[慶祝完結]丸戶筆下聖母女主角排名

不起眼女主角培育法咁就完左咗
唔經唔覺已經睇咗5年
為咗賀賀佢決定寫個丸戶筆下聖母女主角排名
評分純粹個人意見,旨在介紹吓丸戶d作品同角色
歡迎大家講你心目中個排名
開始之前我地先為eriri默哀三分鐘

1左

megumi>>>>>>>>all

默多陣哀先

LM

默多陣哀先

英梨梨

講下我自己玩過咩先

媽媽LOVE -- 媽線
女僕咖啡巧克拉 -- 翠,香奈子,美里
女僕咖啡帕露菲 -- 全通
青空下的約定― -- 凛奈,海己,會長
世界上最NG的戀愛 -- 全通
WHITE ALBUM2 -- 全通

今次由帕露菲開始計,我本身都想寫翠同香奈子,但係已經唔記得劇情
評分分三部分:
因緣 -- 丸戶最鍾意寫"過去的女人",所以初戀,前女友,舊愛,青梅竹馬會加分
聖人 -- 丸戶式聖人,無限包容男主,就算移情別戀都唔介意,默默係背後支持男主
心戰 -- 心理質素強,唔單只可以控制男主,甚至所有人物,堅強,呢個純粹我個人興趣

某d角色會因為以上條件排得低,大家唔好介意

我排咗16個
由最後開始數,同分我鳩排

16.


風美 由飛

出處:
パルフェ 〜ショコラ second brew〜
女僕咖啡帕露菲

因緣: 7
由飛同高村仁相遇有d似惠同倫理,仁被由飛歌聲所吸引,但又未算得上一見鍾情,畢竟仁心中仲有一個boss級人物

聖人: 7
係仁需要人幫手時出現,但又稱唔上聖人級

心戰: 6
橫向比較明顯比玲愛軟弱,逃避問題,係由飛線入面會清楚睇到,我唔劇透了

平均: 6.7
作為パルフェ封面女主角,但係人氣就俾另外兩個搶哂,丸戶自己都話過佢作品封面女角人氣麻麻,希望大家鍾意佢

15.


杉浦 小春

出處:
WHITE ALBUM2

因緣: 6
係CC開始時仲係路人,同春希關係純粹係"補習學生個同學",之後先不斷介入,因緣算係WA2最低

聖人: 7
不停干涉春希,去到連春希都覺得煩(呢個勁),幫到手但係同由飛差唔多

心戰: 7
雖然唔識操縱人心,運籌帷幄,但係小春係個人路線入面就算比人恰都依然堅強應付令我印象深刻

平均: 6.7
我諗應該好多人都鍾意小春,不過比起聖母小春更加似要被保護嘅角色,身邊d同學全部都係鬼 ,得孝宏女朋友係好d

14.


陽坂 美都子

出處:
世界でいちばんNGな恋
世界上最NG的戀愛

因緣: 6
芳村理本來想同佢啊媽求婚,點知去到見唔到佢啊媽,仲住埋入人地間屋,本身美都子同男主完全無關係。

聖人: 8
租間房比理仲照顧埋佢起居飲食,有聖母風範。但係太易呷醋,做唔到默默祝福男主。

心戰: 6
中段差d鑄成大錯(玩過應該知),不過美都子得15歲,心智唔成熟都正常

平均: 6.7
美都子仲係小朋友,同聖母有好大距離,但係作為第一女主又無理由唔寫。BTW就係因為佢成日呷醋,每次男主揀咗其他女主都會變成三角戀修羅場,令到NG戀係批評空間三角戀POV入面排第三,鍾意三角戀故事可以玩吓

13.


花鳥 玲愛

出處:
パルフェ 〜ショコラ second brew〜
女僕咖啡帕露菲

因緣: 6
同由飛都係故事開始先認識仁,但係同由飛"命中注定"嘅相遇相比,佢同仁一見面就鬧交,而且係作為競爭對手出現,關係不及作為伙伴嘅由飛。連入咗玲愛線佢都仲問主角"你唔係鍾意由飛咩?"

聖人: 7
作為競爭對手不時比建議仁,頂級傲嬌。唔願意因為愛情而放棄事業,我覺得好正常 ,但係作為聖母就係要無條件愛男主,所以比7分

心戰: 6
獨立,堅強,係由飛線特別明顯。係露台扮打爛野引男主望過嚟證明佢有上級心戰能力

平均: 7.0
作為パルフェ雙巨頭,玲愛萌點係傲嬌而唔係聖母,如果係排傲嬌女角玲愛一定大炒全場,其他人加埋都唔夠佢一個高分。即使係計哂全部galgame佢都係最強傲嬌之一,鍾意傲嬌女角記得玩

無人
準備寫今日主角

等緊樓主出文，出完先訓

無人
準備寫今日主角

打得好有心機
想知自己排第幾

想知點評雪菜，通常好極端

無人
準備寫今日主角

打得好有心機
想知自己排第幾

講犧牲分分鐘係第一啦

大家睇之前請確保默哀完畢

12.


