247 FITNESS高性價比成健身業龍頭 黃靜怡：做好品牌衝出香港拓海外

港人愈來愈重視健康，帶動健身中心需求上升。24/7 FITNESS本港分店多達136間，集團行政總裁黃靜怡稱，成為行業龍頭，會不斷提升分店質素，讓會員享更高性價比。放眼海外擴充，寄望把香港品牌走出去。

24/7 FITNESS於2018年創立，7年分店數字擴至約136間，同一區更出現多間分店，如荃灣第6分店快將開幕，數字之高如便利店「梗有一間喺左近」。業務上，該集團2024年至2025年營業額，升幅達25%，而會員人數更上升35%，達約20萬人。

近年多個行業經營艱難，該品牌卻可以不停擴充開新店。黃靜怡指，運動愈來愈受重視，認為就算消費降級，人的健康是最重要，寧願減少奢侈消費，樸實需求是不變，再加上工作生活平衡（Work-Life Balance）概念，24小時健身中心，正滿足隨時隨地有健身需求。

24小時健身室興起，亦有其他營運商加入戰場。保持龍頭地位，她指成功之道，便是要讓顧客享受最高性價比，「傳統健身室運作，是當你買完會籍後，投放資源就愈來愈少，而我們按月收費，更加要持續保持高質。」集團現時每月收費550元，亦堅決不會作任何硬銷課程，令會員安心。

如何做到質素佳，有見旗下不少舊分店開始出現逼人情況，便會翻新甚至擴充；而軟件方面，她指分店使用「健身界法拉利」器材，來自意大利的Panatta，「我們每間分店投資額從以往約7位數，現已提高至個別逾千萬。」

黃靜怡提到，很多加盟商營運者，本身是健身教練，為保分店質素，亦會嚴格挑選營運商，「要有技能幫助品牌，除了健身技術外，亦有些人具備敏銳市場觸覺，可協助品牌做得更好。

她分析，內地高端消費人口要有地方做健身，而內地健身室品牌仍有硬銷情況，故可以把24/7打進內地。此外，去年亦於新加坡收購一個健身中心品牌，即使分店數字不算多，已屬當地第二大。她透露，現正審視日本、南韓以及歐洲市場，希望把品牌一路走出去。

香港打出名堂更拓展海外市場，黃靜怡希望，可為港人爭一口氣，「疫情以來很多壞消息，例如出現商戶結業潮，一片愁雲慘霧。既然我們陪住港人捱過疫情，做出成績，繼而進攻其他市場，讓其他人可認識香港品牌。」

200000 x 550

Anytime好定247好？

Anytime全球通行 去旅行外國都用到

唔知佢同啲加盟店點拆數
除左第一個月話一定要係簽約果間做之外
之後個個都係all centre

以為佢去左做全職youtuber 咁睇唔開

內地高端消費人口要有地方做健身，而內地健身室品牌仍有硬銷情況，故可以把24/7打進內地

高端人口去247
香港呢度低端人口先去

1億1個月

而家有efx 收容最低端個堆勁多白卡入邊

除開100間一個月1球，除開1日3皮生意，其實同餐飲又差唔多

我好早join
月費仲係四百幾

但247基本上除左有個姐姐間唔中清潔一下, 跟住有一兩條友坐房就唔洗點擺人

可能係睇平均人流? 佢地入門口要識別人樣

仲有PT 收入抵銷營運成本

係喎, 仲有啲教練, 見佢地上一堂又唔少錢

247好似開始有海外，唔記得係新加坡已經有

其實佢地係點賺錢？

下一步，上市

特許經營，下面嗰啲賺唔賺都好佢點都有賺

連埋一早join嗰班 當400蚊一個月 一個月二十萬人都8000萬 cash flow

係喎，同埋見到佢哋班PT 都keep住有學生上堂，果度條數都唔小

台灣已經有

舊時要
你啲細路仔依家join個時係後期嚟 所以唔知

個名點解同美國嗰間咁似嘅?

anytime要比多5舊水買鎖匙