【2025 Bitcoin開盤】 究竟AI量子解密進化得快啲 定係 Bitcoin加密技術堅固啲？

啱啱用ChatGPT詳細研究完Bitcoin，個人認定Bitcoin只係被炒作嘅金融產品。

Bitcoin
優點一 ：去中心化，不受監管
優點二：加密技術堅固，暫時無法破解

我就支持量子電腦進化。
第一，Bitcoin冇受任何國家保護，任何人都可以合法攻擊、破解Bitcoin。
第二，全世界支持AI進化嘅人同資源，遠遠超過支持Bitcoin。
第三，一般Bitcoin持有人，只係間接持有Bitcoin，只要Wallet平台爆煲，普通用家可以話係Drop to zero。
第四，Bitcoin真正嘅掌控權，在於一班所謂Nodes，而任何人都可以成為Nodes，但基本上大部份人都冇咁嘅技術去成為Nodes。而Bitcoin嘅加密進化，就掌控喺呢班少數嘅Nodes手上；基本上呢班Nodes可以對Bitcoin造成極大嘅價值影響。

俾我睇到嘅係，Bitcoin話就話去中心化；但其實係一班tech人，去掌控話語權。普通人成為唔到開發者或者Nodes，而有能力嘅往往係一班權貴、政府黑客、有資源去控制Bitcoin嘅進化。到頭來Bitcoin用家或持有人都係一班韭菜，喺金融市場懶醒、炒作貨幣嘅傻仔。

一個冇任何國家承諾保護、背後冇任何實質資產抵押嘅貨幣，投資者係完全得唔到保障；都未講全世界嚟緊都玩穩定幣。Bitcoin可以繼續升，但只係爭凳仔嘅遊戲，音樂一停就知邊個輸。

AI量子解密
Bitcoin加密世一

樓主好岩
我十幾年前200蚊果陣已經叫人唔好掂依啲野

十幾年前AI量子電腦係垃圾，你鍾意叫價幾多都得。
依家AI爆炸式進化，問題就係問你，究竟Bitcoin被人解密之後仲值幾多?

Bitcoin有無護城河？仲有無人信任Bitcoin？有無人將Bitcoin成為佢生活一部份？如果無，咁Bitcoin價值在於邊到？

Bitcoin
2013年先叫有番個正常會被留意嘅成交量，𠴱陣已經係$5000蚊
2013年 每粒 $5000，2025年 每粒 $112600，升幅22倍。

NVIDIA
2013年市佔率已經超過六成。
2013年 每股 $0.3，2025年 每股 $180，升幅600倍。

點解我唔叫人投資有實業、有產業鏈、有業績、有未來計畫嘅公司。
反而叫我去信一個無受國家保護、人人都可以攻擊嘅貨幣。仲要事實上係無人用，大部分人只係拎黎炒，用得嘅人都係用黎洗黑錢嘅一個虛擬貨幣。

更正

Bitcoin
2013年，成交量正式拉高，開始被注意。
2013年 4月 每粒 $180
2013年 1月最高每粒 $1200
一年升幅 6倍
然後2015年 1月 再次跌番落 $150
要去到2017年 1月 先重回 $1000 水平
由2017年開始，先叫正式開始拉升。
2025年 每粒 $112600，

2013年至2025年 升幅93倍。

根據投資、投機嘅合理性；最應該開始投入嘅年份最早都係13年，升幅只係得93倍，大部份巨企都唔止呢個升幅，點解我要投資Bitcoin？

有量子解密就自然有抗量子加密
你擔心銀行系統好過

另外2013年1月1日 BTC 12蚊,回報一萬倍
你唔buy依樣野你咪去short佢, free money

第一，自己chatgpt先，邊個有能力做到抗量子加密，咪就係政府同權貴，因為佢地有錢有資源；邊個可以用到呢啲新update，係班nodes，唔係你同我，咁仲係咪去中心化？如果無資源，邊個keep住update抗量子加密？

第二，基本投資學，BTC 2013年2月係$20蚊，同年11月拉升到1000蚊，我係一個普通投資者，都係11月先會留意到呢隻野，先會考慮去投資，你唔好同我講乜野12蚊𠴱陣可以有意識走去買，呢個升幅唔係正常人可以做到。

