[懷舊撚]1人N篇你最喜愛高登潮文

早兩日重溫左一下當年啲高登用語,真係好懷念,只可惜那是我們都回不去的從前 https://lihkg.com/thread/406472/page/1

今次想問下各位連登仔對於"潮文"哩樣野有咩睇法,以前上高登好多PO都會睇到有人貼潮文留言,或者係開創新潮文,有啲好經典,有啲好好笑,但係連登完全唔係哩回事。唔知係咪之前成日有人用潮文撚班新會然,搞到依家只要有人貼潮文就一大堆負評,但我真係覺得,潮文唔單單只係高登文化,更加係香港網絡文化最重要GE部份之一,所以就想問下大家對於貼潮文哩件事有咩睇法 真心唔明點解一貼潮文就咁多負評。

同埋會係下面介紹幾篇我喜愛GE潮文,如果都鐘意的話就順手按個正皮啦

貼潮文冇問題
防礙討論,潮文死開啦

我每食完一碟火腩飯之後都會同我女朋友講分手
因為我知道, 佢已經唔再明白我

佢唔知道我o係茶記所經歷過既有幾多

佢問我食乜, 我真係唔想答佢
日本野? 秦國野? 真係敷（膚）淺
究竟我仲可以繼續忍受自己既伴侶將d生既肉放入口
每舊火腩都經過紅紅烈火，百度高溫
係經過歷煉, 係經過漫長既試鍊
每一舊都有佢既歷史，佢既故事
魚生究竟有d乜? 根本就好似d白痴港女錦（咁）, 一無所知, 戇鳩鳩, 生勾勾

我恨我既人生唔可以好似火腩錦
搵到咁多好既伴侶, 豆腐, 涼瓜, 冬瓜, 枝竹..各有特色
亦搵唔到咁多知音人,

有時侯, 我自己一個坐o係茶記食火腩飯
我覺得自己係孤獨, 我覺得呢個世界係冇人明白我
我叫左枝青島, 我望住杯入面黃色既啤酒
我望唔透, 我望唔清究竟呢個世界仲有幾多野我係掌握到
我好迷茫

我離開間茶記, 我俾錢既時侯發覺有個OL食緊枝竹火腩飯
我望住佢, 佢望住我
我地互相點點頭
我好感動, 原來呢個世界仲有人係同我有相同既諗法
我忍住淚水
走出茶記, 點起支煙,
頭都冇回就走返屋企
或者個OL會問, 點解我放棄呢一段咁難得既姻緣

我唔知道
o係呢一刻
我覺得我係一個浪子





哩篇火腩飯潮文,完美演譯男人GE浪漫,再加上有人做埋真人版,更加令哩篇潮文更加升華一個層次,亦令知名度大大提升,
https://www.youtube.com/watch?v=pVjnGTayH4A

屌你老母樓上班仆街仔自己睇完喇爽夠喇大飽眼褔喇就拍拍囉友走左去又唔撚知人地遲早會因為你地依班仆街ge討論而del張圖結果遲少少入黎ge巴打就走撚左寶睇唔撚到最撚大問題係個個睇完都認為自己無責任backup以防人地del張相好撚心你地咪撚咁自私精啦成班睇撚完就係度討論又唔撚貼返張相出黎咁得你地圍內講晒得啦屌真係好撚嬲


次次睇到哩篇仆街仔潮文都覺得好好笑,好彩自己都做過幾次仆街仔,唔洗冇得睇

佢講野好低b

大學是三年好還是四年好？敢情是四年制好。
大學不一定是學術自由的場所，還是戀愛轉型的金鐘中途站。

大學四年，本身是一個很現實的小社會。女生在第一年的上學期，通常都忙着把本來的小男友甩走──自己進了港大，他卻過不了這道門檻，要報名副學士課程或更不堪的中大；或者自己進了港大，他只去了城大，感覺上總是有點怪怪的，拖下去不如早解決。

「有沒有發覺，自從我進了大學一年級之後，我們好像有點合不來？」在翠華茶餐廳，她一面調拌着眼前的菠蘿冰，一面開始宣讀她的判詞：「I mean，其實在讀預科的時候，我們的世界好像越來越遙遠，我想，大家都到了這樣的年紀，是不是應該冷靜地Find out ，怎樣去解決這場Crisis？」

這句話，觸動了滿臉暗瘡、架着銅絲眼鏡的他敏感的少男觸覺細胞。他放下啃了一半的奶油多，用廉價紙巾抹抹嘴角的煉奶：「我知，你即是嫌棄我啫。你入了Hong Kong U，你好嘢。 我只係讀中大，我配唔起你，但我可以等吖。」

