阿耨多羅恆指三萬二鳩叫區

見到d人話港股2015年係大時代只能笑而不語
回想當年八一七外電傳中央開通港股直通車，港股單日轉向急回升成千點大奇蹟日，自此個幾月港股急升萬點挾到傻淡哀鴻遍野，成交每日千億起跳，香港政府增持港交所令388單日挾升成舊水
因為當時上市大型股份唔多，所以日日都雞犬昇天，不問價鳩升
去到十月底無線新聞記者訪問訪日總理溫家寶斷言無港股直通車，結果恆指三萬一千九百幾點見頂

此為表皮個浸
底下果d金融創新，美國次按風暴，聯儲局主席由格林斯潘轉伯南克，fed rate轉向，全球央行bailout買債，jpy carry trade完蛋凡此種種，令港股可以日跌千點第二日又急挾返千點，仲要中裂口果隻，未見識過就唔好吹話咩見過大時代啦 宜家港股頂都未撚破呀驚條毛咩

想請問大師兄個名點讀？

想請問大師兄個名點讀？

無上正等正覺

林瑞芬本技術分析攻略好多年黎都係香港學炒股嘅入門手飾箱

林瑞芬主持經濟日報財經版頭版都好多年了，入門睇佢嘅分析幾好

但盡信書不如無書
學左入門就要自身親歷，去感受佢每枝陰陽燭成形嘅意義。整個走勢形態，成交額嘅表象背後的故事。所謂老生常談，老生之中見不生，常談之中見不談。
加之親身經歷過，參與過完整牛熊周期，若然配合輸身家式刻骨銘心的經歷會更大機會頓悟整個股市原理
有此，就係一萬蚊做本都可以起家。
至於學生乜一萬蚊買咩好，要求只賺不蝕，就我相太嚴重了，果真唔適合炒股。想係股市賺錢前唔該真係要輸下身家先
（一係自己照下鏡睇下係咪鴻運當頭又一世夠運，又或係成功需父幹嘅就無咩所謂）能夠以老散身份係股市長炒長有，只有輸過身家，通左心理上怕輸心態先，始終買賣時執著於個人賺蝕的我相，你根本贏嘅係運氣，唔係炒股技術勝人一籌

技術分析上面，究竟幾時係常有失敗形態，做乜狗又背馳極都未轉向，明明長時間成交唔配合，消息面又唔配合，隻股死人都升，永遠創新新唔回，呢d咪正正係技佬未到家出現嘅現象

見識過好多網友，用熊3手法炒牛2，3
又用牛2，3嘅手法炒熊市
無辦法，宜係個市訓練佢出黎
正如唔識炒者，拎隻07年全球市值no.1嘅中石油係2017年炒，07年派左咁多貨，傻嘅都唔會幫你解蟹啦，睇書睇睇往事敗筆正在此
股市炒將來炒見唔到嘅野架麻，往者不可追，來者猶可待

技術分析唔係話唔好
但你要明白，當你見到股價個頂時，亦即表明現價至頂果段路有一堆傻散蟹左等走，沽壓同樣係大
咁大家就明前幾年牛市未成形前，何解炒親都係新股半新股，冇往績冇圖睇
因為樓上有蟹，不斷創新高又沽壓小
換句話說技術分析留返係股份見頂果一下先有用，咁咪仲輕鬆，叠埋心水等佢升
之但係

最撚教壞人炒股網友就係呢d情況出現，
等佢回落少少先入
唔想輸怕輸
基本面唔對路，要等齊人出哂好消息，明佢運作先入
對唔住，股票嘅利好消息係等如一個銷售黃粱夢，唔係要引人接貨派貨都唔會出
到大部份人都明咩事升，有實質理由時，唔係明朗，係大佬們炒夠要接貨對手出場時先準d消息此起彼落出場

所以你話唔明宜家個市升乜，咪啱囉，你要知道佢個勢係大漲小回咪得囉
大時代爆煲時有明顯消息同成交額架麻
擔心到時自己唔願走想舔盡水尾每一蚊好過啦
牛市最賺錢就係不斷破頂股，冇技術分析可言

不過講乜都好
你自問自己未經歷過完盡牛熊周期
都係安守本份諗住交學費好了

劉明聽書

2007-8-17 成交1159億，最多跌近千三點達六個巴仙，午後急彈，單日轉向，鎚頭收市


然後星期一開市裂口跳升



2007-8-20 星期一，大升


然後連挾六日淡倉每日都勁升
2007-8-27恆指就創左歷史新高，成交1263億













認住呢個係恆指未到終點嘅圖，記住d 數十字scale











至2007-10-31恆指到終點只一個交日之遙
整張恆指嘅scale都唔同左，如果仲拎八月底剛破頂嘅形態仲有陰陽燭嘅長度做參考，技術佬只會錯過近萬點嘅指數升幅，兩個月嘅牛三大時代，已經勁過03-07年近四年嘅慢牛升幅幅度





