超過廿年嘅網頁遊戲 - 推薦現存唯一回合制三國網頁遊戲：WeWa三國志

https://wewasangoku.com/
WeWa三國志

呢個三國網頁遊戲存在已經有超過20年歷史，如果有玩開唔同三國網頁遊戲嘅玩家，廿年前應該唔會感到陌生
但而家呢個應該係碩果僅存，唯一一個以三國為主題嘅回合制網頁遊戲

不得不提醒大家，呢個係純文字戰爭遊戲，但戰爭系統包含極多計算、心理戰及配點技巧
遊戲以現實時間，每20分鐘為一個回合，遊戲內所有玩家都係真人，由創國自主或者加入人地國家都可以，自由度大，互相打拼
遊戲過程亦充滿不同嘅策略及外交，大約一個月左右會重置一回，每一回都係嶄新開始
重置後即是新嘅一回，唔會繼承上回任何角色或者任何能力，所以大家都係公平嘅

遊戲策略性高、互動性大，可肝可農，適合由預排每日上線一次
到每2分鐘想睇一次嘅玩家參與

遊戲首次遊玩的話，需要係巴哈姆特討論區入面註冊及認證自己嘅電郵一次
但一次性註冊之後，以後遊玩都毋須再經此步驟次註冊，可以直接以第一次已註冊嘅電郵創新角色
初次體驗所帶黎嘅麻煩請多多包涵，遊戲亦都嚴禁多重帳號（即一人僅限創一角色參與遊戲）

遊戲目前遊玩玩家大約50-60人，而玩家人數上限係120人，主要以香港人及台灣人為主
完全免費嘅佛心遊戲，管理員仲會每回作出小更新，增添變數及樂趣(?
非常建議無玩過嘅一齊黎體驗下
不過如果新手需要完全上手的話，建議都係需要花啲時間慢慢熟習

2025年7月至8月嘅回合已經統一，目前遊戲將於本星期四（28/8/2025）再次開催
屆時將重置所有人物角色及地圖，歡迎所有人預先係遊戲內註冊，經巴哈認證步驟一次後，日後毋須再次認證~誠邀大家一起來玩！

註冊連結如下：
https://wewasangoku.com/php/sangoku3/entry.php

另附上遊戲說明書，如有不明白可先查找說明書，但更歡迎在此留言查詢，我會盡量解答
https://wewasangoku.com/php/sangoku3/image/script/manual/manual.htm

期待於遊戲中同大家見面！

原來而家重有以前有玩過一隻叫孤寂三國

終於有返！！
推

孤寂好耐之前已經關左服了
應該話，過去百花齊放、百家爭鳴嘅時代真係好多類似嘅三國Game
但如果而家黎講，真係得返呢隻叫做仲Run緊了
同埋呢類Game又真係完全免費，基本上真係靠管理員自發維持
真係且行且珍惜

不過好似改咗好多野

係，多左玩法，但好玩左
我都玩過好多呢類遊戲，而呢隻都算係數一數二好玩
但如果新接觸的話，要完全熟悉遊戲機制係有難度
所以有老手帶住就會好啲，有咩都可以問

以前有個網站 將ebs無盡的戰鬥改做戰國版
咩咩四國都好有特色

仲等緊開ac

我以前都有玩過
個陣仲要計住時間城兵上牆擋野戰
然後馬上要有隊友野戰兵cover 返去迫走攻城兵

武力高可以大將單挑挑走對面一半兵，智力高可以偷襲對面一半兵又試過用連弩不停執雞尾刀屈到250訓練

好懷念，記得果時玩到偷襲一下0損秒人，之後就set番上限仲有派人去做spy

得管理員一個處理，同埋星期四先重開，仲有時間的

陰完人仲可以坐軍訓車落城走佬，過一兩個鐘返尼再打過

軍訓車炒米用多

有無得唔搞巴哈account 呀

得120個位 ？

我都想知

但我都整左，而家等緊game ac

因為管理員係台灣人，所以只能以巴哈做認證
上限雖然只有120人，但而家只係得60人左右，所以有排都未滿

管理員可能會係巴哈入面問返啲資料
但如果無問直接批，咁你唔會收到任何通知
記得去試吓自己個電郵係咪已經可以登錄到

推一推

成功開acc

懷念以前啲Facebook game

有冇巴打開國

一開始如果第一次接觸，都真係可能需要1-2回時間黎熟悉，開國同唔開國體驗都可能好唔同
BTW隻Game今晚8點先正式開始，啲人鍾意臨近今晚8點先慢慢創帳，原因係因為越遲今帳係戰場嘅行動順位就越高

好似已經開咗？

我入咗去了，但完全唔識玩
同我以前玩好唔同