「Come on, James，可不可以成熟一點呢，」她說：「在你的眼中，我是不是一個那麼功利而現實的女孩？其實我們的Differences，在唸F6時就已經湧現了。例如，升F7那年暑假，我想去歐洲，你卻堅持要去九寨溝，我們還吵了一架，從此我一直在想，我們會不會是屬於兩個不同層次的人。」

「但是，」他意識到他可能的歸宿，但還不甘心地上訴 ：「嗰次係因為我唔夠錢，我只可以Afford報名關鍵旅行團啊。無錢係一種罪過嗎？如果係，點解你唔老實講？」

「I'm not talking about money ，你很清楚。」她把語氣抬高半個音階，這時她發覺自己有點像在立法會發言的余若薇：「還有，我不可以忍受你在選舉中投票支持長毛。我覺得他不夠理性，我不希望我的Boyfriend漸漸也迷上哲古華拉的海報和著作。我不是反民主，只是比較接受四十五條關注組。上一次在西貢的海邊，我對你說過的，只是你那時並沒有用心聽罷了……」

「我×！」他終於發脾氣了：「我知你係睇唔起我，我哋分手算了！」他拿起帳單，走到櫃枱，回過頭來恨恨地說：「恭祝你考入了Hong Kong U，祝你學業成功，搵到個醫科生做老公吧！」

他走出了翠華。她木然望着，此刻有想抽一口煙的衝動。手提電話響起，她接聽：「喂，喂呀，是你呀，我跟他把一切都講清楚了……」

那是港大法律系二年級的新男友，進了大學，總會有許多無辜的犧牲，不一定都在試場……

渣ga

中秋當晚有個fd叫我去唱通頂
最緊要係有成6,7個囡囡
咁既機會我當然唔會放過
一入到去，嘩，好多囡囡阿
全部都未見過既，
自問唱歌唔差既我
因為平時都未去過唱k
心諗今次仲唔比我威返次
我拎起手指篤落個moon到
Hi 點知冇反應既
跟住我格離個老泥妹笑住咁同我講
"喂靚仔要禁遙控架"
我真係當堂想損落老母個西窿
當從來冇出過世
真係好向左走向右走Seven
但原來呢個只係一個開始，，
等左成兩板歌
終於到我首浮誇了
就好似歌詞中既一句
"我含淚發誓各位 必須看到我"
但呢個時候 我竟然攪肚痛
可能岩岩食太多月餅
想屙蓮容屎
但如果過左呢個機會
可能要等多兩粒鐘先到我
冇理由而家走架
"有人問我 我就會講 但是無人來"
當我唱第一句既時候
格離個mk妹就大聲問
"咁你想點阿"(高八度既聲音)
格離堆mk即刻哄堂大笑
我無理到佢 我戰戰兢兢咁繼續唱落去
"像突然地""高""歌"
我突然感受到好似有野想衝出黎
無錯，係我篤蓮容屎。
所以不經意地走左音
但我仲頂到，我唔會比班mk睇死
唱到副歌時其實都痛到面都白晒
突然醒起高登巴打教落
將啲屁放出黎可以減輕括約肌既壓力
為左唔比人發現，我將雙腳分開少少
放出一個無聲屁
心裡暗中歡喜 食我啲屁啦老泥妹
可能間房大既關係 只係我身邊幾個食到
"嘩Hi Hi好向左走向右走臭阿"mk妹奪門而出
唱到第二次副歌 我終於頂唔順啦
今次係屎汁流左出黎
但屎汁冇咁大味 加上好多人食煙
暫時冇人發現
我要頂埋佢！！我唔可以衰收尾！！
"凝視我別再只看天花 我非你杯茶 咇bad也可盡情地喝吧"
全場好似安靜晒 停晒手上既野聽我唱歌
"別遺忘有人在為你聲沙 ahhhhhhh"屎好似湧泉咁噴左出黎
呢一刻 我感覺到世界如此寧靜
我既身心都得到解脫
Mk仔mk妹好似走火警咁
唔係 用走火警都唔足以形容當時情況
應該用911黎形容先恰當
最後
我要比多500蚊清潔費啲人先肯放我走
我發誓以後都唔食月餅！！！！

哩篇我睇網典都係FILTER版,但係原版佢真係用"向左走向右走Seven"哩個詞?

