韓國《KBS演藝大賞》噚晚派發第一張成績表，有人歡喜有人愁。
金鐘國日前因為《Running Man》被炒魷風波而成為新聞人物，噚晚金鐘國亦有亮相呢個《KBS演藝大賞》，仲同好友車太鉉齊齊擔任頒獎嘉賓，不過車太鉉就唔知係整蠱好友定係真係玩踢爆，佢突然喺台上踢爆金鐘國已有名草有主，嚇得金鐘國急急否認。
事實上，已經40歲嘅金鐘國已屆適婚年齡，同佢扯上關係最多就係尹恩惠，唔少粉絲都好希望佢哋真係成為一對。而噚晚車太鉉喺台上多番追問金鐘國嘅感情狀況，由於二人已相識超過20年，所以互相知自己對方秘密亦不出奇，當時金鐘國喺台上就問到已經做咗老襯10年嘅車太鉉，自言都好想結婚，但好奇點樣結婚後仍然可以出去玩，點知車太鉉就抵死叫金鐘國可以去結婚，又話會出盡法寶令金鐘國有自由時間出去玩，令金鐘國都唔知點應對。
之後車太鉉繼續爆料：「你最近都有交往嘅人啦，你仲想要瞞到幾時？明明就好似有女朋友啦。」金鐘國即時一臉尷尬，更嚇得推了好友一下，並問：「你係唔係瘋了？」並急急澄清話：「真係冇(女友)。」不過網民對於金鐘國有女友都冇話表現好激烈，事關佢哋都覺得金鐘國都成40歲，有女友都係好正常，反而冇女友先令人覺得奇怪。
http://hk.apple.nextmedia.com/enews/realtime/20161225/56090965
可以想像到咩反應