個難度等於連中十次頭彩

bitcoin破解到嘅話，即係銀行系統都破解到，即係全世界都冚球剷，此post已完

幫你問左

2013年全年365日入面得一個禮拜左右1000蚊以上, 其餘9成時間200蚊樓下, 你鍾意點計就點計啦

破解銀行係犯法，破解bitcoin係合法

投資者必用Trading view
普通投資者，要入一隻資產點都會係睇Volume先，睇隻資產價值識唔識郁，一路打橫行無成交，邊個會買佢？

正常人都會係11月見到成交開始升，先至會留意呢隻野，先會買佢，何況bitcoin係無實質價值，背後無資本抵押，根本無得同公司股票比。

你班炒家一直強調升左幾多倍，係無意思。投資、even投機，都唔係咁樣睇野。

所以我先問，買bitcoin究竟係買緊乜野？ bitcoin可以合法被攻擊，不受保護，被人破解之後係drop to zero，呢個風險我連1％都唔會想放入去。

炒野，可以；但氹人落疊，恰啲新手唔識，說人賭身家，係好仆街。

2013年1月頭開始3個月內升20倍到260蚊再一野趺到50蚊都叫橫盤?
咁美股所有股票都橫盤啦
你問你既Chatgpt點解我應該買Bitcoin 都大把point比你啦
2025年啦Bitcoin都做緊美國政府既戰略儲備
你一定醒過美國政府

成交量都唔識睇，勸你早點歸去

佢只係概念，而家仲要有交易所綁定，破解左都冇用。

原因一： 佢既建立係大家都睇到大家既bitcoin流動
原因二： 大把人系交易所買虛擬bitcoin，姐係本身唔係owner。姐係買概念。
原因三： 你而家係用bitcoin，遲d都可以量子加密，量子bitcoin

量子應該冇咁快去到實用掛而家好似AI果啲模型市面上都唔見有或廣泛試用，有排都未去到實用

上面答哂，你可以爬下文

所以呢個係一個爭凳仔嘅遊戲，大家都係賭緊音樂幾時停；
而一班炒家就一直都好想多啲人入黎玩，飲頭啖湯

咩野係ai量子加密？2樣野黎

呢樣我就真係唔識，唯有交比gpt答你

其實係呢一刻
Quantum Computing 比Bitcoin更加scam

第一段已經答咗了，update係開發者update，決定使用呢個update，係Nodes嘅決定，所謂去中心化都係假嘅，Bitcoin嘅進化掌控權，一直存在着呢班人手上。

依家就係問你，邊個會有更多嘅資源同技術，嚟到去成為開發者或者nodes？咪就係班權貴同埋政府黑客。咁仲係咪去中心化？

大部份Bitcoin間接持有人，都係韭菜。因為佢哋都冇技術成為開發者同Nodes。

其實你成段嘢嘅前設都係盲信法定貨幣
同相信加密貨幣嘅人本質上冇分別
而你認定法定貨幣先係貨幣，加密貨幣始終係産品
其實咁樣已經冇討論空間

加密貨幣最終想做到嘅就係模糊貨幣同産品之間嘅界線
所有人都可以用任何自己相信嘅“貨幣”去進行任何交易
而唔會被中心化單位，即係國家/銀行，擁有最終控制權
就算你話將來加密貨幣會受少部份持有高技術嘅人掌控
大部份普通人可能會受佢哋影響都好
但係嗰少部份人喺技術上始終都係去中心化
佢哋要操盤嘅話就只可以喺現實世界合作，變返中心化
但係呢個可能性點睇都比被國家/銀行操控低
而量子解密技術提升嘅同時，加密技術都會一樣提升
量子電腦普及之後，呢班少部份人嘅佔比重亦會慢慢降低

而你話法定貨幣有國家承諾同有實質資産抵押
其實咁都唔代表啲乜，國家一樣可以爆煲收皮
黃金都可以貶值甚至drop to zero
冇人可以保證呢啲所謂資産究竟“值幾錢”
你一直相信嘅所謂法定貨幣同樣有權一夜之間變廢紙
只不過係呢一套玩咗咁耐，而你又身處相對安全嘅國家
你先相信佢嘅穩定性，其實講到尾大家都只係講個信字

我相信當年由石頭變貝殻，由貝殻變錢幣，由錢幣變銀行
每個轉變過程都有人講過類似你呢番說話