巴士收款機故障車長表示「唔使畀」 全車乘客行為 盡顯港人高質 目擊者驚讚：冇一個人走數！

有網民搭巴士罕有遇到兩部收款機同時故障，車長雖向上車乘客表示「唔使畀」，但全車乘客最終卻無一人走數，目擊網民驚讚港人高質：「香港人嘅高質有時係喺小事到反映出嚟！」

以下為事件經過：

巴士收款機故障車長表示「唔使畀」 全車乘客1行為盡顯港人高質 目擊者驚讚：冇一個人走數↓↓↓↓

有網民在社交平台發帖表示，返工搭巴士時，「一上車司機就話：『八達通機壞咗，隔離部機 (即係比credit card / xx pay嗰部) 都壞埋』」。巴士上兩部電子支付的收款機同時故障，情況罕見，這時巴士車長向上車乘客表示：「大家上車得喇！唔洗畀！」

樓主表示，當時現場乘客未有因此佔便宜，反而「好多人問司機：『如果畀現金一程幾錢啊？』」，乘客均自律以現金付款，至於現金不足的乘客竟亦有其他人幫手代付：「最後出現嘅畫面係：有現金嘅畀現金；冇現金嘅前前後後乘客話幫手畀住先，聽日等車見到先畀返佢。」

「冇！一！個！乘！客！有！走！數！」

至於身上沒有足夠零錢的乘客，「有啲冇散紙嘅，前前後後嘅乘客話可以幫手唱，又或者係：「我加埋你 / 我加你加埋佢夠畀，你入錢，我地畀返錢你。」樓主驚訝地發現，最後「冇！一！個！乘！客！有！走！數！」，雖然因此巴士須因乘客掏現金要稍為等候才開車，但樓主說：「雖然因為等大家畀錢......嘅時間耐咗，但我願意為呢件高質事件而等待。」

樓主在回應網民時強調，乘客付款為自發行為：「其實司機一上車已經講咗唔使畀，係乘客自發畀㗎，司機冇要求過要乘客畀錢。」

新聞：星島

香港人

如果係九巴壞
有九巴月票唔通又要俾返？

壞咗機就唔需要記錄車程啦

咪撚作嘢啦
我就唔信個個咁好死
連路線都講唔出，真極都有限

我都遇過兩次，結果係無一個人會俾

佢講到啲乘客會幫人俾埋第日收返啲錢我就唔係好信
同埋依家有咩人身上會帶咁多銀仔？

三唔識七，有邊個真係會幫人俾埋，見到面再俾返錢佢

係唔係呀 真唔真呀

我今日搭巴士又係壞
司機話唔駛比

上車慢少少都想屌人老母，仲想一個個搵神沙入錢，作故都作好d

19年之前都信 19年之後難講

我之前讀書試過唔記得入八達通,個身又得返100蚊紙,個司機叫我下次搭個時比返就得,我第日真係有比多份

奴性好重

.. 感覺上香港人好少會咁樣做，冇現金我幫你哋俾埋，第日見到面再俾返我啦，得閒飲茶咁呀

係好假

以前香港就會既！

既然師傅都講唔使俾，咁就真係唔好俾，費事大家難做

海怡半島？

問題係，好少人身上無端端裝咁多銀仔，除非係啲師奶有個銀包仔裝住嗰啲，比着我如果司機叫我唔好俾我就唔俾㗎啦

我試過搭$5嗰啲，身上得$20 ，企喺收銀嗰個位嗰度同人唱錢

threads係咁

假撚到仆街
無可能會比

灣仔錢車跌左錢落地, 犯法既野都人人去囉
唔犯法既野你同我講反而無人囉著數?
當我第一日住香港呀?