係偉倫堂改變佢定佢根本一直呃我？

美斯朗尼馬迪爾 2017-10-09 02:56:13

我同佢就快一齊兩年
雖然唔算真係好耐但感情好好
我地f5開始經歷左好多事
我同佢每日一齊温書補習食飯行街
基本上做乜都會一齊
我地都好信對方錢一齊用電話都係任睇
我同佢就好似活係只有對方嘅世界
雖然我d fd成日話我魚翁但其實由始至終我眼中只有佢我唔用snapchat 唔留意ig 淨用wtsapp 而wtsapp入面就只有佢同 group
佢就係我生活嘅一切
佢對我嘅表現亦都令我完全唔需要驚會散
我地有曬人生規劃計劃過幾歲結婚生仔
佢仲話驚我地會太寵仔女
記得有一次佢想放屁叫我準備大力索我問點解你連最核突嘅一面都要比我見埋佢話我肯定你一定會要我怕咩比你睇倒我最真嗰面
當時我仲以為只要我保持專一就可以同佢一世
到dse完左我地唔洗再温書所有時間都拎尼拍拖我地每日都好開心而佢都愈尼愈肥但係我對佢嘅愛就從來冇減退反而覺得好幸福
之後我地仲一齊去日本grad trip
嗰個禮拜係我人生中最開心嘅時間
我地每日嘅生活已經好似老夫老妻咁
每晚番到民宿就沖涼食甜品攬住睇youtube 到攰就攬住訓天光
到訓醒我地又會幫對方着衫整頭然後落街買個早餐行去地鐵站完全乎合我夢想中嘅生活
我好似有d離唔開佢咁連番工都要帶一齊
有時咁啱更表篇左我地唔同更我地就會請假
Leader仲問我地日日見面悶唔悶我地仲好奇怪見得多所以悶？我地嫌見得唔夠la 最好同居
幸福嘅日子到放榜後其實都冇變
雖然我成績差入唔倒kong u 只係入倒cu 而佢作為學霸入左kong u神科
不過佢冇變佢反而話唔緊要話可以一齊reg科夾時間出街
於是到8月尾前我地都仲好好

到8月尾佢話要入偉倫住話要住夠大約10日先出得尼臨住hall佢仲拎左我件波杉話要比hall d人知佢已經有男朋友之後仲約左我8月30入長洲
佢入hall嗰陣我啱啱完細o冇耐之後仲一路發高燒到9月
佢係嗰10日入面好少覆我幾日得一次好似話係比人收左電話
直到8月30 佢話唔得閒放我飛機但我已經好擔心好掛住佢所以我發住燒都由大埔座火車去kong u再去偉倫樓下搵佢佢知道我就係佢樓下但佢都唔理我我等左好耐佢就係3樓但佢都冇落尼見我佢只係wtsapp屌我話我阻住佢開會話會比人屌叫我走我只可以好失望咁離開
我一直用唔同方法搵佢 wtsapp ig fb snapchat 直接call都試左好多次
到最後我發現佢唔止del曬ig同fb所有睇倒我同佢關係嘅po 佢仲block曬我wtsapp ig嗰d 淨低facebook
我最後只好係一個得我同佢嘅wtsapp gp講野原來block左都仲講倒但佢繼續灰tick我幾日先hea覆我一句
佢不斷話好忙要到10月先可以正常番但我就問fd睇snapchat同ig動態見佢經常都去玩有時仲會番大埔但永遠番大埔都唔會搵我
9月20係佢生日亦都係我足球院隊嘅選拔我實在冇心機去選所以我放棄左我帶左盒蛋糕又去偉倫下面坐左幾個鐘想等佢落尼慶祝我同佢講話比15分鐘我就夠但結果佢都係冇理我最後我唯有趕尾班車番大埔點知第二朝竟然比我ig見倒佢組爸媽同佢搞party玩通頂佢仲要話好touching 我上年都搞過類似party la 點解我係佢樓下等咁耐佢理都唔理我？佢係3樓開party都唔肯尼見我一面
我試過幾次去kong u等佢落堂點知佢見倒我好似見鬼咁不斷避開我唔比我掂佢好似驚比人知佢有仔咁
但另一次我係佢屋企門口等佢而佢真係番屋企我喊住問佢係咪唔要我佢又答唔係之後仲又攬又錫同平時一樣仲約我10月2出街
10月1晚我問佢tmr點佢話唔得閒出唔倒但點知10月2佢4點幾po相話啱啱起身跟住又po左相同人出街
我仲約左佢好多次但每次都比佢放飛機
佢每次番大埔都冇搵我仲呃左我好多次

佢自從入左偉倫堂成個人變曬好似比人控制左咁
佢以前尼m再痛都堅持上堂最多都係叫我買藥同水比佢
而家佢為左玩可以狂走堂
以前佢再唔得閒得半粒鐘都要約我見一見面
而家佢唔單止避我連番大埔都唔話我知
以前佢想比人知佢同我一齊好幸福
而家佢只係不斷del fb ig po扮A0 扮處

仲有好多野都變左變到好似我從來都唔識佢咁佢入偉倫前仲係好正常點解佢突然變成咁？定其實佢一直都係騎牛搵馬係呃我嘅？
點解佢可以咁狠心忘記一切仲可以扮A0 扮處？？

和樂號 2017-10-09 03:02:05

有新生活唔再需要你

共勉之

雞雞好臭 2017-10-09 03:20:37

入左大學大開眼界，知道有咁好既花花世界自然會唔想過平淡生活，放手喇樓主同自己講佢已經變咗我相信佢配唔起你，加油