記得大概09-10年咁上下時間
當時波台差唔多個個nba嘅post都有人po同一篇潮文
具體內容唔太記得，不過可以肯定係抽LeBron James水
記得有一句大概係「我地已經取得xx場勝利，只要係餘下比賽保持不敗，就可以打破公牛保持嘅72勝紀錄」
有冇巴打搵到原文

my power powerful

my power powerful

< >

想當年我仲讀緊BAND 3中學

有條MK撚狗咁撚我, 話約我隻揪
佢以為自己有腹肌就好撚好打

(但其實我當時己經舉左兩三年鐵,一直有飲奶粉
不過我BULK緊, 即係夜神起義 Bane 果種大隻型
所以D肌肉線條未現到出黎)


我D 毒撚FD 嚇撚到標尿
「唔好同佢打呀, 佢有腹肌架」
「你痴左線咩, 你見唔見到佢幾咁FIT 呀」

我心諗話你怕你嬲
有腹肌唔等於有力量
我笑笑口咁答應左條MK 放學去籃球場打過

fast forward 去到決戰時間
成班同學企哂係側邊睇
佢就除左件校服
成個小丑咁係到谷佢果幾舊腹肌仔
見到成班以為佢好好打果個情景,我真係快忍不住笑






雖然最後佢打到我仆街, 牙都甩埋
但完全同腹肌冇關

留名睇潮文

lm

係我7歲果年買左一枝雪條，從此改變我既一生
當我奶到最後一啖好失落時，
枝棍竟然仲多兩條，唔洗講即刻去換黎食

我食完第二枝，吊，又中兩條；
而第三枝，又仲兩條！結果我再去換四條番黎
當我食完第五枝後，唔洗講，又中兩條，
但我已食唔落了，果次係我人生第一次食唔落雪條

我拎番第6~8枝番去比屋企人食，果然每枝再分別各中兩條
如是者我已經可以再換16條番黎，人生果然充滿希望
但當我拎番去比屋企人食完後，呢16枝又再各中兩枝，
我手上渣住16條可兌換32枝既雪條棍，我開始感到到d驚

今次我換完拎番去比同學食，中伏！！
每枝又獎多兩枝，即係64枝，
點算？我已幾乎請過晒我識既人食雪條了！
於是我請埋隔黎班食，但冇喇冇喇，再獎128枝，
7歲既我，要一次過拎128枝雪條係何其吃力

就咁樣捱左半年，
我手上仲有20736枝可換41472枝雪條既雪條棍，
我快要崩潰了！
難道我餘下既半生都只能活係雪條中嗎！？

轉眼到我24歲果年，
我已類積左3487459498594498枝一兌二既雪條棍，
為左搵地方擺雪條，
我將同女友同居新買既家私全部當晒，
再用錢去買雪櫃黎裝，
然後每個月女友一出糧就叫佢比晒錢我買雪櫃去裝，
但真係冇辦法!!
我搵錢買雪櫃既速度遠遠追唔上食雪條中雪條既速度!!!!

終於，係我26歲生日果日，女友離我而去，
佢一句話都冇同我講，
因為佢個咀已食雪條食到硬化唔講得野。
我好對佢唔住，
但人生...我又可以點？

呢年我全個家族因為不停買雪櫃而破產，
我家族本來係中古時期既貴族後裔，
d錢洗十世都用唔晒，但竟然落得如廝田地，
而且我仲有8千幾兆既雪條未換。
部分擺唔入雪櫃既雪條開始溶化，
d雪水浸到上我心口，
我好凍，凍到失去知覺...
就咁樣一訓，唔知訓左幾多年。