所以話，一係你有想像力一隻股破頂創新高不停升嘅預想圖，如果唔係你休想係牛市中賺大錢
好似出面d人咁出出入入，幾格就食嘅師奶心態，唔撚好同人講話自識炒股
如果隻股收皮，自己最多只能算係妄想，但識炒股嘅又豈能懼輸
睇舊文了解金融危機整個發展流程，以為落後不合時宜麽？觀今宜鑑古無古不成今
股市輪換嘅係股票no.但其升幅pattern同習性就無變，睇自己識唔識活學活用

比如話現時狂炒嘅3333，1918
想食大炒飯就要有現價再升double嘅妄想/想像力





當年2007年，#941級數嘅市值都可以把炮到兩月再升一個double
所以自己開張圖睇真d，拎1918張圖你都有排研究，不斷創新高，舊嘅陰陽燭scale縮細哂，資金推到技術形態唔啱用
更勿論用過左去嘅數據可以作訂價標準了



股市唔適合無膽匪類玩就係咁
當然你有膽但鳩炒又係死，冇運氣就更要死
要有
「我本無心求富貴，豈知富貴逼人來」嘅勇
放心，牛市完蛋信號好撚明顯
都係果句
怕你自己仲掛住牛3心態，熊1股份回落時入貨，最多人係咁輸多


老衲玩輪玩到天昏地暗時，牛熊都未被創造，牛熊老衲都有玩過，但真係佢本身設計係絕對令老散送錢輪商洗 牛市長揸發達，反而走去出出入入消磨心志精神，宜其貧哉乎？

2007-10-11嘅經濟日報
當年騰訊都只係話要挑戰六十蚊
而當年最唔敢造淡亦都已經係騰訊呢隻股了








當年匯豐係美國子公司嘅次按問題係三月開始便明顯出現火燒連環船姿態
至八月大奇蹟日時，因為顯然嘅全球等執手尾格局所以有該段急跌
但突然由「外電」傳出港股直通車，港股便以此為契計不停急升創新高
其中港股國際atm機嘅形象更深入大鱷印象
重點真係老散聰明仔想估頂估底不可取，年中見唔少該發達嘅人自己斷送便貨出街
熊市急跌急升要估個幅度同時間還可以
但以老衲造淡被夾爆袋嘅經驗，對不斷創新高股份估頂怕輸嘅言論真心最on9，老衲亦曾受此等柒頭網友言論之害，遂有此分享
升左太多怕回落
創新高升太多了，等回調先買
去到幾多幾多開始put買熊.....
唉
回落時人地都炒撚完嚕，你明白又計到隻股值幾多時，大戶只好說聲多謝惠顧了
傻人總係中意拎住過左氣嘅盈利數據同股價走勢，去做分析
舊野可以睇，但只能最多佔分析比重嘅一半，另一半要靠想像力
想像大就睇你自己學問同金融市場經歷了




2007-11-23 經濟日報表示學生們衝入場接火棒

謝謝你 很精彩的回顧

2007-8-17 跌千二點HSI

2007-8-20 HSI下午3點16分

相信技術分析數浪派應該成日拎2007呢個下彈走勢去證明牛3開始前，會有個4浪下跌先開波牛3
不過老衲才疏學淺，只係覺得數浪理論係馬後炮做分析最準


2007-10-31 HSI收市

2007-10-31 HSCEI收市





2007-10-31 上證綜合
上證全日成交只有1200億人民幣，而深成就更少了，只有572億

而今時今日上證2529億，深成則有3126億了



2007-10-31 DJI 6-month

2007-10-31 HSI六個月日線圖

當年就已經係美股用氣氛夾高港股，美期小升港股就大升，但一到夜晚美股就未必升起
不過其實係大約2015年開始，港股對美股的敏感性大幅降低了，坦白講，中國資金的影響力大概已在外資之上，或者講，連外資都要睇住呢班看似錢多人傻的中國人走了，大家都希望搭中國資金的順風車







不過又有樣野掉返轉，相隔十年，美股道指同納指都破哂頂，而港股卻未破頂，何解？又上證深成指數都仲係十年前嘅一半，但係成交金額卻係當年幾倍，而上證交易所的成交額係2015年就曾經去過一日成萬億成交額。
這個疑問連埋中國樓市，美國樓市爆發次按機後的崩潰，大概可以理解到中國投資文化的特色，大概就應該對謎底有一個大概的概念。將美國1971年建立的美元體系，由債券、利率、匯價、股票市場、金融創新、80年代起此起彼落的金融危機等摸熟一下，再對照一下中國自2003年起匯改至今的金融體系發展，又睇下2007年美國次按危機後，國際性的金融風暴竟然消聲匿跡。仲有美國的債務規模自2007年增速倍增，又中國的貨幣發行量近十年的增速。凡此等等，至少大家會疏理出房產物業這個工具在中國貨幣體系中的角色，然後便能更易評估到中國及香港的房價趨向，仲有近排內房股近排的價值重估就不再是驚人了。恕老衲唔寫咁清楚謎底，想知嘅請自己去了解摸清貨幣系統的運作原理
老老實實，自稱咩價值投資就真係唔好吹啦，連貨幣體系、國家經濟結構都唔清楚嘅人，以為就識幾個財經演員設計出黎嘅財經指標就叫做識價值投資，真係人唔笑狗都吠，無遠見的眼光，摸唔清楚時間發生的時機，又怕輸的人，就自欺欺人話係價值投資 宏觀經濟的分析已經係最容易得到準確數據，又有足夠大的數據去做預測，然後去賺央行的起額發行貨幣，大概有咁嘅Level先再吹自己係價值投資吧。

