受害事主多於一人，包括、一暫托人、一家寵物酒店、數名狗義工，以及兩隻可愛既狗狗
事源2015年有隻沙皮仔受傷，隨後自稱狗義工既邱生接管狗狗並搵到暫託。到2016年8月，邱生聲稱暫託人屋企裝修，要將沙皮仔送到其他地方暫托十日，暫托人表示邱生係狗狗暫托期間已經唔理會狗狗，更發現狗狗已比佢收歸國有，自稱狗主，而且深潛一段時間未有接返狗狗。
至2017年2月，經暫托人多番追問後邱生先坦言搬左屋並且唔可以再養沙皮仔，但其餘兩狗就可以。邱生更表明會將沙皮既狗牌易手俾一間寵物酒店，同時係往後每個月8號俾500蚊暫托人作狗狗生活費。邱生係3月8號俾過一次錢之後就無再俾過，而且一直無回覆暫托人，直至6月尾狗狗轉到酒店居住，而暫托人至今未收齊欠款。換言之，5舊水就可以住你10個月，幾撚正！
事情仲未結束，係沙皮仔入住寵物酒店之前，係2016年年頭，有四個狗義工救到一隻後肢癱瘓、大小便需要人協助既唐狗女，其中一人正正就係邱俊良先生。當初四位義工都非常熱心幫助唐狗女，並承諾分擔狗狗既開支。唐狗女隨後於上述同一寵物酒店居住。其中有一個義工為狗狗墊付兩皮野醫療費，收據亦有send俾邱生，奈何邱生一直無夾返錢。
後來，邱生向唐狗女其他義工及寵物酒店聲稱有一位姓劉女士願意每月資助狗狗大部分費用。奇怪既係邱生從來無提及該女士既聯絡資料，聯絡到該位女士既只有邱生。捐款係經邱生户口再轉交寵物酒店。起初的確有錢支付住宿等費用，但後來劉小姐既捐款不了了之。寵物酒店方面認為唐狗女既基金告急，於是舉辦義賣活動，並且係社交平台上撰文表示捐款不足，希望善心人士協助。
此舉卻令到潛水已久既邱生蒲頭，邱生竟然表示劉小姐因爲撰文一事好嬲怒，並要求寵物酒店方面刪除有關貼文。咁更奇怪就係，如果劉小姐自早期捐款後就無再捐款，佢又何須要為酒店方籌款撰文一事憤慨呢？所以極懷疑有人私吞捐款，不了了之。
及後，邱俊良先生表示與劉小姐將開設狗場，同時聲稱劉小姐既朋友有意領養唐狗女，但發現所謂朋友係另一狗場經營者。
幸好，狗牌係另一位義工手上，義工深知狗狗需要大量特別照顧，同時狗場環境並唔適合只用前腳行走既唐狗女，所當然唔同意去狗場。又再過一段時間，邱生又聯絡其餘義工，話劉小姐係某地盤用十幾萬起一間冷氣房比狗狗，帶返去之後會有地盤工人幫手照顧。狗場環境唔適合，地盤環境更甚。之後6月，沙皮仔正式入住上述寵物酒店。
邱俊良先生負責沙皮仔同時，亦承諾同其他三位義工負責唐狗女既費用。當中包括千五蚊住宿費，到最後又亦無捐出，聲稱因為其他負責義工已捐款所以自己唔捐，然後繼續深潛。
沙皮仔
扮SAA義工
受害暫托人
