眼科視光師，你問我答（2）

本身諗住由個post沉，見你個情況比較嚴重，我再覆一覆

如果佢雙眼先有呢個情況，幾乎可以肯定係雙眼協調或雙眼融像問題，但要再詳細檢查究竟係sensory定motor嘅問題

好多謝你的回覆，因為我已經帶太太睇左幾次眼科醫生，都只係開維他命B同眼藥水俾佢，無其他野幫佢做，請問如果係雙眼協調或融像問題的話，我可以點樣帶佢醫番好?

我見大多數眼科醫生都只係專註白內障，青光眼等常見毛病，好少有醫雙眼協調或融像，如果去私家醫院會唔會幫到我?

因為我對呢方面唔係好了解，希望你可以指導一下，非常感激你，謝謝!

雙眼協調問題最好可以搵專做兒科嘅眼科視光師，或paediatric ophthalmologist，或orthoptist，不過orthoptist 香港應該無渠道直接搵到

應該無乜專業嘅眼科視光師會咁講
健康嘅配戴係靠定期檢查以及遵照視光師指示配戴

唔好意思，因為我無咩呢方面知識，所以想問清楚少少，請問雙眼協調同雙眼融合，係咪都係指同一種病，只係唔同學名?

另外，因為我都上網睇過資料，請問搵眼科視光師係咪都可以做到視覺訓練醫番好? 因為我見視覺矯正師，要指定政府醫院先有，如果排眼科再經轉介，可能要好長時間先見到，多謝你的詳細耐心解答

樓豬 呢科(poly視光)係咪一定要好有興趣先讀到?
無讀bio會唔會chur死?
利申 dse迷途jj

我配con嗰陣
睇氣球機竟然冇吹啲風落我眼度,
係咪即係冇度到散光?
我幾年前喺嗰度配過眼鏡,會唔會因為hea用反之前既data,定係配Con唔使點理散光...

唔係病名，係種類嚟，入面仲有好多分類同診斷，所以你上網搵會好亂

係咪用視覺訓練視乎診斷，以及眼科視光師臨床判斷

視覺矯正師係專門做雙眼協調及融像方面嘅眼科專業人士，但佢哋執業場所一定係同眼科醫生一齊合作，通常係眼科醫生轉介你先有得見。而眼科視光師嘅訓練本身都有雙眼協調同融像，而又係獨立嘅專業，所以你應該係搵專做兒科嘅眼科視光師比較容易

無讀bio唔會死，因為bio比較易上手，反而因為課程著重臨床診症，以及與之相關嘅科學，如果邏輯同物理差會比較吃力

噴風係度眼壓
我只可以講香港大部份都係求其，你有要求嘅就搵個專業啲嘅，診金分開計嘅

如果我對呢科唔抗拒 只係有少少少少興趣
你覺得我揀唔揀得過？
自問phy同邏輯都ok
唔該巴打

建議你了解咗眼科視光師係咩先，詳情你可追上個post，否則之後你會問點解要讀咁多嘢

我都有睇你上個post 所以我明會讀好多bio嘢

如果夾硬要分，讀病讀解剖學生理學算bio，光學算phy，讀con讀藥算chem。我唔覺得無讀bio會對你讀呢啲有影響，反而無讀phy chem 你就要死記會讀得辛苦

[/quote]唔係病名，係種類嚟，入面仲有好多分類同診斷，所以你上網搵會好亂

係咪用視覺訓練視乎診斷，以及眼科視光師臨床判斷

視覺矯正師係專門做雙眼協調及融像方面嘅眼科專業人士，但佢哋執業場所一定係同眼科醫生一齊合作，通常係眼科醫生轉介你先有得見。而眼科視光師嘅訓練本身都有雙眼協調同融像，而又係獨立嘅專業，所以你應該係搵專做兒科嘅眼科視光師比較容易[/quote]

請問專做兒科嘅眼科視光師,意思係咪有兒童視力檢查的中心? 另外請問流程係咪都係全面眼睛檢查,之後再叫視光師轉介就可能見視覺矯正師? 因為我太太之前4月在香港護眼(HK EYECARE)驗過眼,視光師話所有野正常,之後同佢講我太太病情,視光師表示唔係好清楚係咩原因會咁,睇眼科醫生,就只係話可能隻眼疲勞,開左眼藥水同維他命B後就不了了之

所以我都唔係好知點樣可以有眼科視光師確實我太太病因,請問有問比較好的兒科嘅眼科視光師或眼科中心可以推介? 因為我上網睇左好多護眼中心網頁,寫既野都係好基本,更加唔知邊間有視覺矯正師,所以希望你可以指點或推介一下,多謝你的耐心幫忙!

眼科視光師唔會專介去視覺矯正師，因為視光師嘅專業訓練（4-5年）係已經包含埋視覺矯正師嘅訓練（2年）。眼科醫生如有需要一般會轉介給同診所嘅視覺矯正師

多謝你的回覆，昨晚我同太太去了私家醫院睇眼科醫生，經過詳細檢查後，話我太太無斜視，應該都係眼肌疲勞引致睇野有呢個情況，之後開左1個月潤眼液俾佢，叫佢keep住用同休息多d，醫生仲話無手術或訓練可以做，只可以等佢自己好番

宜家呢個情況，請問係咪搵眼科視光師，同佢講番情況，都可以幫到手做到訓練或治療? 謝謝

如果眼科醫生檢查過無斜視，咁診斷方向就會去咗雙眼融像嗰邊。不過真係未必個個眼科視光師都會有呢類檢查做

咁請問如果係雙眼融像問題，係咪真係會好番? 另外請問有無方法可以好得快d? 謝謝

呢個只係方向，唔係正式診斷

明白，但請問係咪眼肌疲勞，都會引致雙眼融合問題? 同埋請問雙眼融合唔算好大問題，會自己好番? 唔好意思係咁問你問題，因為我無咩呢方面知識，麻煩你

融像問題係涉及腦部視覺中心

請問你意思係要睇腦神經科，或係睇番眼科視光師? 謝謝

我從來無提過你問題中嘅資訊，唔知你喺邊度萌生呢樣嘢

唔好意思，因為我心急想幫我太太解決問題，而睇左咁多醫生都無人可以幫到我地，所以比較混亂同無助，可能我誤會左你意思，咁請問我宜家可以做既，係咪搵專做兒童眼科中心約見眼科視光師，等眼科視光師確認左係雙眼融像問題，先再轉介我太太睇視覺矯正師?

另外，我上網見到有兩樣工具，一個叫聚合球(一條長繩，串住紅黃綠色三個波)，另一樣唔清楚名稱，有2張卡紙，上面有4個紅色，4個綠色圈，呢兩樣都係訓練雙眼融像功能，請問有用嗎？謝謝