我醒番時掰大眼見到個呀伯，佢話有辦法幫我，
我問點樣，佢就話只要將我手上既雪條棍賣晒比佢，
佢就會開一間雪條公司賣雪條，
等人買左後再拎雪條棍黎換，

比如10個人買左10條，
走番黎獎20條，佢就前後清左30條；
果廿條再獎四十條，佢再比，又清多八十條...
如是者向全世界輻射出去，最終就會解脫到

我恍然大悟，一路多謝佢一路→即走，
走左成百米遠後我回頭問佢係咩人，
佢答我係瑞士人，叫亨利內斯特萊。

雀巢公司，就係佢成立。

少年，你太年輕了。你以為這個論壇上真的有那麼多人回覆你的帖子？其實都是我一個人回的，不然我再換個ID發同樣的話給你看。

第一次約女仔出街去邊？

第一次先唔好比到佢悶既感覺
亦唔好比人覺得你mk


所以博物館/圖書館/展覽/唱k 黎d就盡量唔好喇


除非,佢提議/提起過


咁睇戲黎樣其實又唔係咁好


因為幾捉心理


你又未清楚佢中意睇咩戲,你以為佢中意卡通片但原來唔係既,買錯就唔抵


如果跟你興趣,可能佢又唔like


尤其男仔比較中意動作/科幻/驚奇/懸疑片


未係個個女仔接受到


咁如果經濟負擔到


咪去下主題公園玩lo


不過都總有危機


第一如果去迪士尼公園


可能佢會覺得你幼稚


第二如果去海馬公園


佢又未必玩機動遊戲


無理由比幾百蚊入去睇海獅對手起到啪啪啪架麻


咁所以你都係帶佢返屋企啪啪啪喇


一黎比到佢覺得你重視佢,第一次就帶佢返屋企


二黎慳錢,比佢睇到你係一個好男人


三黎活動老少鹹宜,特別係你黎d鹹濕仔

咁多位早晨，
我今日黎，係想同你地講個故事既 :
係幾年前，我同一個寡婦結左婚，佢有一個已成年既女，後來嫁左比我老豆。

咁我繼女就做左我後媽，而我老豆就做左我女婿。
兩年後我老婆同我生左一個仔，佢係我後媽既同母異父既細路，我個仔叫我「老豆」，我就叫我個仔「舅父」。

...我繼女又為我老豆生左一個仔，佢係我細佬，但佢又要叫我外公。
我係我老婆個老公，但係我老婆係我後媽個阿媽喎，
所以我係自己既外公。

到左新年，黎料啦，
我就同我後媽同我老豆，即係同我繼女同女婿交換利是，
又同我個仔，即係我舅父交換，我封廿蚊比佢，丫佢竟然封張一百蚊比我，真係多謝舅父!

講到我細佬，我都唔知封唔封比佢好，冇理由阿哥比利是細佬架...但係心諗我又係佢外公，所以都係比左十蚊佢買野食算數。
食團年飯果陣，我係抬面上面放左一封利是，再拎返封利是上手，叫左聲 :「多謝外公!」

學歷差,想發達,有咩方法

我建議你上大陸搞生意
話說係我仲係中學雞既時侯,老母就俾車錢我啦,
咁我每日都要搭兩程$2.5既馬鐵番學放學,
唔知幾時開始,用八達通俾,每程慳成4毫子,
咁我老母唔知,就照俾我每日5蚊.
咁我以後就將車錢入晒係地下執番黎既八達通,
如是者,我每日就儲到8毫子 ,一星期就儲到4蚊,一年我就儲到大約208蚊,
係100年之後,我累積既財福就達到2萬800蚊,
咁我就用二千蚊去U2買套平平地既西裝,
再用十蚊買個水泡游過去澳門賭場賭錢,
我就用我既18,790蚊去賭錢,分別去玩大細,八家樂,
如無意外,我既錢就會滾大,
然後參加慈善啤王大賽,係咁晒冷,如無意外,5億美金一定落袋.
5億美金話多唔多,話小唔小.
所以我就開一間公司,係全球開水泡店,
係我衝出亞洲之時,正係我上市既時侯,集資,分拆上市,
到時我有既資產就唔止一百億,
之後我就叫人炸晒全球既堤霸,水庫,同埋用99億美金買二千萬個微波爐擺係南北極,
等D雪融晒,咁全球就廣泛水浸,所有人就會幫襯我間水泡公司,
而我就開始收購microsoft,google,yahoo.係佢地既search engie同OS不斷咁加入水泡,
然後我就係全球既水泡用晒amd既chipset,而intel就無晒生意,咁我就收購埋佢,然後我就以我係amd既影響力入60%股,依家公司亦都等如係我,
然後我就用晒尐錢,買晒美國既債券,美國就會感激我,俾我做聯儲局,
國際貸幣基金組織既主席.
咁我就係咁印銀紙,係咁買野,買槍,買食物,整lum全球既經濟,
然後係你就用你之前買落既槍,食物砌一支軍隊出黎,係世界不斷重整經濟既同時,運用武力去得到當時既野,係全球回復之前既經濟時.你已經係掌管全球經濟既財富之神,簡稱富神

我唔直接去答你, 用例子答
我頭先去街, 想食野 見到有兩間差唔多係連住既茶餐廳

一間夜晚呢個鐘數係主要賣潮州粉麵, 另一間係車仔麵 潮州粉麵果間係門口睇到 D 麵幾錢碗, 跟野飲/油菜又幾錢(當然係平過就咁叫) 車仔麵果間無得睇係咩價錢

因為我好耐無食過車仔麵, 所以揀左車仔麵 (但係我既習慣係, 唔列明價錢既餐館我係一律唔去, 今次係例外, 係一次好悲哀既例外 )



入到去車仔麵間野 粗幼麵果 D $9 出前一丁 $11 "食送" 貴既 $6, 平既 $5 我食開三 "食送" , 淨係碗麵已經 $28 野飲無得平, $11 凍飲

食就要埋單 $39, 仲未計我計劃叫埋油菜

我再望下佢個 "廚房" (車仔麵通常係o係出面架嘛) 一定唔算係乾淨果隻

我問佢有無平 D 既野呀咁

有, $10 腸份, $10 粉果(佢建議) $10 三隻粉果

我--->即走

跟住去左果間潮州粉麵 雙拼麵 + 油菜 + 野飲 埋單 $35



仲要食左好靚既豬手 三舊有半個拳頭咁大既豬手, (仲要我碗係雙拼麵, 有兩樣 "食送"), 三舊豬手食晒

上面講左乜野, 自己參透下啦