唉，岩岩比女帶上天堂落地獄再上天堂落地獄
大家都a0, 我摸唔透a0女
點摸唔透
同佢識左2個月左右，但第一日見到佢已經被佢吸引
跟住攞左電話，keep住傾計，就算大家果期去左旅行都有keep住傾
咁9月開學佢有一個星期叫我唔好搵佢，話要專心學業，咁我果一個星期都keep住純文字啦，但佢都係冇乜回覆，果陣我就諗就算點忙，覆幾隻字既時間總有掛？同埋見佢果排夜晚都同佢其他朋友一齊出街玩。咁我就話不如算啦，唔想繼續煩住佢。咁佢果晚都爆發左一輪。
咁我都嘗試調整我既心情，但過幾日佢又搵返我，同埋關係反而更進一步。
之後中秋約到佢出黎，成功拖到錫到，諗住真係得左啦，過幾日佢話發展得太快，冇安全感，咁我就又退後啦
呢排每晚佢都會有啲野講，好似經常性都係啲問我點解鐘意佢，咁我都不停答佢，想比到信心佢
琴晚又傾傾下，唔知咩事佢突然將個轉左個話題，講左句勉強無幸福，之後我就崩潰左，打左篇千字文咁
訓醒冷靜返諗，可能佢琴晚只係講啲野想我哄佢再比信心佢，但我一下子就比句野觸動崩潰左，好後悔，但我諗好難返返去之前咁
明明早幾日仲講緊去我畢業禮，11月去上海會唔會掛住我，佢12月去遊學團會唔會掛住佢，暑假佢話想exchange同佢一齊傾。
只係短短幾日發生既事
似有第個目標
2個對愛情冇乜信心既人，就算一個行出第一步放開心試都帶唔到第2個出黎
最後冇同到佢一齊
唔需要好似彭于晏咁靚仔
