[少年監獄] 感受沙咀 十一 多謝大家

樓主 壁屋篇追到而家 終於完了

多謝你堅持咁耐寫足幾個月

由第一個post追到最後一個post
為迷途的我帶來不小鼓勵
支持肥衡

完啦

Thank you Sir

呢幾個月返工一得閒就追你個故, 由第一個POST開始, 已經成為左習慣

轉個頭已經幾個月, 完左好唔捨得

呢個故係我第一個由頭追到尾既故

希望可以睇埋豐力樓啦

BTW多謝張衝, 支持你!!!

好撚洋蔥呀 屌你老母，我由肥衡出故第一日live到依家追足咁撚耐，我可以敢講肥衡你呢趟經歷唔單止令你失去好多野反而係令你得到好多野，你想傳遞既正能量已經深深俾到好多人，你做到喇，你完美咁做到喇。 好想攬撚住你黎喊。好感動好感動丫

咁就完咗，好失落

Thank you sir 唔該蔡衡同學

咁就完咗，好失落

Thank you sir 唔該蔡衡同學

閪衡幾時recall返入呢探下我

肥衡, 終於睇晒了! 支持你, 加油!

- 想問有冇阿sir 睇過你post 同你相認?
- 真心好希望你整過唔太長豐力樓編, 因為我地外面人真係唔太了解.
- 如果無時間都簡單講下豐力樓係乜黎呢? 好有興趣了解下.

祝你本書賣到開巷!

好撚衰啊你地

平時又唔見你地講咁多

打緊後記 ，我之後係後記入面一次過交代吧


多謝大家 多謝

過嚟俾呀sir攬吓先

戈sir,預埋我得唔得先

Thank you sir唔該同學

好衰啊你地

俾咁多feedback做乜喎, 明明睇完之後你地都會好快忘記㗎喇

多謝大家厚愛，衷心感謝

尤其係一開始，一直追故追了五個月既各位，多謝你地肯欣賞我，一直催我，係中途鼓勵我

這個故，可以話係你地鼓勵我，然後我再回饋返俾你地既故事 ，因為寫到中途，我真係覺得都幾巴吓，想棄故好多次了，但最後都係堅持落來

來到這裡，終於完了.

雖然比想象中遲了不少, 不過總算在六個月內完成, 無打爆到, 真的很幸運呢

不覺得神奇嗎？ 原來文字真的有力量啊

原來我一直堅信既嘢, 一直想傳達既嘢,透過文字, 又好似真係做到了少少

你地既留言, 我都一一有睇, 我好感動, 等我抬頭望望個天先.哈哈

諗返起兩年前的那天, 其實我本身仲諗緊, 果日出冊我係囚車上對自己說的, 都是玩笑話

所以我仲記得, 這年的五月三號那晚, 我猶疑左好耐

那時候覺得, 自己真係唔掂, 畢左業既迷茫, 不斷在夜晚發的Recall夢...
不知怎的, 就是覺得好折磨,好唔開心, 就是覺得自己好似背叛左自己一樣.

然後在四月尾的時候, 睇了同囚, 這段回憶又再被勾起,係心中放大.

出了戲院後, 心情真係好複雜, 怎麼自己說的玩笑話, 真係會有人當真拍成戲呢?

咁我呢? 之前同自己說的都是廢話嘛?

不是吧...

所以我又打返開那封給自己的信, 認真地審視多次, 這段經歷對我而言到底係乜.

最後我忍不住真的動筆了, 打了頭幾章, 然後又唔知想點, 我知, 要開post, po文啊嘛

但係, 係按發送上講故台之前, 我仲係好無信心咁問左問啲friend意見

有唔讚成的, 亦都有支持的, 但最後無論佢哋講左啲咩都好, 我都聽唔落
因為我心入面一早有了答案, 我想寫書. 只不過我害怕了而已

怕咩呢又?

我怕出左故, 啲人會歧視我呢個監躉啊...

如果有人人身攻擊, 講啲好難聽既說話, 你又頂唔頂得順啊?

個故唔受歡迎呢? 無人支持呢? 你會堅持寫曬?

寫故做乜鳩喎, 又唔一定出到書, 就算出到, 都唔會好好賺嫁啦, 啲時間用去研究寫game好過啦

之類之類...

而呢啲問題, 其實我果陣真係搵唔到答案

因為係呢個世界上, 無人會話俾你聽你所做既嘢一定會得, 一定會有所成就.

真係殘酷呢, 這種迷茫真要命...怕自己徒勞無功, 但又想自己放手一搏.

其他追夢的人, 都是如此一般承受了這份煎熬, 然後毅然上路嗎?

真勇敢啊..

不過呢.....睇返自己封信

其實......我都可以勇敢返一次, 試一次吧?

哈哈

我笑了笑, 心諗, 再咁樣落去, 實俾以前既自己笑死了

於是我按下了發送, 然後第一個post [少年監獄] 感受沙咀, 就這樣趕在我第二個生日前誕生了

因為隔天的五月四日, 係我的出冊日期.

