（青春／甜）《一個書生既Player故事》(4)

花小姐

925 回覆

233 Like 17 Dislike

花小姐 2017-12-31 00:29:20

我返上Hall hea陣就落去上Lecture。

Maisy好快就喺個App入面Accept我既Like，開始一段對話。

Maisy個毒樣同性格有啲唔夾，喺電話你會感受到佢係主動既類型，我暫且稱呼佢係鍵盤戰士。

明明係我撩佢傾計認識佢，喺電話度佢會主動去了解你，問你好多問題，由讀咩科、Year幾、住邊度、屋企有無兄弟姊妹、拍過幾次拖等等。。

我好似填問卷咁答Maisy，不過太私人既野我無答，我會答我住Hall，係A0等等模陵兩可既答案。

佢掛住查我家宅，我都無機會問佢啲乜。

喺佢問我大約第十個問題之後，我終於忍唔住問佢：【問我咁多問題，其實你係咪諗住Sell保險？】

Maisy：【唔係呀，乜我好煩咩？】
我：【少少啦】我好誠實嫁。
我：【問你一個問題，你有無養過倉鼠？】
Maisy：【無呀，你想養？】
我：【我想買隻俾朋友，不過唔知邊度有得買。】
Maisy：【我幫下眼？】嘩好主動呀。呢個女仔一定好肌渴，我只係順口撩下女仔認識佢，其他野Maisy就自動波。
我：【今日六點去旺角寵物街？】落堂啱啱好。
Maisy：【好的，六點喺拉巴門口等。】

我努力抑壓自己微笑既表情，變成一個Poker face。

即使已經約過咁多女仔，但每個初次約會都係會令人期待。

落堂Parsons問我：「去Ac1食飯？」

我答佢：「不了，約咗人。」

Parsons：「嗚呀，女？正唔正嫁？」

我拎住Maisy Happn張相俾Parsons品評：「今朝食Hell can果陣識，見佢玩緊呢個App。」

我突然發現自己已經長大了，由以前約女要偷偷摸摸到而家媾女可以光明正大咁講。

Parsons望住張自拍：「嘩。化到咁行眼大大又幾大波咁。只係單單係房入面既自拍眼神已經非常淫盪，唔錯唔錯。」

就咁睇張相Maisy的確都係似搵Sp，唔通因爲咁我先至肯同佢出街？我既世界除咗江柏琪，好似未有一個正常級數以上既女仔係唔會搞。

我：「但佢真人係好撚毒，戴住副粗框眼鏡毒過靜宜好多。」

Parsons笑笑口：「叫佢整返呢個Look，你再幫佢拍過第二套AV。」

我：「屌你仲提。」

Parsons：「搵日叫佢上黎Hall玩，我又昅下先。你唔啱既話我接收呀。」

佢咁講完，搞到原本無乜興趣既我都想食下佢，想同人爭野。

我：「好呀，我陣間Try try。」

花小姐 2017-12-31 00:31:15

我去咗拉巴門口等Maisy。

呢一刻，Maisy竟然換咗個戰鬥格既打扮落黎。

化咗妝著大眼仔，純白色花紋既蕾絲連身裙，心口既位置透視，好明顯咁見到白色Bra，仲要大波好有迫爆既感覺，裙高高膝頭仲要開叉，喺City既校園黎講呢種打扮都算幾性感。

反而係我好Hea就咁恤衫短褲。

我同佢打招呼：「Hi...乜咁啱呀。」

「係囉。」Maisy自信滿滿地回答我。

「你著到咁靚，成個人唔同晒。。好似Icon果張相咁。」

「咁你而家知道係真相，唔係詐騙啦？」

「唔係，係假樣。你睇下你塊面啲批檔成寸厚。人地Photoshop張相，你就Photoshop個樣。」佢應該好想打我，對住佢唔知點解特別毒舌。

「食屎啦你！人地仲咁俾心機打扮先出黎！」

「咁快就被我既美色迷住咗？」

「係呀，所以你唔好拒絕我啦。」Maisy對我一笑。

「咩話？我唔明你講緊乜既？我地行啦。」我同Maisy講。

「好呀。」

香港太多小學雞 2017-12-31 00:36:53

係文呀