本身既價值
我唔係維護果d小學雞劇透
只係高登(或而家連登)一向最有價值既就係呢個地方依法行事
唔會憑文字ban人 討論自由、冇限制
顯然高登做唔到 甚至ban人為私
但我唔希望連登一樣
雖然樓主你好嬲係咁屌柒人
但你都應該正視下討論區admin執法/實行措施既嚴謹性
如果唔係就好似之前肥絲咁
就係因為admin屎忽痕 冇嚴謹實行措施（冇諮詢etc）
先會引發軒然大波
利申認真左
洗q整咁多野咩