Lm

當年的焦點股係石油股，所以差唔多中國的油價加價同油荒都係每日的新聞財經焦點。
而另外一個焦點就係波羅的海指數，當年的航運股都係熱炒股


2007-10-31 #857六個月日線圖

2007-10-31 #941三年周線圖

中石油當年就以A股上市,全球第一大市值公司為股市劃上句號。A股價格由上市開市的高位40蚊轆落山，到宜家成日十蚊都冇，試諗下當年焦點股嘅佢蟹左幾多人，又如果唔係隨住貨幣貶值的時間推移，有冇傻鳩同你推返個價上去？拎8號仔借鑑，將核心資產掏空另起爐灶冇咁嬲，留返D蟹友們自己坐艇是常識吧

所以大家要明白，每每一個新牛市出現，近排上市的新股，係最易創新高同賺錢，當然隻股本身要足夠大size同足夠大交投量，仲有係當時的熱炒焦點。無論係技術分析層面，定用有人坐莊的角度，如果股票曾經有過歷史高位，要上升就當然有層層沽壓了，於是不斷創新高股份係最值得坐最易賺錢，而定左歷史新高後走下坡的股份就好難再短時間內翻炒了。無人中意替他人作嫁衣裳吧，是人之常情。


所以睇下當年2628國壽係極易升，但亦係咁，佢回落之時蟹嘅人就極多了，場內接貨，場外供股Accumulator等的傻鳩接貨太多了，相信散戶持股比例太多，如果炒賣目標無一百蚊以上，冇大戶想幫你咁中意向下溝嘅老散鬆蟹掛？
2007-10-31 #2628六個月日線圖

2007-10-31 #2628三年日線圖

2007-10-31 #2628三年周線圖

2007-10-31 #2628八年月線圖



如果你將老衲上面所講嘅歷史當係回顧，那少年你真係太年輕了，就係下個十年你都仲會係被股市玩，而唔係玩股票嘅人

上面嘅2628國壽3年日線圖，睇下技術分析上有幾多個與股價背馳信號，就算係股價見頂時俾你捉到個背馳又如何？技術分析入門者，最易犯嘅錯誤就係唔識變通，一旦遇上不斷創新高股，行業板塊的估值重估，就會錯失發達機會，同埋唔敢炒泡沬股。如果船頭驚鬼船尾驚賊唔敢賺泡沬股D錢，咁炒股為乜狗？為興趣幫大戶接火棒？


2007-10-31 #2899六個月日線圖

2007-10-31 #2899三年周線圖

2007-10-31 #2899八年月線圖

當年焦點股紫金礦業，佢股價炒高時，黃金價格一千美元都冇....

一句講哂,

Buy the rumor, sell the fact !

高質文章，好中，未輸過舖金就贏錢唔係好事。

樓主好有心機

2007-8-17 成交1159億，最多跌近千三點達六個巴仙，午後急彈，單日轉向，鎚頭收市


然後星期一開市裂口跳升



2007-8-20 星期一，大升


然後連挾六日淡倉每日都勁升

究竟十年之後既今日會否歷史重演呢？
重演，今日就係牛三前夕最後一震

當年好歹hsi都震左17％落黎
單日可以無6％

今浪hsi只係無左12％
單日最多4％多d

當年災得仲勁都可以拗腰

宜家要判定係股災真係為時尚早

當然牛三呢d野可有可無
從來都係double or nothing既賭博行為

情況模擬：

如果急v
大家勿淡

如果有反彈非急v，短時間內破唔到頂
咁應該收皮無牛3
只有反彈黎儲力插

希望唔好錯失牛3
大家謹慎

當年好歹hsi都震左17％落黎
單日可以無6％

今浪hsi只係無左12％
單日最多4％多d

當年災得仲勁都可以拗腰

宜家要判定係股災真係為時尚早

當然牛三呢d野可有可無
從來都係double or nothing既賭博行為

我同意 最差最壞26500左右反v 現水平都跌左4000點同07 4000點數一樣
個情況係要大約一個月多啲要急跌完再急彈 個個話熊市就唔會咁易有熊市

當年八月情況其實更差，滙豐美國蝕鑊金都煲左大半年，又適逢接二連三有基金爆煲，勁多衍生工具違約，極大嘅資金抽走壓力，短時間大規模，尚且因一個外電消息港股直通車，將跌到死狗嘅港股急v六日破頂
一切指標消息都無視哂
所以話一旦入牛三根本唔需要理由，純粹膽搏膽
只不過係提防一下唔好憑眼前事就斷定為熊市先