澤村・スペンサー・英梨々

出處:
冴えない彼女の育てかた
不起眼女主角培育法

因緣: 9
由小學就識倫也,唔單止係青梅竹馬,更加係倫也初戀。同作品橫向比較無人能敵,縱向同其他作品比較亦屬前矛。可惜反咗面,如果唔係真係訓係到都贏

聖人: 6
小學背叛過倫也,之後亦一直未互相原諒。雖然呢件事eriri責任較大,但係老實講都唔算咩大事,問題係佢地兩個仲係小學生,呢件事亦一直成為二人心結。因為背叛過男主所以成為唔到聖人了 (BTW 6分已經係最低,全部無低過6)

心戰: 7
老實講eriri完全唔識心戰,呢7分係比佢嘅成長同堅強。 成套作品成長得最快就係eriri, 唔單止畫工不斷進步,而且仲愈來愈堅強獨立。由細個因為想比理也睇而畫,到中學為咗賣本子而畫,到為咗留係社團而畫,到唔比倫也逼就畫唔出,到最後離開社團,以自己意志去畫。一步一步,由依賴倫也變成獨當一面嘅畫師。可惜最後輸咗

平均: 7.3
好多人用eriri同上面玲愛比,但係其實除咗外貌之外都無咩似。引學姐一句話,"eriri跟本唔係傲嬌,係少女", 唔係聖母,亦唔係傲嬌。

我係eriri黨,係到順便講下感想。本身我都唔係太鍾意erir, 同倫也一樣都憎佢背叛男主 。但係唔知點解我覺得寫得最好嘅係第3,6,9卷 (全部都係eriri主埸), 最感動都係呢幾卷,到最後睇到GS3 eriri係樹下面畫畫就完全入黨。不起眼入面eriri嘅成長故事可以話係重點之一,被培育嘅唔單止係惠,仲有eriri。

想知點評雪菜，通常好極端

武也世界第一

11.


和泉 千晶

出處:
WHITE ALBUM2

因緣: 7
春希中學同學(無見過面)+大學同學,比起小春好少少

聖人: 6
春希受傷時出現安慰佢,但完全不懷好意,點都唔會係聖母

心戰: 9
戲劇天才,可以輕易呃到任何人,觀察力強,輕易睇穿春冬雪三人關係。當春希玩具咁玩,可惜係千晶線比雪菜用演技正面打敗,橫向比只能排第二。

平均: 7.3
靠心戰拉高咗分,本質完全唔係聖母 ,係惡魔,但係最後都比春希收服咗。千晶人氣好似係WA2排第三,都有唔少人鍾意,佢聖誕節搵春希果吓真係加哂分。

前面都係熱身,頭10先係真聖母

10.


風岡 麻理

出處:
WHITE ALBUM2

因緣: 7
春希上司,應該識咗1,2年(唔係好記得),情況同千晶差唔多

聖人: 7
不斷比意見春希,就算自己未拍過拖都嘗試幫佢,佢講"戀愛嘅問題就用戀愛去解決"果下超萌,我想比高d分,可惜同作品另外兩個太強蓋過咗佢。

心戰: 8
8分唔係比麻理,係比佢個friend佐和子。係麻理線入面運籌帷幄,無佢麻理都贏唔到。

平均: 7.3
比起前面幾個終於有比較似聖母嘅角色,作為長輩同上司不斷幫助春希。但係作為次要女主發揮不足,兩個女主戲份係佢幾倍,不過麻理姐都好受姐控歡迎,CC三女我都最鍾意麻理。BTW第一次h scene之後春希以為麻理會報警拉佢,笑死我。

9.


浅倉 奈緒子

出處:
この青空に約束を―
青空下的約定

因緣: 8
係本篇發生兩年前已經識男主,二人之間仲發生咗好多事,足夠令佢有8分

聖人: 6
因為兩年前嘅事傷害咗男主,雖然有補救但係我覺得仲差咗...

心戰: 9
作為學生會會長,帶領主角們同打算清拆宿舍嘅學校對抗,已經足夠拎9分

平均: 7.7
唔劇透情況下唔知點介紹,總之兩年前單野好關鍵 。會長同詩羽好似,都係故事開始前一兩年同主角有過d經歷,導致後來二人關係停滯不前,鍾意詩羽可以玩下會長線。

全部都係g

8.


霞ヶ丘 詩羽

出處:
冴えない彼女の育てかた
不起眼女主角培育法

因緣: 7
一年前認識倫理,但係倫理無接受到學姐表白(間接),之後關係一直停滯不前。由於倫也只係當佢係尊敬的作家,比起上面會長差1分。


聖人: 8
某程度上我覺得學姐比惠仲聖人。三個女主中學姐最早退場,都已經輸咗仲要幫你執屎,幫你保住個社團。不過考慮到佢有份出走,所以排係惠後面。

心戰: 8
少有會去挑惠嘅女角色,GS3逼到惠講真心話。但係未去到可以控制故事走向,後期連倫理都唔受控了。

平均: 7.7
學姐係一個非常可惜嘅角色,佢自己係GS3都話因為倫理有心理陰影所以唔敢接受佢,所以佢輸都係非戰之罪。不過其實佢細膽都係原因之一,如果佢敢直接表白,再加上春希級煩膠功力應該有機會贏。我個人都好鍾意呢種倒貼型女主,可惜我已經有eriri了

7.


杉澤 恵麻

出處:
パルフェ 〜ショコラ second brew〜
女僕咖啡帕露菲

因緣:9
過去係仁嘅初戀,之後變咗佢家姐,之後變咗佢啊嫂,係男主最重要嘅家人,不過只係家人

聖人: 8
身為姐姐反而成日要男主照顧,但係去到關鍵時候就會變身弟控挺身而出保護男主,橫向僅次真女主

心戰: 7
笨拙但係堅強,係恵麻線敢於面對里伽子

平均: 8.0
作為パルフェFinal boss里伽子嘅對手,恵麻聖母力都唔差,但係好多時候都係恵麻依靠仁,仁依靠里伽子呢個關係,變到恵麻反而似妹