住咗係天璽80樓一排有感

​你每日起身，第一樣見到嘅就係成個香港島嘅天際線。你睇住啲船仔好似玩具咁喺個海度行。你睇住下面啲人好似螞蟻返工放工

​有一種…上帝視角好離地，好唔真實。你會覺得下面所有嘅掙扎都同你冇關。​但呢個就係問題所在。，你住得越高就越聽唔到地面嘅聲。你聞唔到街邊啲牛雜味，你聽唔到啲阿叔屌鬼，你感覺唔到個城市嘅心跳
​間屋好大，但好多時都係得返你自己嘅回音。好撚靜，靜到你驚

​個感覺就好似你用自由，換咗一張全世界最靚嘅明信片。你可以日日J住張明信片，但你個人其實坐緊監

唔洗落樓下附近成人精神科覆診 ？ 🤔

有人會問我有無虛榮感，咁一定有嘅

​當你啲中學同學，仲喺度呻緊份工幾錢一個月，而你望住自己個窗個景就係佢哋成世都未必買得起嘅嘢，你會唔會爽？會

​當你帶條女返屋企，佢一入屋講嗰句「嘩…」，你會唔會暗爽？會

​當你同個客講你住邊，佢個態度即刻唔同曬，你會唔會覺得自己好撚勁？會

​但係呢個 high好快就過，​個 high 過咗之後淨返啲乜？都係得返你自己同埋四面牆。間屋唔會因為你威完而變得冇咁空虛。個景唔會因為條女讚完而變得有溫度

推

發完夢，訓醒聽日準時返工

失業就嚟一個月都未搵到工，好驚。。。
https://lih.kg/3982525
- 分享自 LIHKG 討論區

？

條友住青山80號病床

我住安達臣公屋同你一樣view

其實住呢啲豪宅真係好離地， 唔單止係物理上離地。你落親樓都要經過一個金碧輝煌，但冷冰冰嘅大堂。你見到嘅鄰居唔係明星就係富豪，個個都當你透明。

你感覺唔到任何社區嘅溫度。我想落街食串魚蛋，飲杯涼茶？冇。最近嘅社區係Elements商場。入面全部都係名店同埋啲呃錢嘅餐廳。有時我想感受下啲人間煙火都要搭程車出去

車，咪一樣要見客搵生意，仲以為 chill 到可以唔使做

唔使做係好悶，我識好多有錢仔其實都過得唔開心，就係因為太有錢所以人生無晒意義

真係可憐 連燒賣都食唔到

俾成個地球你管
你都覺得坐緊監

係抵比人笑嘅

80樓會聽唔到樓下你肯定？

其實真係唔會聽到

如果有得住公屋應該要好好感受下。你喺嗰度先會感覺到咩叫生活。你樓下一定有間茶餐廳，啲伙記會記得你飲開凍檸茶少甜。你隔離屋會有個阿婆喺度煲湯陣味會飄入你間屋。走廊度會有啲細路仔喺度追逐會有啲師奶喺度打麻雀。好撚嘈，好撚煩，但呢啲就係人間煙火你喺天璽，永遠都唔會有

On9外賣app搞掂啦仲出街

太遠唔送

可唔可以借宿住一晚

得，用W hotel價錢計返類似套房嘅房錢比我就ok

香港公立醫院住一晚要咁貴咩, 尤其青山

九龍站天璽，唔係青山公路呀屌你

真 山卡拉都可以有靚景
所以location先值錢