結他佬分享流行木結他教學 - 你問我答

自學左木結他一兩年
對chord / 樂理有一定認識
想試下作曲 可以點入手
應該定好左一段chord progression先再諗melody ??
樓主有冇心得講下

自學左木結他一兩年
對chord / 樂理有一定認識
想試下作曲 可以點入手
應該定好左一段chord progression先再諗melody ??
樓主有冇心得講下

作曲係可以好深同埋好多可能性
我唔係專門研究作曲，唔係好識所以唔敢多講
或者先學一種樂器，然後聽多啲音樂，
了解背後既創作原理應該可以幫到你
就好似要寫到好既文章，需要有閱讀既習慣咁

想問邊度可以修理個琴，
支結他個琴橋起左一半出黎

想問邊度可以修理個琴，
支結他個琴橋起左一半出黎

貴既琴可以試下拎去musiccity整
通利都可以去問下價

白紙一張練結他要點起步

其實最先要知道咩野令你想學結他，同埋你想學彈咩類型既音樂

如果係流行木結他，
之後就係技術層面既野，例如基本姿勢、按弦、勾弦、掃弦
同埋一啲基本樂理，例如音階、和弦結構等等

每日都按你能力花少少時間集中按自己程度去理解同埋練習

主要係想自彈自唱
感覺比播歌有feel D

一開始最主要係要識
1. 掃弦勾弦伴奏既姿勢，同埋點先叫掃／勾得好聽
2. 常用既掃弦勾弦既pattern，掌握左個原理之後可以自己為每首歌創造鍾意既伴奏
3. 練習點將唱既部分同用手彈結他伴奏既部分合埋，呢度講究埋將把口同雙手做協調

木結他JJ 入黎揮一揮手.

練掃chord練到好灰
明明練勾弦果啲好快就上到手
但掃chord就掃極都捉唔到個拍子

或者你先由每一下既掃弦開始觀察下有無Ｄ咩問題，再執執佢，
之後先慢慢將掃弦組合既複雜程度加上去。


你掃chord每條弦係咪都係平均既力度掃？
比較重要既係手腕擺動既角度要令到每條弦線俾既力都係平均同埋入線既角度，我拍既片都有約略解釋下。
出黎既音色應該要好平均好順，呢樣要用耳仔留心Ｄ聽。

黎緊呢個星期會再分享多少少入門教學，多謝支持

岩岩又上載左一段仔介紹掃chord patterns 既片，有興趣可以一路留意下
之後每兩三日都會上載多啲教學短片

想介紹下木結他入門，希望以歌曲作為引導去掌握以下既重點，唔駛硬生生要吞好多理論野又運用唔到出黎。

1.　基本姿勢
　　彈結他姿勢既重要地方，例如坐姿，抱琴高低，雙手姿勢等等對按弦、發音、發力、音色等都有
　　影響。
　　因為唔係講古典樂器，唔會教你一個嚴謹既姿勢要你跟足，但係都會講解下呢D姿勢要點對彈奏、
　　音色、肌肉Tension等等既影響。

2.　掃弦、勾弦技巧基礎＆進階運用
　　先學一D基礎、常用常見既結他掃chord、勾弦pattern。
　　之後會學下比較複雜既變形，仲會教下Funk、Bossa Nova 既結他伴奏技巧。
　　教呢D pattern 係希望大家可以編到自己想要既伴奏感覺出黎。

3.　拍子、音階、和弦基本知識
　　聲音既高低、時間安排係音樂既基本單位。
　　數拍子係掃chord或者勾弦伴奏首先要掌握既，呢度會講適量既節奏知識（有興趣當然會教多D）。
　　簡單音階同和弦知識，令你可以編排結他伴奏同簡單既即興結他solo。

4.　彈唱伴奏編排
　　主要都係透過我識既歌、鍾意既歌同埋你有興趣既歌黎了解點編排D歌先好聽。

5.　簡單即興結他 solo
　　大家可能希望係一首歌中間彈Dsolo 點綴下。
　　透過運用基本音階同和弦知識，同埋培養音感，等大家接觸下簡單既即興結他 solo 。

6.　音量、音色控制
　　呢樣係好多人都忽略既一環。古典、爵士，甚至流行曲既慢歌用acoustic樂器既話，都重視音量
　　同音色控制。
　　一首歌好唔好聽，表達情感既能力唔單單係彈唔彈到粒音出黎度，大細力同音色同樣重要。
　　亦會講解下木結他點樣做到音色同大細力既變化。

有無試過初學結他或者學新曲目既時候，兩隻手都會好「論盡」好繃緊？
有時彈得耐左Ｄ手指仲會好?甚至關節有Ｄ痛（手指起枕就另一回事）？
有Ｄ人甚至一直都未試過彈結他對手係唔繃緊既添。
呢個現象其實係一個信號，話俾你知你應該停一停用其他方法去彈。
好多人浪費左好多時間係呢度，搞到結他技術進展好慢。
呢個現象多數因為心急又不得其法，以為盡快跟番原速彈番成首野出黎就可以練成。
其實我地既肌肉同關節係需要時間去適應記憶每首歌甚至一小段音樂所需要既手部動作。
我地點樣先可以用最少時間黎達到最大既效果？我認為以下係一Ｄ重要既方法。

１）適度放鬆
有時我地彈一Ｄ對自己黎講有難度既歌曲，如果雙手甚至身體其他部份繃緊，其實反而阻止自己既雙手移動。
好簡單咁試下或者想像下，?實拳頭然後keep住道力上下左右移動，同你放鬆隻手上下左右移動，邊一樣會輕鬆容易？
當然彈結他禁琴格都要俾力嫁，但其實我地好多時都出左太多力去禁fret，尤其係岩岩學新野心急既時候無留意到就一味死禁。

咁點先最有效又慳力而彈到粒音出黎？試下呢個方法去感受下：
先將食指輕輕咁放上第3或4弦既第1格然後彈，宜家無俾力當然係會突突聲出悶音，
之後慢慢比力落去，右手keep住慢慢一下一下彈，當俾力俾到岩岩好出到個音而又無吱吱雜聲，
咁左手食指呢個力道就差唔多係呢個琴格最有效又慳力既力道喇。
當然，唔同位置要用既力道同手勢都唔同，呢個練習應該擴展到其他琴格。
當你無左種感覺既時候就可以再做一做呢個練習。
我以前一練新野就會用呢個方法試晒段野各個音，務求用最少既力彈到首野。練到咁上下就會習慣左種感覺。
咁先會學得快而又係彈既時候真正留意到自己彈咩，投入其中。

學野

學野

多謝支持
會繼續每日打啲出黎

新手結他有無介紹
之前洗千零蚊買左個木結放左係度無郁過比左人
想學返
但唔想洗咁多錢

4k-5k左右、買Martin 定sigma好？