個人感想係套野前後連接好薄弱, d野係佢up既感覺
(當然時間有限, 唔可能咩都講, 但要大致交代都唔會花好多時間, 問題係作者+觀眾?都覺得唔洗講)
首先遇到女主前唔值得著墨太多, 單睇設定都知會發生咩事
倒不如加多幾幕講女主打仗如何波及人類以致滅村
女主由見到男主既頑強, 到去調查人心, 到被人廢棄, 到去搵男主
呢個發展唔係理所當然, 自然會發生既事, 但中間細節完全冇交代
女主一開始就中意男主,ok冇問題
但從男女主互動, 最多見到男主唔再憎女主
但下一秒就見到求婚
如果唔係求婚而係男女殺左女主, 我反而覺得無咁奇怪
然後女主自爆曾唔覺意滅左男主村, 並覺得對唔住男主
但先前男女主互動完全睇唔出, 尤其係女主, 有在意呢件事, 以致於唔可以一齊
求婚已經莫名其妙, 拒絕理由亦都係莫名其妙
到自訂遊戲規則, 如果佢贏到, 佢係神, 佢點訂都得, 如果佢輸左, 佢訂咩都冇用
咁佢係未贏前就訂下規則, 而且得自己人要遵守係咩玩法?
仲話違背左就當輸, 咁同作繭自縛有咩分別?
然後仲要眾人同時, 無人有疑問
男女主既計謀暫且不提
女主死前既同步應該如何理解?
機凱種全體因為同步而中意左男主?因而願意為佢賣命?
如果將女主變做病毒, 然後機凱種因同步而中毒, 因而聽命於男主, 咁對我黎講會易d理解
到最後原來機凱種係世界最強(起碼有咁既潛力), 所以得機凱種得天下, 先前既計謀不過係搞笑, 到最後都係靠大力先贏 (當然要有男主智力加乘先做到)
呢度我想指既係同步=>機凱種聽命於男主, 機凱種+男主=>世界最強
呢2樣都唔係理所當然既事, 但又係無解釋過, 突然間話設定係咁就係咁
我唔期望故事發展全部都理所當然, 咩都估到晒亦唔會好睇
但亦唔會想意想不到既地方,只係, 原來設定係咁, 所以會有咁既行動/結果
咁樣變左好似睇戲學設定咁, 完全投入唔到
1. 休比冇一開始就鍾意riku
佢係見到riku即使係部落被毀滅既情況下都冇崩潰
仲可以冷靜咁選擇逃走
斷定riku唔係普通人
所以先想理解咩係「心」
休比12年黎一直觀察riku純粹係想理解心 唔係鍾意左riku(當時機凱種冇心 當然冇愛呢個概念)
2. 由休比黎左部落 到 部落被毀要轉移陣地
書入面提到係大概過左一年
雖然電影冇提 但你睇d過場都知隔左段時間啦
3. 個規則其實只係要d人唔好死咋喎
唔係落限制唔準d人做乜喎
d規則得自己人遵守就一定架啦
大戰緊 邊有敵人會理你落咩「唔俾殺人」既規則呀
4. 同步嗰度係同步左所有野
包括休比對男主既愛
所以全體機凱種都鍾意左riku
會想幫佢賣命好出奇咩
機凱種本身就唔怕死
5. 機凱種係有複製能力 所以被認為係最有潛力既對手
但係riku贏大戰唔係因為打贏左戰爭喎
邊度有靠大力
係機凱種硬食左神擊+髓爆+久遠第零加護
複製左個能量
再俾riku向星球中心發射
炸爛個星球令星杯顯現喎
機凱種除左打低阿爾特休之外根本冇打過杖(電影冇做到呢幕)
澄清一下先, 我唔係唔明因果關係
而係唔滿意佢冇啦啦有果, 然後要人腦補返個因
如果你睇過小說, 咁好易先入為主
睇過小說, 一早已經知道因, 電影直接講果你自然會覺得冇問題, 因為你已知設定係咁
1. 我講得唔好, 女主一開始係執著於男女, 但重點係男女主相愛鋪排不足
2. 上面討論過, 略
3. 我講既正是訂規則無意義, 後面女主強調自己係工具唔係人, 令男主唔放棄, 某程度反映男主對個規則係認真
4. 同步唔一定導致女主思想領導地位, 可以係隔離研究, 可以係感情無法以資料傳送等;而機凱種唔怕死呢點亦無係先前反映出黎;你既講法係你先知同步會點, 先知機凱唔怕死, 所以佢唔解都得
5.同理, 機凱設定係後期突然爆出黎, 而事實上如果機凱spec唔勁, 係冇可能做到後面既事
6.人掂唔到精靈呢個設定我唔多覺有提過
聽人講好耐都未真係睇過