那日開始, 我一直都覺得這個日子, 是我的重生之日,是我的第二個生日

說說故事的後續吧

出冊後自然是豐力樓的生活

住完豐力樓兩個月, 就可以返屋企住, 守多十個月監管令, 就不用再擔心自己會Recall了

過程中, 當然發生左好多嘢, 我亦慢慢開始體會, 為何子藍sir那時會話, 其實出面仲巴過沙咀

至於豐力樓的外傳, 嗯...可能真係要遲少少寫了

因為為了出文, 生活上擱置的事開始多了, 而且第二本書的改稿都差不多要開始...

所以真係得閒再寫吧, 預計11月中再開始度一度豐力樓的外傳, 不過真係唔好期待太多了, 因為外面的世界, 咪又係咁.

不過值得一提的是, 並不是每一個沙咀仔出來後, 都好似我咁, 變化咁大

有人話, 受過沙咀既人, 出返去後一係就真係改邪歸正, 一係就變得更加醒目

我是認同的, 因為改變一個人不應該靠環境的嚴峻, 而是要做到心與心的交流和互動

但這並不容易,後者更是要經過一個過程, 就係要了解自己,再對自己認真起來

那麼, 交代一下各個角色的去向吧(出去後, 我有加某幾人的Facebook)

諸仔, 五隻的他真的做了地盤,並且開始認真草錢, 想開鋪, 雖然生活辛苦, 但腳踏實地又開心

五隻二的阿大, 做緊整餅佬, 並且搵到個似乎都幾管到佢既女朋友, 生活不再那麼風流, 但係相片中睇得出, 佢過得幾幸福

阿希, 似乎都過得唔錯, 而且佢一開頭都有追故, 瞬間認出左我哈哈...

至於志豪, 監管令期間被Recall了一次, 現時似乎仍然在外打滾緊 , 武傑也一樣差不多, 雖然無Recall, 但那些圈子, 也不是那麼容易捨棄的

好不容易認返阿爸的子健, 在豐力樓期間一去不返了. 這自然要出通緝令Recall返佢, 不過未搵到佢, 發生了什麼事? 我不知呢

到圓圓了, 成為了洗衣牌板, 之後博到四隻三早走的他,在落了豐力樓的頭一個星期,因為又掂了毒品, 搞到無返到去豐力樓, 結果便是在出冊後的一個星期快速Recall 返了去, 後果自然係不敢想象, 但近排睇返佢Facebook ,似乎已經信了教, 一家人和睦的放閃照真係睇到我就黎盲, Fuck

而阿壯, 亦逃不出那些圈子的泥潭.和我相差一個number的他, 四隻三的他, 在上年又好似衰左啲咩嘢, 被判去了TC, 一坐就要坐一年半以上. 唉, 其實係豐力樓果陣同佢都幾好傾下, 彼此都有聊過自己的將來.見到佢又入返第二啲環頭, 我都有些不好過.寫了封信俾佢, 希望出返黎後既佢, 會識諗吧



至於其他人, 就唔知啦, 因為都斷曬聯絡了.


仲有邊個呢？ 啊係.

咁我呢?

呃...

目前12K的人工, 雖然夠食既, 不過戶口存款無試過多過一萬, 住緊公屋, 返工搭地鐵

仍舊係無車無樓又無錢

女朋友? 佢太識玩捉伊恩了

出冊後既兩年, 作為一個成功男人既幾樣指標, 我一樣都無

反而屋企人開始少了, 煩惱開始多了, 越來越多嘢要煩, 好多好多既責任, 要揹起.

各方面都有些壓力, 自由的世界, 確實係有些累人, 而最慘係身形又恢復返80KG, 唉, 我屌

簡直係一片慘淡啊, 哈哈

係就係幾失敗既, 不過神奇既係, 我發自內心,好滿足現在擁有的一切.

我好自豪自己識得咁樣諗, 我有好好地去珍惜自己仲有既嘢.

因為我知道,我未去到追求物質的那個階段,

我知道自己真正想要的, 是什麼.

唔知大家有無試過寫日記呢?

我細個果陣, 有試過寫過, 但因為太懶的關係, 遺忘了.

上年,我又搵返那本日記了, 睇返以前的自己, 真懷念啊..

仲發覺每一篇的自己, 總會鼓勵下一篇的自己

然後不知不覺, 我變得好像總會盼望好事一般.

是巧合嗎? 哈哈, 突然又好想, 同以前既自己講返, 這些年發生了啲咩呢...

於是我決定了, 以後每逢一些特別事, 新年同生日, 我都要再對自己說一說話, 直到填完這本薄為止.

我仲整理了一下自己想達成的事, 在日記的最尾那頁列了個人生清單

哈哈, 現在終於可以先剔走一個了.

來到現在, 出故前曾經擔心過的問題都似乎有了答案.

我不但止為了別人, 更令你地都為了別人

因為你地既留言, 支持, 都俾左力量我 . 正是你們的鼓勵, 才能讓這個故事出書

這份力量, 其實個個人都有

儲錢呀 草錢 五板

最後最後，我想講多句，不要害怕改變自己，多啲試下去相信自己.

雖然我們的確生在一個前景黯淡的香港，但這不代表我們沒有在逆風中開花的能力.


為別人, 成自己.


比未坐過監的你,這是一個來自沙咀的故事.


五個月來, 多謝你們了


多謝各位！














另外故仔就睇完喇,

反正都追左咁耐, 不如拎走啲嘢啦

呵呵