廢佬講鼓經(流行鼓/爵士鼓)

講經前附上COVER同簡單既鼓教學影片
以下都係自己劣作同埋冇鼓咪收音 請巴絲多多包涵

(所有鼓經或睇法都係自己個人立場,如有錯誤歡迎巴絲提點)

https://www.youtube.com/watch?v=LNIZkuY7Edk
影片一 主要係轉鼓棍同拋鼓棍應用教學,需要有基本轉鼓棍同拋鼓棍技巧,日後我會拍更多關於轉鼓技巧,其實好多人係知點轉,但係應用唔到係drum set就唔係太好,因為我地唔係耍雜技,最好就可以應用到落鼓度



https://www.youtube.com/watch?v=PbCU51ib0Z8
影片二 基本FUNK風格教學,會以Triplet做基礎去做出比較少新手接觸既旋律

以下COVER同樣冇鼓咪收音,十分抱歉 未來必定會盡量用鼓咪錄cover

https://www.youtube.com/watch?v=wubFe37ut4I
流行歌 無盡COVER


https://www.youtube.com/watch?v=_Oi73Isy_aA
rockschool grade 8歌

鼓經目錄
1,打鼓到底是什麼(包含正確和錯誤手法解答)

2,single stroke 與 double stroke

3,slide 與 heel toe

3,Paradiddle跟即興Solo是兄弟?

4,如何做出層次感的Solo?




1,打鼓到底是什麼
其實到打鼓係咩,我自己玩左咁耐一直都諗緊我地中文話打鼓其實唔係我地想像中以打既型式擊落鼓皮,正確地講我地係用揈(fing)鼓棍去敲鼓皮.

打同fing到底有咩分別??其實唔少人包括自學既我都係一開始就理解錯打鼓,簡單D講就係用錯力或者錯既手法,錯既手法顯生好多問題,例如

1,流暢度很差,即使練習很多次
2,很難捉緊節奏
3,鼓棍最前端水滴容易爆裂
4,鼓棍表面敲擊傷痕紋路不一
5,手掌很容易因打快的歌出現傷口,包括起水泡(正確動作是不會有)
6,手臂肌肉有疲累感覺
7,速度會卡在一個TEMPO很久,速度上容易到樽頸
etc.......

要解決依個問題,首先要清楚5隻手指到底係負責咩位置,手腕如何發力,手臂如何放鬆地帶動手腕擊出不同tom位置和重音

首先係講手指,手指公同食指要負責穩定鼓棍,力度會比其他略大,但要注意食指用力位置必須拿到槓桿感覺,槓桿感覺要

與後面三隻手指弟分別係中指 無名指 尾指 做一個一開一合既動作(但唔需要太刻意).手指習慣打耐左會慢慢因自己喜好去改變,有D人會以食指做支點 有D會以中指.

手腕需要放鬆使鼓棍揮動幅度保持一致,手臂要配合手腕去做出向下放的動作,再簡單D,就係你平時毃門既動作.

總結 前端食指和手指公略捉緊,後面三隻手指hold住鼓棍,手腕同手臂放鬆地向下放鼓棍到鼓面(重點:係向下放唔係向下打)

2,single and double stroke

唔少打鼓朋友仔都清楚依兩個動作,其實依兩個動作到底係有咩分別同我地練習時候需要去注意一D咩問題?

single stroke 依個係一個好基本右左右左既練習,但要注意其實依個練習係唔需要好大聲,同埋你極需要去留意一下自己雙手

揮動鼓棍既幅度是否一樣,否則好易一邊大聲一邊細聲,依個問題就係導致唔少朋友打到中級無法輕鬆駕馭重音或dynamics,所以必須要基本野做得細膩, 後面既野就唔會咁吃力

咁到底double 同 single 分別係邊, double 係棍(放)落鼓皮時 能夠自己係手指上做出一個可以自己控制到節奏既雙擊

,需要集中係支點同手指公施力時清楚知道雙擊既速度,一般人錯打double係壓出黎,所以佢地會清楚自己其實果兩下係同拍子機唔夾,通常係偏快左,因為果兩下係壓出黎.

