1/ 唔想直接俾 reach CC Fung，亦明白網絡唔係 best placeto debate，但既然點咗我名，唯有講兩句。
喺香港政治圈出身，走到嚟流散社群，深感任何行業光譜立場，女性要成為「領袖」，都要付出幾倍力氣，仲要面對針對女性嘅心理、人身攻擊。
例如—
選舉隔兩日就會喺街站俾人當面鬧我做雞上位；
應酬聚會 by default 要陪飲陪笑俾人毛手毛腳；
同官員使節會面合照就俾人屌我係白人後宮。
喺據理力爭、展現能力嘅時候，會比人問「搏乜
？」
所謂「平等競爭」，其實係要花好幾十倍功夫證明自己。
觀望全球女性參政史僅係100年多少少。
今屆英國國會下議院民選議員有4成女性已創歷史紀錄，上議院更只有3成係女性。
女性領袖嘅存在唔代表父權結構已經消失。
男性面對嘅困境唔係因為女性「奪權」，而係父權文化下亦壓迫緊一部分男性（同所有人）。
將問題過度簡化，歸咎女性獲得話語權，係邏輯錯亂、偷換概念。
Not to mention 父權社會有時甚至利用女性領袖作為維護現狀嘅 token。
2/ 只要一日世界仍然由父權結構主導，就冇可能存在所謂「男權被奪走」嘅狀況。男性、女性，甚至其他性別面對嘅壓迫雖形式唔同但卻同源，正正就係一套將性別角色刻板化、並用權力不均鞏固自身嘅系統。要解決性別問題，唔係互相指控，而係搵出點樣拆解呢套系統。
雄風—
真正有風骨嘅男性一齊合力係拆牆，而唔係一味製造敵我對立。
迴避對抗制度，只以諷刺女性搏流量，先至真係閹割。
又 not to mention 好多女性都會睇鹹網，「紳士網站」呢個詞語本身已經好 problematic but this is
another story lu~
明白坊間好多KOL 都係求流量搵餐飯食，that's
why I can never be m5~
