［年經］匯入線請教

成日匯入正線比人呠，想問下係咪就算拉龍寧願停定好d?

好似呢個情況， 好多時正線佢會話我定速，你硬cut係你問題，我自己揸一般見到匯合線會收慢， 睇定d，我知人人做法唔同，但係咪每次見到正線係咁寧願停定睇定再出？
https://m.youtube.com/watch?v=poBsufWvcKk

好難用文字講咖喎
好講你自己對速度既判斷
通常想cut出去果下側鏡見到曬隔離成架車再加前面有一個車位而佢又冇特別加速既
望埋盲區冇車埋黎我就會篤油出
但其實都冇話一條公式
真係好睇路面判斷
經驗問題
不過冇機會你又冇信心咪停定由後面慢慢呠 當佢BGM就得 安全返到屋企先係冠軍 寧願樣衰D都唔好撞

我比正線呠到有陰影，我諗我寧願停定算

你揸左幾耐啊
揸多D就識得判斷出既時機
如果正線呠你既多數都係你cut個時機尷尬
一係就佢收慢時你又收慢
一係就佢篤油想過你時你又出
所以要望多陣睇下佢篤油定收油

一定係拉龍寧願停定
咪由後面呠
一陣撞左後面責任只係負責笑鳩你

就住你post出黎呢條片講多少少
正常黎講正線車唔算係篤油出
但匯入線cut出黎果架車速好明顯就係慢過正線
如果佢正常望鏡應該會見到正線架車距離愈黎愈近
咁呢D情況咪再收慢D等佢過左先篤油出
但如果望左一兩秒都冇好明顯距離愈黎愈近 你咪篤油出
記住所有cut線既動作都要乾淨俐落就得

好，我諗我再穩陣d好，我唔係好夠果斷

代表你入線速度太慢，唔夠果斷比油
如果唔熟路，又尷尬距離，就寧願收慢等位，入線速度快過正線就無事

我甩左P之後揸左半年，經驗唔夠
次次都係我覺得佢會讓，我大腳少少，點知佢又一樣加油搞到比人呠

試下到位前 留距離比自己加速

唔熟路嘅就收慢等機會啦
後面有車咪一齊等一陣，正常都唔會呠你嘅

最煩係正線有架差唔多車速嘅車
你收油佢又想讓你，你見佢讓想出嗰下佢又以為你唔出所以篤油

「我覺得佢會讓」呢種心態唔啱
我自己到匯入線一定當個個正線都唔會讓

如果匯入位好短
我就打燈收慢
睇定正線冇哂快車先俾油出
如果匯入位好長
我都會提早打燈
加速到正線速度+/-5去決定入唔入線

無論咩情況
入咗線就算唔阻到後車點都閃兩吓死火燈


利伸：每日行一次獅隧經體藝落御龍山去吐露港
落橋前如果左線順暢啲我會寧願早啲過左線
不過左線都有禾輋上嚟嗰啲車
嗰啲就點都要停哂先出得
因為根本唔會夠橋上面啲車快

見有車咪收慢比佢過
慢佢一個車位同佢差唔多速度
瞄撚住佢羅柚插入正線
條匯入線就係比你同隔離車配速用架嘛

慢到咁都cut入去
真係好撚想派錢

片主咪典型正線閪
匯合線係加速行車線 正常係匯合線俾油正線收油
但偏偏香港法例就保障正線優先權 造就呢啲正線閪閘到人地要停喺條匯合線到出唔到

我自己係正線都係會提早收慢，比一兩架出左先，但我都明控制唔到人地，人地係正線，就算撞到都當我錯，我寧願停定算

就條片黎講。正常做法係紅的果個位已經要開始望定正線有冇車多唔多，同埋有幾近。係紅的果個位望到片主條仆街仔就要收慢小小跟佢尾出。如果好似去到黑車果個位想出仲要咁慢車速真係得塞車先出到