數一數都學左攝影半年幾
由當初影乜鳩都開最大光圈，整到成張相朦撚哂就覺得好有成功感，
到依家搞清楚光圈、快門嗰堆野，都儲左一定數量嘅相。
適逢最近賣咗部A6000同手上嘅APS-C鏡，
所以想出個Post講吓呢半年黎用A6000 同 幾支鏡頭嘅心得。
堅係新手
各位覺得影得差、色柒留低負評出返去就好 
首先我認為 A6000 係一部非常適合新手學攝影嘅相機，
大致上黎講：
優點：價錢平（機身行貨＄3080－Hkprice報價）、
對焦快、Dynamic Range 高（調色空間大）、
重量輕（會令你無乜特別事都想拎出街）、
有Wifi（個App仲要幾好用
）二手流通量高（想升級／無興趣放返出去都係蝕少少）
缺點：直出色柒、鏡頭群少、可用iso相比新出嘅APS-C機低
針對好多人都話 Sony 直出色柒呢點，我唔明點解咁強調直出。
其實依家啲人手機影相都會入app調幾下啦
以我嘅經驗黎講，影完相過落手機，
去 instagram 修下對比、光暗、飽和等等
以日常照黎講已經夠哂做
更加唔好講有好多更專業而又方便嘅手機程式。
針對鏡頭群方面黎講，我認為的確係唔夠齊，
而且部份鏡價錢真係比較貴。
但係平價、高質嘅定焦鏡亦有好幾支。
例如：Samyang 12mm f2 － 超廣角、輕身、畫質唔差、價錢平
Sigma 19mm f2.8 | A 、Sigma 30mm f1.4 | C 、Sigma 60mm f2.8 | A
三支都平、靚、正，特別係支30mm f1.4 全開光圈都Sharp到鎅手。
Sel 50mm f1.8 、Wesley 35mm f1.6（手動） 等等。
變焦鏡方面 選擇就比較少（
超廣角Sel 10－18mm f4 （中央銳利、邊位較差、略貴）
半天涯Sel 18－105mm f4 g （體積略大但唔重、畫質好、等效27－157mm超實用、價錢合量）
標準鏡Sel 16-70mm F4 ZA OSS（體積細、輕、畫質好、好貴
）天涯鏡Sel 18－200mm （缺點主要係重、體積大、畫質麻麻）
望遠就唔講了，基本上對畫質有少少要求都要上全幅鏡。
其實仲有好多鏡頭未講，例如：16mm、20mm、24mm、32mm、35mm等等。總體黎講我認為定焦鏡數量算係充足嘅，有平亦有貴。變焦鏡選擇較其他廠少。
我認為對新手黎講，優缺點大約就係咁多