你必須要清楚兩下係你可以控制既節奏.同樣要動作不能太強求去追一個自己唔可能做到既速度,否則好多練習時間係浪費左

鼓經我會一直講 有鼓上面問題都可以大家交流下

留明支持

鼓撚留名

最近開始學鼓

如果我練Single stroke會大力
拉後多d手腕先夠solid

留名支持先 好詳細

巴打好似未咁快會講到踩pedal技巧
slide練極都踩唔到快

留名

留名 啱啱開始學咗三個月鼓

3, Slide 與 heel toe

Slide 我相信唔少朋友都會知道係咩, 但好

少人去深究佢點解要腳要係第一下完左再

用slide去完成第二下, 點解唔直接用兩下

heel up ?

速度就係slide技巧需要存在既價值, 無可否

認你係可以用兩下heel up去完成要求既速

度, 但係當速度愈快 我地係更需要用輕鬆

巧去完成。
 
   Slide係透過滑行(推前)去使腳做出類似Double stroke 既動作, 以下我會講講Slide 動作既型成.

當你heel up 完左第一下之後, 鼓槌一定要處於放鬆(不是緊緊貼實鼓皮面)狀態, 第二下才可以輕鬆滑行(推前).

做Slide依個動作 你必須要清楚大脾提高既同時 小腿同埋腳掌係處於放鬆. 好多技巧有一個共同既概念 就係放鬆, 我地練鼓唔係練力量 唔需要大力 我地練既係反應同速度。每個動作 你愈強求就愈做得唔好.

如何有效提升Slide速度
若果練左一段時間slide無法係100tempo 16分音符下輕鬆做出黎, 基本上係一定某地方用錯力或者錯左腳法。咁你要注意下面幾樣野

1, 大脾提起時 小腿與腳掌是否有緊張或用力情況, 大脾要記得是向下放 不是用力向下踏

2, 腳掌要用同步去控制pedal ,同步意思係你隻腳唔係用力量去控制pedal 係要配合pedal開合做相應既放鬆motion.

3, slide動作是否過大,如果你打隻歌唔需bass drum 好大聲, 其實slide 既動作係唔洗做得過份大, 輕輕向前推就得

最後,Slide 速度練法主要都係右手左手再slide 不斷重複 用16分音符 係100到150速度練習, 如果動作正確其實好容易就上到

Heel toe技巧 因為複雜我未來會用短片黎講解

例如你話100到150去練

實際你會點練

如果100成功一次 102成功一次 104 106 ...

咁練得唔得

一般黎講 我地好少以2tempo 遞增去練習,我自己會用5 到10 去遞增, 我地練既唔係成功左一次就覺得自己可以再上, 玩樂器唔同做數學題, 要係不斷loop

點樣練到冇拍子機既情況下都可以令自己唔會突拍？係咪應該一路打一路數住拍？

點樣練到冇拍子機既情況下都可以令自己唔會突拍？係咪應該一路打一路數住拍？

甩拍?其實只要你肯定自己手法冇錯, 就唔需要刻意對拍子你都會準。你手法要放鬆,做每個動作自然,手指清楚係邊個位要捉實,做好3個要求已經足夠令你拍子比之前準

大家問題我會盡量詳細答 如果答唔到我會拍片解答

留名

樓主有無話幾多tempo或者點既歌先會用double stroke

如果只學歌唔練rudiments有無問題

single同double stroke打落去有無特別分別

技巧唔會因為速度或者歌曲限制左用唔用到既問題,全部係基於你本身對double stroke 熟唔熟練,係我角度我所有情況都會single 同 double 交換黎用, 因為我既paradiddle算比較熟練。
你問依個問題其實都好多新人會唔清楚, 技巧係豐富節奏, 節奏因為你技巧變成唔同風格既旋律。

依家既教鼓班好少集中練基本野,好多主要練歌,如果對自己冇咩要求唔練都冇問題

所有技巧都可以打到節奏一樣,但睇你技巧熟練度去改變旋律既風格

on99教轉鼓棍同拋鼓棍

groove柒撚到 rock school grade8 呃細蚊仔就得
練多幾年先啦 做教畜

on99教轉鼓棍同拋鼓棍

大家交流下

groove柒撚到 rock school grade8 呃細蚊仔就得
練多幾年先啦 做教畜

請指教