網上熱話　中四書簿費5300蚊天價　港媽呼肉赤　網民籲買二手書

香港書簿費成世界之最？開學將近，有母親於網上發帖透露為孩子買一套全新中四教科書課本，盛惠高達5300元，加幅遠超通脹，引起不少迴響。有網民慨嘆做人父母甚艱難，加上經濟不景下需緊縮開支，建議多買二手書慳錢。


有母親於網上發帖透露為孩子買一套全新中四教科書課本，盛惠高達5300元，引起不少迴響。(資料圖片/Threads)

近日一名自稱為單親媽媽的網民，於社交平台Threads分享於書局為新學年就讀中四的女兒添置一套全新課本，大呼「肉赤」，「盛惠5300港元，媽媽繼續努力工作，阿女繼續努力讀書呀！」



有母親於網上發帖透露為孩子買一套全新中四教科書課本，盛惠高達5300元，引起不少迴響。(Threads)

有人稱不敢再生 「睇呢個post醒一醒神」
帖文引發網民熱議，驚訝課本費用愈來愈高昂，不少家長更訴苦，「嘩已經升到去$5300，仲以為依家有ebook, 買書錢會少啲」、「我記得以前中學個陣用最新書最貴先千尾，估唔到而家的書禁貴！」、「書價好痴線」、「教科書改版屈錢」、「我仔仔啱啱中一，28本書都要4800」、「買書時，好肉赤 (燒錢嘛)，望住d書 (厚厚的，唔開胃)，學期完咗 (煩，屋企書櫃既塞爆)，掉，又嘥，但又唔會點再睇」、「今年小一買書已經$3000⋯仲要只係上學期到佢中學可能要$6000x2」，亦有人稱書簿費太貴不敢再生，「琴晚我女叫我生多個，我差啲比佢氹到，而家睇返呢個post醒一醒神。」










有母親於網上發帖透露為孩子買一套全新中四教科書課本，盛惠高達5300元，引起不少迴響。(Threads)

識讀一定係攞二手書
上堂開金手指

高中開始就唔撚買書啦，都係為考試操past paper 者

d仆街書商年年改版架

其實有幾多科真係會用到本書
睇死係阿女貪新書先叫老母買哂

讀u都唔洗買

揾師兄拎佢份祖傳note印就得

買二手算啦 反正notes最實際 考dse都唔會溫本垃圾書啦

你唔俾，咪又將個問題推俾個仔女自己受，貴都冇計架啦，香港就係咁貴

改版唔緊要，每間學校都免費派大量新書+材料，極力討好學校個科主任，羊毛出自學生身上。

咩年代. 仲用實體書..書商年年改版, 昆家長錢.

其實用ipad 電子書加AI 大模型生成筆記先係出路.

幾個家長夾份一齊買，買完影相做Ebook咪慳錢囉
書都唔駛帶返學校，帶部iPad就搞撚掂

環保膠永遠唔會搵呢d書商出氣，咁多紙年年改版明顯浪費，全世界推緊無紙化都仲咁食古不化

依家d中學電腦室取消左用磁碟 cd rom未

照買二手書啦 好多書3成價錢入手 真心唔抵買

買唔起，學校又屌你成日無帶書，根本書商同學校夾埋

細個唔識野買新書 宜家望番轉頭一定係買二手 除非改版改到完全唔同

iPad 加gpt 屌打堆實體書啦

書商根本就要淘汰
年年改版但內容又冇變

我記得有家長講過， 有啲窮撚冇錢買課本會返學校偷其他同學啲書同作業， 所以一開學就唔見書的機率特別高

ebook唔使錢咩

但係買正版電子書都要錢，例如實體書同Kindle電子版價錢基本上一樣

淘寶香港教科書似乎係一條財路

而家人人講環保二手書，亦都好合理

咪玩 9成學校高層係書商手有野收的

哂氣你不如話全班夾份買一套拎去copy