threads有行家表示港產片北上越嚟越難

https://www.threads.com/@scotlwt_/post/DNpga5cRwnG?fbclid=IwY2xjawMVI5FleHRuA2FlbQIxMABicmlkETE3SGp4cHd1aEZ1ajFjbnVlAR4IdWhHR0j-SJymtXFbV-DYRrkCLddJApTMfzfcJ5rXyY_Ket1e_r30WyDbxw_aem_1pV03d555SrGWUz6oY4EBA

電影呢行做咗十幾年，見識過港產片盛世﹑見過低潮。以前香港電影仲可以北上，喺內地宣傳巡迴，會有一席位。但而家越嚟越難，最大問題係，有時本地故事真係「太本地」

例如《無名指》，入面有大量公屋shot﹑劏房格局﹑運動場﹑同埋照顧特殊病患家庭嘅場景，呢啲係我哋日常，但擺到國內市場，佢哋就會覺得陌生，連排片都未必肯畀多幾場你

另外，宣傳又係另一個「kick」位。內地推電影，演員要全平台宣傳，要唱歌﹑跳舞﹑短劇，而佢哋所謂「新玩法」，好多時又係一啲網紅「自娛」產物。但你叫郭富城去做呢啲？咁宣傳法真係對一套咁沉重﹑咁講求真實感嘅戲有幾大幫助？結果係，電影本質同宣傳要求，兩邊完全mismatch

做港產片最辛酸莫過於，幾細嘅一套電影，背後其實有成百幾個人日以繼夜奮鬥，但始終都受制於市場遊戲規則

《無名指》由Day 1就係想講一個屬於香港嘅故事。呢套戲拍緊嘅係我哋城市真實面貌。未必光鮮，甚至有啲殘酷，但真係你同我，或者身邊一啲朋友嘅生活

正因為咁，亦會更加希望香港觀眾仲會走入戲院，當然我哋亦唔會天真到要大家無條件中意套戲，但亦真心希望會有多啲人肯坐低，睇吓一個屬於香港人，困局下嘅故事

又係鏗鏘集電影版？

鏗鏘集搵鬼睇咩

大部分觀眾都唔係想睇人賣慘，尤其係一個陌生地方嘅人，更加冇代入感
啲中国老鐵更加睇唔明

難咪唔好做，咁多野呻

港產片pattern

合拍求賣大陸
賣到大陸就題材有限制
又要配合低智宣傳
香港市場又唔夠力
又話冇戲開
情勒香港人入場

人哋係要睇中華民族偉大復興
你買慘做乜嘢啫？

港產片 點解唔肯承認自己拍垃圾??
自己拍既電影無人睇, 就屌香港人/大陸人唔識欣賞

就好似香港商家無人幫襯, 第一時間唔係檢討自己做得差, 而係屌客人唔識欣賞自己

珍，唔歌頌共狗玩民族主義真係搵唔到食

有審查講條毛咩

以前無審查, 都唔見得港產片 出咩神作
自己廢就廢啦
又搵借口

成鳩日拍埋d 慘情故事
根本冇人想睇
普通人日常生活已經好撚悲情
要人比錢入場睇返日常生活
平時睇唔夠咩

電影其實有得搞
睇下鬼滅個票房
而家係香港電影搞唔惦
係因為無競爭力
唔好賣慘要求香港人睇
搞好自己既出品
自然賺到錢

關鬼事咩
而家香港得一味手法 就係賣低成本港情
又冇好劇本 又冇成本
香港人都已經厭晒 大陸人仲點會棍睇

鏗鏘集電影連香港人都唔想睇啦

香港嘅草根=大陸中產以上
大陸人會覺得你香港人扮慘=show off

講左十幾年咪撚剩係做大陸氣，合拍片
佢同上面一樣洗撚睇你咩？最緊要做大個餅
個個都搵快錢，咁香港咪冇人拍，冇資金拍囉
電影業自己申請。香港政府就則邊幫手申請

呢個留言好正

「呃，依家你當拍戲係砌lego啊？
劏房，公屋，殘障，老年，輪椅
放晒落去就係溝到一套悲情/慘情/悲情電影？
你呢個咩困局咁大件事？每星期都有企業執笠，相信人地嘅困局唔會比你角色困局細。你點樣想像到會有觀眾俾一百蚊花個幾鐘入場睇原來仲有人俾自己更慘？我俾十蚊買份報紙睇十單啦。
再數返之前嘅港產片，我睇過《一念無明》，《淪落人》，佢地啲悲慘元素是但一套都多過《無名指》。當年我已經睇過晒最慘嘅嘢，點解我今年又要再睇？
你嘅selling point除咗有影帝，有新演員，仲有啲咩？
我收人工開工都唔想做重覆嘢，依家叫我俾錢睇重覆嘅戲？我自己都說服唔到自己
點解你唔係話俾觀眾聽自己套戲好睇或者睇緊同睇完都會有全新體驗，去吸引觀眾？而係套戲上唔到大陸所以叫人支持？呢個係咩賣點嚟？
利申，我未睇《無名指》，因為我見到張海報部電動輪椅就諗起黃秋生，為咩要睇完又睇？反正我鬼滅都未睇，不如我留啲時間追下動漫
好睇就好睇，真實感、沉重唔會係影響觀眾覺得套戲好睇嘅因素。」

並唔係所有電影都要做到普世娛樂，亦有D作品專注呈現某個地方
就好似台灣有《大佛普拉斯》﹑《陽光普照》，都係講當地人生活，但一樣可以引起共鳴
代入感未必一定要完全相同背景先做到，有時係情感層面既共通點

無名指擺明係純粹本地出發，所以先會「太本地」而未必有大陸市場
觀眾係可以自由選擇睇唔睇，但有得選擇本地作品既空間，本身都好重要

呢啲戲，拍多100套都係咁架啦，
幾時先醒

本地電影未必人人鍾意，亦唔會部部都好睇，但背後工作人員係唔係用心做，呢個冇人否認喎

黃金年代其實出過唔少神作，《秋天的童話》﹑《黃飛鴻》﹑《無間道》都係例子，唔同年代係有唔同困難，你都唔可以一概而論，再者今日講「困局」，唔係話以前就無問題，只係而係依家挑戰更加多

娛樂選擇好多，慘情戲只係其中一種，以前韓國真係好多，正如有人中意Marvel，有人中意愛情喜劇，亦有人中意真實生活題材
唔係所有人都要受落當然我知，但呢種戲存在，本身就係一個選擇，比D人透過故事整理情緒，從來都係市場需求黎，只係未必咁主流啫，你下下用主流想點去拍，咁先係扼殺電影創作空間喎

可唔可以拍鬼片？

好耐無鬼片上